မီးဖိုချောင်မှ မီးခိုးငွေ့နှင့် ညှော်နံ့ **************************

(၁) မီးဖိုချောင်မှ မီးခိုးငွေ့

ထမင်းဟင်းချက်ရာတွင် လျှပ်စစ်မီးဖို၊ ဂက်စ်မီးဖိုတို့ကို သုံးဖို့ အဆင်မပြေ၍ မီးသွေး၊ ထင်းနှင့် အခြားလောင်စာတို့ကို မီးမွှေးချက်ရာမှ ထွက်လာသော မီးခိုးငွေ့များသည် ကလေးငယ်များကို ပြင်းထန် အဆုတ်ရောင်ရောဂါဖြစ်စေနိုင်ပါသည်။

ကမ္ဘာ့ကျန်းမာရေးအဖွဲ့အစည်း၏ ၂၀၁၆ ကြေငြာချက်အရ အဆုတ်ရောင်ရောဂါကြောင့် သေဆုံးသော ၅ နှစ်အောက် ကလေး ၁၀၀ တွင် တစ်ဝက်ကျော်က မီးခိုးငွေ့များရှူမိခြင်းကြောင့်ဟု ဆိုသည်။

*မီးခိုးငွေ့ နည်းပါးစေရန် ဖြစ်နိုင်လျှင်
-လျှပ်စစ်မီးဖို၊ ဂတ်စ်မီးဖိုသုံးပါ။

(၂) မီးဖိုချောင်မှ ညှော်နံ့

ဆီသတ်ခြင်း၊ အပူချိန်မြင့်မားစွာ သုံး၍ ကြော်ချက်ခြင်းမှ ထွက်လာသော ညှော်နံ့များတွင် သွေးဆိပ်ဖြစ်စေသော ကာဗွန်မိုနောက်ဆိုဒ်နှင့် မြောက်များလှသော အန္တရာယ်ရှိသည့် ဓာတုဗေဒ အမှုန်များပါဝင်သည်။

ဆီညှော်နံ့ကို မကြာခဏ ရှူမိသော ကလေးငယ်များသည် နှာစေးချောင်းဆိုးခြင်း မကြာခဏဖြစ်နိုင်သည်။

ဆီညှော်နံ့ကို နေ့စဉ်ရက်ဆက် မြောက်မြားစွာ ရှူရှိုက်မိသော ကိုယ်ဝန်ဆောင်၏ အဆိုးဆုံးကြုံတွေ့နိုင်သော ကျန်းမာရေးပြဿနာများမှာ

(၁) ရုတ်တရက် သတိလစ်ခြင်း
(၂) ကိုယ်ဝန်ပျက်ကျခြင်း
(၃) မွေးလာသော ကလေးတွင် ကိုယ်လက်အင်္ဂါချို့ယွင်းခြင်း၊ ဦးနှောက်ထိခိုက်ခြင်းတို့ ဖြစ်ပါသည်။

*ညှော်နံ့ကင်းဝေးစေရန်

-ဖြစ်နိုင်လျှင် ဆီထဲနှစ်ပြီး မီးအားပြင်းပြင်းနှင့် ကြော်သော အစာများကိုနေ့စဉ်စားခြင်းမှ ရှောင်ရှားပါ။ ကြိုက်လွန်းလျှင် တခါတရံမှစားပါ။
-ကျန်းမာရေးနှင့် ညီညွတ်အောင် ပြုတ်စားခြင်း၊ ပေါင်းစားခြင်းတို့ အစားထိုးနိုင်ပါသည်။
-မီးဖိုချောင်တွင် ညှော်နံ့စုပ်သော ပန်ကာစက်များ တပ်ဆင်ပါ။ တပ်ဖို့ အဆင်မပြေလျှင် ကြော်ချက်ချိန် ပန်ကာဖွင့်ပါ။ လေဝင်လေထွက်ကောင်းအောင် ပြတင်းပေါက်များဖွင့်ထားပါ။

ရပ်ကွက်ထဲတွင် တစ်အိမ်စီ၊ တိုက်ခန်းတစ်ခန်းစီမှ ကိုယ်တိုင်စားဖို့ဖြစ်စေ၊ စီးပွားရေးအတွက် ဖြစ်စေ ကြော်ချက်ကြလျှင် ကိုယ်ဝန်ဆောင်နှင့် ကလေးငယ်များ၏ ကျန်းမာရေးအတွက် စဉ်းစားချင့်ချိန်ပေးစေလိုပါသည်။

နေနေမိုးဆွေ (Child Health Myanmar
Page)
Pictures- credits to Google
Reference-
1. WHO: Household Air Pollution & Health
2. Center for Disease Control & Prevention: Smoke & Byproducts of Burning
#naynaymoeswe