မွေးကင်းစ ကလေးများ အသားဝါခြင်း (Neonatal Jaundice)

အသားဝါခြင်း သည် သွေးထဲတွင် (Bilirubin) ဟုခေါ်သော အဝါဓာတ် များလာခြင်း ကြောင့်ဖြစ်သည်။ သွေးနီဥဟောင်း များ ပြိုကွဲသောအခါ (Bilirubin) ခေါ် အဝါဓာတ် ထွက်လာပြီး ပုံမှန်အားဖြင့် အသည်းက စွန့်ထုတ် ပေးသည်။ မွေးကင်းစ ကလေးများတွင် အသည်းသည် ကောင်းစွာ ဖွံ့ဖြိုးမှု မရှိသေးသည့် အတွက် အဝါဓာတ် ကို စွန့်ထုတ်နိုင်မှု နည်းပြီး အသားဝါလာသည်။ ထိုသို့ဝါခြင်းကို ကလေး (၃) ရက် သို့ (၄) ရက်သား အရွယ်တွင် စတွေ့ရပြီး ခန္ဓာကိုယ်၏ ဇီဝကမ္မ တုံ့ပြန်မှု အရ ဝါခြင်းဖြစ်သည်။ ယင်းမှာ အန္တရာယ်မရှိပါ။
မွေးပြီး ပထမ၂ ရက်မှာ အသားဝါလျှင် သွေးအုပ်စု ဓာတ်မတည့်ခြင်း (ABO incompatibility၊ Rh incompatibility)၊ G6PD ဓာတ်ချို့တဲ့ခြင်း၊ မွေးရာပါ ရောဂါပိုး
ပါရှိခြင်း စသည်တို့ကြောင့်ဖြစ်နိုင်ပြီး အချိန်မီကုသရန် လိုအပ်သည်။ မွေးပြီး ၃ရက်မှ ၆ရက်အတွင်း ဝါလျှင် အထက်ပါ အကြောင်းအရင်းများကြောင့် ဖြစ်နိုင်ပြီး ဇီဝကမ္မတုံ့ပြန်မှုအရ အသားဝါခြင်း၊ ကလေးခေါင်းတွင် သွေးခြည်ဥ၍ အသားဝါလာခြင်း၊ ပိုးဝင်ခြင်းကြောင့် အသားဝါခြင်း စသည်တို့လည်း ဖြစ်နိုင်သည်။

တပတ်ကျော်မှအသားဝါလျှင် ကလေးတွင်
မွေးရာပါရောဂါ တခုခု (သို့မဟုတ်) မိခင်နို့တိုက်မှုနည်းခြင်းကြောင့်ဖြစ်နိုင်သည်။
အဝါဓာတ်အလွန်များလာလျှင် ကလေး၏ဦးနှောက်ကို ထိခိုက်စေပြီး အဆိုးဆုံးအနေဖြင့် ဥာဏ်ရည်မမီ၊ ကိုယ်အင်္ဂါမသန်စွမ်းသည့် အခြေအနေအထိကို ဖြစ်စေနိုင်
သည်။ ထို့ကြောင့် အချိန်မီ ကုသရပါမည်။

ဆရာဝန်သည် ကလေး၏အရေပြားကို လက်ဖြင့်ဖိကြည့်၍ ဝါ၊ မဝါကို စစ်ဆေးကြည့်မည်။ ထို့နောက် ကလေး၏ သွေးအနည်းငယ်ကိုယူ၍ အဝါဓာတ်ပမာဏကို စစ်ဆေးမည်။ အဝါဓာတ်ပမာဏ ပေါ်မူတည်၍ သင့်လျော်သောကုသမှုကို ပေးမည်။

အများအားဖြင့် မွေးကင်းစကလေးများတွင် အသားဝါခြင်းကို ဆေးမီးချောင်း (Phototherapy) ပြ၍ ကုသကြသည်။ ထိုသို့ကုသခြင်းသည် ကလေးခန္ဓာကိုယ်ထဲရှိ အဝါဓာတ်များကို ဆီးနှင့်ဝမ်းထဲတွင် ပျော်ဝင်ပြီး ပို၍စွန့်ထုတ်ရလွယ်ကူအောင် ပြုလုပ်ပေး ခြင်းဖြစ်သည်။ ထို့ကြောင့် ကုသနေချိန်တွင် ကလေးတွင် အရည်ဓာတ် များများရစေရန် မိခင်နို့များများ တိုက်ပေးရမည်။
အကယ်၍ အထက်ပါ နည်းလမ်းဖြင့် မသက်သာပါက ကလေးတွင် သွေးလဲပြီးကုသရန် လိုအပ်ပါသည်။ သွေးလဲခြင်းဆိုသည်မှာ ကလေး၏သွေးအကုန်လုံးကို တပြိုင်နက်ထုတ်ပြီး သွေးကိုပြန်ထည့်ခြင်းမဟုတ်ပါ။ ကလေး၏သွေးအနည်းငယ်ကိုထုတ်ပြီး ပိုးကင်းသော သန့်ရှင်းသော သွေးအနည်းငယ်ကို ပြန်ထည့်ခြင်းဖြစ်သည်။

ထိုသို့ သွေးအနည်းငယ် ထုတ်ခြင်း၊ ထည့်ခြင်းကို အကြိမ်များစွာပြုလုပ်ရသည်။
ကလေး၏ သွေးထဲတွင်ရှိသော အဝါဓာတ်ပမာဏကို မြန်မြန် လျော့နည်းစေသည်။

မွေးကင်းစ ကလေးတွင် အသားမဝါစေရန် မိခင်နို့ကို ၂နာရီခြား (သို)့ ၃နာရီခြား
တိုက်ရမည်။ မွေးကင်းစကလေးတွင် အသားဝါခြင်းသည် အလွန်အရေးကြီးသည့် အတွက် မပေါ့ဆဘဲ ကုသမှု အမြန်ဆုံးခံယူရန် လိုအပ်ပါသည်။

Source : သင့်ကျန်းမာရေးအတွက် စောင့်ရှောက်ပေး
Dr.Jink
မှတ်ချက်။ ။ အထက်ပါအကြောင်းအရာနှင့် ပတ်သက်၍ အသေးစိတ်သိရှိလိုပါက Hotline နံပါတ် ၇၈၈၇ သို့ Mpt မိုဘိုင်းလ်ဖုန်းများဖြင့် ၂၄ နာရီအချိန်မရွေး ခေါ်ဆိုပြီး ဆရာဝန်များနှင့် တိုက်ရိုက်တိုင်ပင်ဆွေးနွေးနိုင်ပါပြီ။