စိုးရိမ်တတ်သော အကျင့်ပျောက်အောင်

မုန့်စား ကျာင်းဆင်းချိန်း မှာ သူကစားဖော်တွေက aနပြီးတော့ သူနဲ့မကစားမှာကို စိုးရိမ်ခြင်း အတွက်နဲ့တော့ သူငယ်ချင်းတွေနဲ့ မပေါင်းသင်းပဲ aနလို့ရမှာ မဟုတ်ကြောင်း ထိုနည်းတူစွာ ပဲ စာမေးပွဲကျမှာကို စိုးရိမ်နေခြင်း အတွက်နဲ့ စာကြိုါ်စားတဲ့အလုပ်၊ အမှတ်ကောင်းအောင် ကြိုးစားရတဲ့ အလုပ်တွေကို ရပ်တန့်ထားလို့ ရမှာ မဟုတ်တဲ့အကြောင်းပြောပြပြီး လုပ်စရာရှိ တာလုပ်ဖို့ အားပေး နေရမှာဖြစ်ပါတယ်။
တစ်ချို့ကလေး တွေဟာ တခြားကလေးတွေ ထက်ပိုပြီး သူပင်ကိုယ်က စိုးရိမ်သောက ပိုတတ်ပါတယ်။ သူတို့ တစ်တွေဟာ သူတို့နဲ့ သက်တူ ရွယ်တူ ကလေးတွေ အလွယ်တူ လုပ်နိုင်တဲ့ ကိစ္စမျိုးတွေ၊ အတန်းသစ် စတက်ရတာမျိုးတွေ၊ လူစိမ်းတွေနဲ့ တွေ့ဆုံရတာမျိုးတွေ စားလေ့ စားထ မရှိသေးတဲ့ အစား အသောက်တွေကို စားသောက်ရ တာမျိုးတွေ စတဲ့ ဘ၀ရဲ့ အသေအဖွဲ့ ကိစ္စလေးတွေ အတွက် စိတ်ပူပန် တတ်ကြပါတယ် ပါတယ်။ အသက် ၅ နှစ်၊ ၆ နှစ်သား အရွယ် ကလေးတွေရဲ့ ၁၀ ရာခိုင်နှုန်း၊ ၁၅ ရာခိုင်းနှုန်းလောက်ဟာ ဒီလို ကိစ္စမျိုးတွေမှာ ထင်ရှားတဲ့ အကြောင်းအရင်းမရှိပဲ ဇီဇာကြောင်ပြီး တဖြည်းဖြည်းနဲ့ ပုံမှန် တိုးတက်လာတာ မျိုးရှိတတ်ပါတယ်။ တကယ်လို့ သင့်ကလေးဟာ ဇီဇာကြောင်တတ်တဲ့ အကျင့် စိုးရိမ်ပူပန်တတ်တဲ့ အကျင့်ရှိနေခဲ့မယ်ဆိုရင် ဘာမှ ကြီးကြီးကျယ်ကျယ် စိုးရိမ်စရာမဟုတ်တဲ့အကြောင်း အရာလေးတွေကို သူစိုးရိမ်နေကြောင်းအရာရာဟာ သူ့အတွက် စိတ်ပိုင်းဆိုင်ရာ စိန်ခေါ်မှုတစ်ခုလိုဖြစ်နေကြောင်းတွေ့ရပါလိမ့်မယ် သင့်အနေနဲ့ သူ့ကိုစိုးရိမ်သောကကင်းပြီ စိတ်ပျော်ရွှင်နေတဲ့ ကလေးတစ်ယောက်ဖြစ်လာစေချင်မှာလည်း အမှန်ပါပဲ။

သိမ်ငယ်စိတ်ကင်းအောင်

သင့်ရဲ့ ၆ နှစ်အရွယ်ကလေးက အသေးအဖွဲ့လေးတွေကို စိတ်ပူပန်နေတတ်ခြင်းဟာ အတ္တအလေးအမြတ်ထားမှု နိမ့်ကခြင်း၊ သို့မဟုတ် သိမ်ငယ်စိတ်ရှိနေခြင်း အပါအ၀င် အကြောင်းအရင်း အမျိုးမျိုးကြောင့် ဖြစ်နိုင်ပါတယ်။ သူဟာ တခြားကလေးတွေနဲ့ယှဉ်ရင် မိမိအစွမ်းအစအပေါ် ယုံကြည်စိတ်နည်းပြီး သံသယဖြစ်နေတတ်ပါတယ်။ တခြားလူတွေက သူ့ထက်ပိုတော်တယ်လို့ သုံသယဖြစ်ခံစားနေတတ်ပါတယ်။ ဒါကြောင့် သူ့ရဲ့အစွမ်းအစ အားလုံးကို သူကိုယ်တိုင် မြင်လာအောင် သင့်အနေနဲ့ ပုံမှန် ထောက်ပြပေးနေဖို့လည်း လိုပါလိမ့်မယ်။ အဲဒီအခါမျိုးမှာ ကလေးဟာ ချက်ချင်းပြောလို့မရပဲ သူရဲ့ စိုးရိမ်သောကဟာ ဆက်ပြီး ရှိကောင်းရှိနေဦးမှာလည်း အမှန်ပါပဲ။ ဒါပေမယ့် သင်ကသူရဲ့အစွမ်းအစ များအပေါ် အပြုသဘောအားပေးထောက်ပြမှုတို့ မကြာမကြာ လုပ်ပေးရင် တဖြည်းဖြည်းနဲ့ ကလေးဟာ သဘောပေါက်လာပါလိမ့်မယ်။
တစ်ခုခုကို အကျပ်အတည်း ဒုက္ခလို့ သူထင်မြင် လာဦးမယ်ဆိုရင် သူ့ရဲ့စိုးရိမ်စိတ်တွေ သံသယတွေဟာ စိတ်ထဲမှာ ထပ်ပြီးပေါ်လာတတ်ပါတယ်။ သူ့အတွက်ဝန်ထုတ်ဝန်ပိုးလို တွေ့ကြုံ ခံစား လာတတ်ပါတယ်။ ဒါကြောင့် မိမိကိုယ်မိမိ အပြုသဘောညွှန်းဆိုမှုများ၊ ဆိုလိုတာက မိမိရဲ့ ယုံကြည်စိတ်၊ မိမိရဲ့ ပျော်ရွှင်မှုများကို မိမိစိတ်ထဲမှာ ဖော်ပြပြီး မိမိကိုယ်မိမိ အားပေးခြင်းဟာ စိုးရိမ်စိတ်ကျနေခြင်း ကိုပြေပျောက်သွားစေနိုင်တဲ့ အားပြင်းတဲ့ စိတ်ဖြေဆေးတစ်လက်ဖြစ်ပါတယ်။ ဥပမာ သူဟာ မိမိကိုယ်မိမိ အကောင်းမြင်ဝါဒီလေးများ ဒီကိစ္စကို ငါလုပ်နိုင်တယ်၊ ဒီကိစ္စမှာ ငါအောင်မြင်ရမယ် ဘာမှကြောက်စရာမလိုဘူး၊ ဒီကိစ္စနဲ့ပက်သက်လို့ ငါလုပ်ရတာ နှစ်သက်တယ် သဘောကျတယ် စသည်ဖြင့်ပြောနေစေခြင်း သို့မဟုတ် သူကြားရရုံအသံလေးနဲ့ သူ့ကိုယ်သူ ပြောနေစေခြင်းများကို လေ့ကျင့်ခိုင်းနိုင်ပါတယ် ။ မိမိကိုယ်မိမိ အပြုသဘော အားပေးပြောကြားနေစေခြင်းဟာ ကြောက်ရွံ့နေတဲ့ သင့်ရဲ့ကလေးအား အပြုသဘောရလဒ်များကို အလှည့်အပြောင်း စဉ်းစားလာစေပါလိမ့်မယ်။ ဒီလိုစိတ်ပိုင်းဆိုင်ရာ လေ့ကျင့်မှုမျိုး အလုံအလောက် မကြာခဏ လုပ်ခိုင်းမယ်ဆိုရင် သူရဲ့ထင်မြင်မှုများဟာ အစစ်အမှန် ဖြစ်ပါလားဆိုတာ သူ့ကိုယ်သူ စတင်ယြုံ့ကည်လာစေပါလိမ့်မယ်။ စိုးရိမ်မှုတွေနဲ့ သူဘယ်အခါမှာပဲကြုံကြုံ သူ့စိတ်ထဲမျာ သူ့ကိုယ်သူ အောင်မြင်မှုခံစားနေပုံကို ထင်မြင်အာရုံပြုခိုင်းပါ။ ဒီလို အောင်မြင်မှုတွေကို စိတ်ထွင်း ထင်မြင်စဉ်းစားခိုင်းတဲ့ နည်းဟာလည်း သူ့ကိုလက်လျော့ လိုက်စေခြင်းထက် ကြိုးစားစွမ်းဆောင်ဖို့ အားပေးနေသလိုဖြစ်ပါလိမ့်မယ်။

ဖြစ်စရာရှိတာဖြစ်ပါစေ၊ လုပ်စရာရှိတာလုပ်ပါစေ
တချို့သော အရာတွေမှာ စိတ်ပူစရာတွေကြုံနိုင်ကြောင်း သင့်ကလေးကို ထောက်ပြပါ။ ဒါပေမယ့် တစ်ချိန်တည်းမှာ လည်း စိုးရိမ်ပူပန်မှုတွေနဲ့ အတူနေရတာ သဘာဝပဲဆိုတာ ထောက်ပြပါ။ တစ်နည်းအားဖြင့် နေ့စဉ်ဘ၀ရဲ့ နိစ္စဓူဝ အလုပ်တွေ ကနေ စိုးရိမ်စိတ်တွေကို ဖယ်ရှားလို့ ရနိုင်မှာ မဟုတ်ကြောင်းပြောပြပါ။ ဥပမာ မုန့်စားကျောင်းဆင်းချိန်မှာ သူ့ကစားဖော်တွေကနေပြီးတော့ သူနဲ့ မကစားမှာကို စိုးရိမ်ခြင်းအတွက်နဲ့တော့ သူငယ်ချင်းတွေနဲ့ မပေါင်းသင်းပဲနေလို့ရမှာ မဟုတ်ကြောင်း ထိုနည်းတူစွာပဲ စာမေးပွဲကျမှာ စိုးရိမ်နေခြင်းအတွက်နဲ့ တော့ စာကြိုးစားတဲ့အလုပ် အမှတ်ကောင်းအောင် ကြိုးစားရတဲ့အလုပ်တွေကို ရပ်တန့်ထားလို့ရမှာ မဟုတ်တဲ့အကြောင်း ပြောပြပြီးလုပ်စရာရှိတာလုပ်ဖို့ အားပေးနေရမှာဖြစ်ပါတယ်။ ဒီနည်းများနဲ့ သူ့ရဲ့ပြည့်ဝတဲ့ ဘ၀တစ်ခုဆီရောက်အောင်ဦးတည်အားပေးရပါလိမ့်မယ်။ သင်ရဲ့ကလေးအနေနဲ့ ဘာအကြောင်းကိုပဲ စိုးရိမ်စိုးရိမ် ဘ၀ရဲ့ စိန်ခေါ်မှုတွေကို ရှောင်လွဲခြင်းအားဖြင့် မိမိဘ၀ကိုမိမိ တည်ဆောက်လို့ရမှာ မဟုတ်ဘူးဆိုတာ သူသိအောင်လုပ်ပါ။ ဥပမာ အားဖြင့် တခြားသောကလေးတွေနဲ့ တွေ့ရမှာ ကြောက်လို့ တခြားကလေး တယောက်ရဲ့ မွေးနေ့ပွဲ၊ အလှူပွဲကို မသွားပါရစေနဲ့လို့ သင့်ကို တောင်းဆိုကောင်းတောင်းဆိုပါလိမ့်မယ်။ သူဘယ်လိုပဲပြောပြော သွားဖြစ်အောင်သွားခိုင်းပါ။
လမ်းပေါ်ထွက်စက်ဘီးစီးသင်ရမှာကြောက်လို့ အိမ်ထဲမှာပဲ ကစားပါရစေလို့ သင့်ကိုသူတောင်းဆိုကောင်း တောင်းဆိုပါလိမ့်မယ်။ သူတောင်းဆိုသည့်တိုင် သင့်အနေနဲ့ မိနစ်အနည်းငယ်လောက် လေ့ကျင့်ပေးဖို့ အပြင်ကို ခေါ်ကောင်းခေါ်ရပါလိမ့်မယ်။ သင်က စွဲစွဲမြဲမြဲပြောဆိုချိန်မှာ သူစိတ်ပျက်ကောင်းစိတ်ပျက်နေမှာ ဖြစ်သော်ငြားလည်း နောက်ဆုံးမှာ ကြိုးစားရင်းနဲ့ သူ့ကိုယ်သူ ဂုဏ်ယူပြီးပျော်ရွှင်လာပါလိမ့်မယ်။ သူစိတ်ပူပန်နေတဲ့ နယ်ပယ်များစွာမှာ သူကြိုးစားရင်းရခဲ့တဲ့ အောင်မြင်မှုများဟာ ငါစိုးရိမ်နေတဲ့ စိုးရိမ်မှုများဟာ စစ်မှန်တဲ့ အခြေအမြစ်ဘာမှမရှိပါလား ဆိုတာ သူကိုယ်သူ သဘောပေါက်သွားစေပါလိမ့်မယ်။ သင့်ရဲ့စိတ်ပိုင်းဆိုင်ရာ အားပေးမှု၊ စိတ်ရှည် အကောင်းမြင်တတ်မှုနဲ့ ဒီဆောင်းပါးကလေးကို အားပေးဖို့အခြေခံ နည်းဗျူဟာတွေနဲ့အတူ လေ့ကျင့်ပေးမယ်ဆိုရင် လအနည်းငယ်လောက်အတွင်းမှာပဲ အစစ်အမှန် တိုးတက်လာမည်ဖြစ်ကြောင်းသင်တွေ့ရှိနိုင်ပါတယ်။

Source : ဒေါက်တာ မြင့်လွင် (စိတ်ပညာ)