မိခင်နို့ အထွက် နည်းသော်

သိပ္ပံ နည်းကျ မိခင်နို့ အထွက်များစေရန် နည်းလမ်း ကောင်းများ ရေးပေးပါမည်။

မိခင်နို့ အနည်းအများကို လွှမ်းမိုးနိုင်သော အဓိက အချက်များကို သိရှိ နားလည်လျှင် နို့ပိုထွက်အောင် နည်းမှန် လမ်းမှန် ကြိုးစားနိုင်မည်ဟု မျှော်လင့်ပါသည်။

(၁) နို့ရည် အတွက် ခန္ဓာကိုယ် ပြင်ဆင်ခြင်း
*********************************
၉ လ ကိုယ်ဝန် လွယ်ထားချိန် တလျောက်တွင် မိခင်၏ နို့အုံသည် မွေးလာမည့် ကလေးကို နို့တိုက်ရန် ဦးနှောက်၏ ထိန်းချုပ်မှုနှင့် ဟော်မုန်းများ ၏ စေခိုင်းမှု အတိုင်း နို့ချက်ဖို့ ကုန်ကြမ်းများ စုဆောင်း ပြင်ဆင်ထားသည်။

-**ထို့ကြောင့် ကုန်ကြမ်း ပစ္စည်းရနိုင်ရန် အာဟာရ ဖြစ်စေသော အသား ငါး ကြက်ဥ ဟင်းရွက်စိမ်း အာလူး သစ်သီးများ နို့နှင့် နို့ထွက်ပစ္စည်းများကို မမွေး ခင် ရော မွေးပြီးပါ စုံလင်အောင် စားပါ။ ငြုပ်ကောင်း ဟင်းခါး တစ်မျိုးတည်း သောက်ရုံနှင့်တော့ နို့မထွက်ပါ။

(၂) ကလေး မွေးပြီးလျှင် အားကိုးရတဲ့ သတင်းပို့ လုလင်များ
**************************
မိခင်၏ နို့သီးခေါင်း အတွင်းတွင် ဦးနှောက်နှင့် ဆက်သွယ်နေသော သတင်းပို့ လုလင်လေးများ မြောက်မြားစွာရှိသည်။
မွေးကင်းစ ကလေးက နို့စို့လိုက်တာနှင့် သတင်းပို့ လုလင်လေးများက ဦးနှောက်ဆီသို့ လျင်မြန်စွာ သွားရောက် အသိပေးသည်။ နို့ထွက်လာသည်။ ကလေး ပါးစပ်နှင့် မိခင် နို့ အချိတ်အစပ် မှန်လျှင် သတင်းလုလင် အရေအတွက်ပို၍ သိရှိနိုင်သည်။

-**ထို့ကြောင့် နို့တိုက်ပုံ တိုက်နည်း မှန်ကန်မှ နို့ထွက်မည်။ အများအားဖြင့် လက်မှတ်ရ သားဖွားဆရာမများက နည်းမှန်အောင် ကူညီ ပြသပေးနိုင်သည်။

-**ခဏ ခဏ တိုက်လျှင် သတင်းလုလင်များက ဦးနှောက်ကို နို့ထုတ်ဖို့ အမိန့်ပေးရန် များများ လှုံ့ဆော်ပေးမည်။ ၂ နာရီ ၃ နာရီ ခြားတိုက်ပါ။

(၃)ဟော်မုန်းများ
***************

မိခင်နို့ အနည်း အများကို ဦးနှောက်မှ ထိန်းချုပ်သည့် အပြင် ကိုယ်တွင်းရှိ ဟော်မုန်း အချို့ကလည်း ဝင်ရောက် စွက်ဖက်သည်။

ပူပင်ခြင်း, စိတ်လှုပ်ရှားခြင်း, စိတ်ဓာတ်ကျခြင်း, ဒေါသကြီးခြင်း, ဝမ်းနည်းခြင်းများရှိလျှင် နို့ထွက်စေသော ဟော်မုန်းများက အလုပ် သိပ်မလုပ်ပါ။

-**ထို့ကြောင့် စိတ်ကို သက်တောင့် သက်သာထားပါ။ မလိုအပ်ပဲ စိတ်ပူခြင်း ရှောင်ပါ။ နို့တိုက် မိခင်ကို စိတ် အနှောင့် အယှက် မပေးကြပါနှင့်။

(၄) အနောက်တိုင်းဆေးဝါးနှင့် အရှေ့တိုင်းရင်းဆေးများ
*********************************
အီစတိုဂျင် (estrogen) ပါသော အချို့တားဆေးများ, ဆေးဆိုင်တွင်ရောင်းသော နှာစေးချောင်းဆိုးဆေးများ, တုပ်ကွေးမိလျှင် သုံးသောဆေးများနှင့် အချို့သော တိုင်းရင်း ဆေးများတွင် နို့ထွက်ခြင်းကို အနှောင့်အယှက် ပေးသော ဓာတုဗေဒ ပစ္စည်းများပါရှိသည်။

-**ထို့ကြောင့် မလိုပဲ ဆေး မသောက်ပါနှင့်။ ဆေးလိုအပ် လောက်အောင် နေမကောင်းဖြစ်လျှင် ဆရာဝန်ပြပါ။ ဆရာဝန်ကို သင် နို့တိုက်နေကြောင်း အသိပေးပါ။ ဆရာဝန်က ဆေးပေးလျှင် နို့တိုက်ချိန်တွင် သောက်လို့ရလားဟု ထပ်၍ သတိပေးပါ။

(၅) နို့တိုက်ရာတွင် နာကျင်ခြင်း
**************************
(က) ကလေး ပါးစပ်က နို့သီးစို့ပုံလွဲနေလျှင် နို့သီးခေါင်း ပတ်လည်တွင် ကွဲရှ၍ အနာလေးများ ဖြစ်နိုင်သည်။ နာကျင်ခြင်း ဝေဒနာက သတင်းပို့ လုလင်လေး များကို တွေဝေပြီး အာရုံ ပြောင်းစေနိုင်သည်။ သူတို့ အလုပ် မလုပ်လျှင် ဦးနှောက်က နို့ထွက်ဖို့ အမိန့်မပေးပါ။

-**ထို့ကြောင့် ကလေးပါးစပ်ထဲတွင် နို့သီး ပတ်ပတ်လည် ငုံမိဖို့ အရေးကြီးသည်။

(နို့သီးဝန်းကျင်တွင် ကွဲရှရာများရှိလျှင် နို့အုံ ရောင်ရမ်း စေသော ပိုးဝင်နိုင်သည်။ နို့အုံ ပိုးဝင်လျှင် နီနာရောင်မည်။ နာလို့ မတိုက်လျှင် နို့ထွက် နည်းမည်။

-**ထို့ကြောင့် နို့အုံရောင်ပြီးဖျားလျှင် ဆရာဝန်နှင့် တိုင်ပင်ပြီး ပိုးသတ်ဆေး ၅ ရက်မှ ၇ ရက် သောက်ပါ။ ဆေးသောက်နေစဉ် နို့ဆက်တိုက်ပါ။

********************************
အထက်ပါ အချက်များ အားလုံး စနစ်တကျ ကြိုးစားပြီး မရလျှင် Domperidone ဟုခေါ်သော ဆေးတစ်မျိုးကို တတ်ကျွမ်း၍ အတွေ့အကြုံများသော ဆရာဝန်နှင့် ဆွေးနွေး၍ သောက်နိုင်သည်။ မဆွေးနွေးပဲ မသောက်ပါနှင့်။ ၁၀ မီလီဂရမ်ကို တစ်နေ့ ၃ ကြိမ်သောက်ရသည်။ ဘယ်နှစ်ပတ်လောက်သောက်ရမလဲဆိုတာ တစ်ဦးချင်းပေါ် မူတည်၍ ဆက်သောက်ချင်လျှင် စသောက်တုံးက ဆွေးနွေးသော ဆရာဝန်နှင့် ပြန်တိုင်ပင်ပါ။

 

   Credit : နေနေမိုးဆွေ(Child Health Myanmar Page)