မွေးစ ကလေး ခေါင်းရိတ် မှာလား မရိတ် ဘူးလား

*မြန်မာ တရုတ် အိန္ဒိယ ဟိန္ဒူ  မွတ်ဆလင် လူမျိုး ပေါ်မူတည်ပြီး မွေးစကလေး ခေါင်းရိတ်ခြင်းနှင့် ပတ်သက်လို့ ဓလေ့အရ ဘာသာရေးအရ အယူ များစွာ ရှိပါသည်။

*ဆေးပညာ ရှုထောင့်မှ ကြည့်၍ အချက် (၄) ချက် ထောက်ပြလိုပါသည်။

(၁) မွေးစ ကလေး ဦးရေပြားက ပါးသည်။ ခေါင်းရိတ် လျှင် ရှနာလွယ်သည်။

(၂) ရှနာ လျှင် ပိုးဝင် တတ်သည်။ မွေးစ ကလေး ကိုယ်ခံအား အပြည့် အဝ မဖွံဖြိုး သေးပါ။ ကိုယ်တွင်း ဝင်လာသော ရောဂါပိုး ကို တိုက်ထုတ်ဖို့ အား မပြည့်သေးပါ။

(၃) ကလေးများက အအေးမိ လွယ်သည်။ ဆံပင်က ကိုယ်ခန္ဓာ အတွင်းပိုင်းမှ အပူချိန်ကို မဆုံးရှုံးအောင် ထိန်းသိမ်း ကာကွယ်ပေးသည်။

(၄) ဆံပင် သန်မသန်က ခေါင်းရိတ်ခြင်းနှင့် သက်ဆိုင် သည်ဟု တထစ်ချ ပြောမရပါ။ ဆံပင်ရိတ်လျှင် သန်သော သူလည်းသန်သည်။ တချို့လည်း ဘယ်လို ရိတ်ရိတ် မသန်ပါ (ခေါင်းရိတ်၍ ဆံပင်သန်လျှင် ထိပ်ပြောင် သူများ မရှိနိုင်ပါ)။

*ထို အချက်များ ကြောင့် ကလေး အသက် ၃-၄ လမတိုင်မီ ဆံပင်ရိတ်ခြင်းကို ဆရာဝန်များက အားမပေးပါ။

*သို့သော် မိရိုးဖလာ ရိုးရာဓလေ့ ထုံးတမ်းများအရ ရိတ်လိုပါလျှင် ကလေးဦးရေပြား မထိခိုက်အောင် ရိတ်ပါ။ ရိတ်နေစဉ်နှင့် ရိတ်ပြီး ဦးရေပြား သန့်ရှင်းမှု ရှိပါစေ။

Credit : နေနေမိုးဆွေ(Child Health Myanmar)