ရောဂါပိုးကြောင့် ကလေးမျက်စိနာခြင်း

၅ နှစ်အောက် ကလေးများမှာ အလွန်အဖြစ်များလို့ ရေးပေးပါသည်။ ဖြစ်လျှင် ၂ ရက်မှ ၃ ပတ်အထိကြာနိုင်သည်။

(၁) ဘာကြောင့်ဖြစ်လျှင် ဘယ်လိုကု

(က) ဗိုင်းရပ်စ်ပိုးမွှားများ

မျက်လုံးနီပြီး မျက်ရည်ကြည်များ တတောက်တောက်ကျသည်။ ဆရာဝန်နှင့်စစ်ဆေးပါ။ ဗိုင်းရပ်စ်ကြောင့်ဖြစ်လျှင် ဆေးမလိုဘဲ ၃-၄ ရက်အတွင်း ကောင်းသွားပါသည်။

ဂွမ်းလုံးလေးကို ရေနွေးနွေးစွတ်၍ သန့်စင်ပေးပါ။ သန့်စင်ရာတွင် ဂွမ်းလုံးတစ်လုံးကို မျက်လုံးတစ်ဖက်ပဲ သုံးပါ။ အပြင်မှ အတွင်း (သို့) အတွင်းမှ အပြင်သို့ ဦးတည်ချက်တစ်ဖက်ကို ပဲပွတ်ပါ။ မဟုတ်လျှင် ပိုးက ဂွမ်းထဲမပါသွားဘဲ မျက်လုံးထဲ ပြန်ပြန်ရောက်မည်။

အသုံးပြုပြီး ဂွမ်းလုံးများကို အမြန်လွှင့်ပစ်ပါ။ သန့်စင်ရာတွင် မျက်လုံးအတွင်းကို လုံးဝမထိပါစေနဲ့။

(ခ) ဘက်တီးရီးယားပိုးမွှားများ

မျက်လုံးနီပြီး မျက်ဝပ်စိမ်းစိမ်းဝါဝါများ ပျစ်ပျစ်နစ်နစ်ထွက်သည်။ အမြဲလိုလို မျက်လုံး ၂ ဖက်လုံးဖြစ်သည်။ ပိုးသတ်ဆေးပါသော မျက်စဉ်းကို ဆရာဝန်နှင့် စစ်ဆေးပြီးမှ ထည့်ပါ။ ထည့်ရင် တစ်နေ့ ၄ ကြိမ်နှင့် ၅ရက်မှ ၇ ရက်ထည့်ပါ။

(၂) ဘယ်လိုကူး

ချောင်းဆိုးနှာစေးသူ၏ နှာရည်, နှာရည်ပေထားသောလက်နှင့် အသုံးအဆောင် ပစ္စည်းများ, မျက်စိနာသူနှင့် ရေတူတူကူးခြင်း, မျက်နှာသုတ်ပဝါ အတူတူသုံးခြင်းများမှ အလွန်လျင်မြန်စွာ ကူးပါသည်။ ကလေးနှင့်မထိတွေ့မီ လက်သေချာဆေးပါ။ ကလေးကို မျက်နှာ မှန်မှန်သစ်ပေးပါ။ မျက်စိနာသော ကလေးကို ကျောင်းနှင့် ရေကူးသင်တန်း မလွှတ်ပါနှင့်။ ***

(၃) အန္တရာယ်ရှိသော လက္ခဏာများ

-မျက်လုံး ဖောင်းယောင်နေလျှင်
-ကလေးက အလွန်နာတယ်ပြောလျှင်
-အဖျား ၃၈ စင်တီဂရိတ်ကျော်ပြီး နေမကောင်းပုံပေါ်နေလျှင် နီးစပ်ရာ ဆေးရုံ/ဆေးခန်းကို အမြန်ခေါ်သွားပါ။ ပိုးသတ်ဆေး Antibiotics ကို သွေးကြောမှတဆင့် အမြန်ပေးဖို့လိုကောင်းလိုမည်။ အခြေအနေဆိုးလျှင် ရောဂါပိုးကို ဦးနှောက်ဆီသို့ မရောက်အောင် ကာကွယ်ရပါသည်။ ရှားပါသည်။

#နေနေမိုးဆွေ (Child Health Myanmar Page)
Reference- RCH Kids Health Information
Photo Credits to Googles
#naynaymoeswe