ကလေးတွေပေါက်တဲ့ ရေကျောက် ****************************

(၁) ဘာကြောင့်ဖြစ်

အသက်ရှူလမ်းကြောင်းမှတဆင့် အလွန့်အလွန်ကူးစက်လွယ်သော Varicella ဟုခေါ်သည့်ဗိုင်းရပ်စ်ပိုးကြောင့်ဖြစ်သည်။ ဆောင်းတွင်းနှင့် နွေဦးတွင် အဖြစ်ပိုများသည်။

(၂) အန္တရာယ်ရှိလား

ပုံမှန် ကလေးများတွင် အန္တရာယ်မရှိပါ။ ရောဂါလက္ခဏာမပြင်းထန်ပါ။ ၁ ပတ်အတွင်း အလိုလိုကောင်းသွားမည်။

(၃) ရောဂါလက္ခဏာများ

အဖျားငွေ့ငွေ့၊ နုံးခြင်း၊ ခေါင်းကိုက်ခြင်း၊အရည်ကြည်ဖုများထွက်လာခြင်း၊ အရည်ကြည်ဖုများပတ်လည်မှ အရေပြားက မညီမညာ နီရောင်နေခြင်းတို့ရှိမည်။

(၄) ကုထုံး

ရေကျောက်ပေါက်သော ကလေးကို အိပ်ရာထဲမှာ အနားယူခိုင်းပါ။ အရည်ဓာတ်များများတိုက်ပါ။ ခေါင်းကိုက်ခြင်းအတွက် ပါရာစီတမောကလွဲ၍ ဘာဆေးမှ မတိုက်ပါနှင့်။ အနာအားလုံးခြောက်သွားသည်အထိ ကျောင်းမလွှတ်ပါနှင့်။

(၅) အရေပြားအတွက်

အရည်ကြည်ဖုများက ၅ရက်-၆ရက်ကြာလျှင် ခြောက်သွားမည်။ အလွန်ယား၍ Calamine Lotion လူးပေးနိုင်သည်။ ရေနွေးနွေးဖြင့် နေ့စဉ်ချိုးပေးပါ။ အနာအားလုံးခြောက်သွားပြီး ကျန်ခဲ့သောအနာရွတ်များက လပိုင်းအတွင်း အလိုလိုမှိန်သွားမည်။

(၆) ရေကျောက် ကာကွယ်ဆေး

မြန်မာနိုင်ငံကျန်းမာရေးဌာနမှ ထိုးပေးသည့် ကာကွယ်ဆေးထိုးအစီအစဉ်တွင်မပါဝင်ပါ။ မိမိအစီအစဉ်ဖြင့်ထိုးချင်လျှင် ကလေးအသက် ၁ နှစ်ခွဲတွင် ဝက်သက်၊ ဂျိုက်သိုး၊ ပါးချိပ်ရောင်တို့နှင့် တွဲလာသော MMRVကို တစ်ကြိမ်ထိုးလျှင်ဖြစ်စေ၊ ရေကျောက်အတွက် သီးသန့်လာသော Varicella Vaccine ကို အသက် ၉ လမှ ၁၂ နှစ်ကြား တစ်ကြိမ်ထိုးပေးလျှင်ဖြစ်စေ ၉၈% ထိ ကာကွယ်ပေးသည်။

(၇) နောက်ဆက်တွဲ ပြဿနာများ

မွေးကင်းစများ၊ ခုခံအားကျဆင်းနေသောကလေးများ၊ အာဟာရချို့တဲ့လွန်းသော ကလေးများတွင် ရေကျောက်ပိုးကူးစက်ခံရလျှင် အဆုတ်ရောင်ခြင်း၊ ဦးနှောက်ရောင်ခြင်းတို့ဖြစ်တတ်ပြီး အသက်ဆုံးရှုံးနိုင်သည်။ အရည်ကြည်ဖုများပေါက်သွားချိန်တွင် အရေပြားကို သန့်ရှင်းအောင်မထားလျှင်၊ မသန့်ရှင်းသောလက်နှင့် ကုပ်မိလျှင် ဘက်တီးရီးယားပိုးဝင်ပြီး ပိုးသတ်ဆေးသောက်ဖို့ လိုပါလိမ့်မည်။

နေနေမိုးဆွေ (Child Health Myanmar)
Reference- Better Health Channel, Victoria, Australia, WHO Intentional.
#chickenpox
#naynaymoeswe