ပညာသင်ဖို့အခွင့်မသာသော ကလေးများ

❌အသက်မပြည့်ပဲ စားပွဲထိုးနေရသောကလေးများကို လုပ်အားခအနည်းငယ်ပေး၍ ခိုင်းစားနေသူက သင်မဖြစ်ပါစေနှင့်။

❌ရွယ်တူကလေးများကျောင်းသွားချိ်န်မှာ ဈေးရောင်းနေရသော ကလေးများကို ဈေးအတင်းစစ်ပြီး ဝယ်သူက သင်မဖြစ်ပါစေနှင့်။

❌ပညာသင်ချိန်မှာ အိမ်ဖော်ဘဝရောက်နေသော ကလေးများကို မတန်တဆခိုင်းသူ၊ နှိပ်စက်သူ၊ အစာမကျွေးသူ၊ ပညာမသင်ပေးသူက သင်မဖြစ်ပါစေနှင့်။

မပြည့်စုံသောကလေးများ
⬇️⬇️⬇️⬇️⬇️⬇️⬇️

ကလေးတိုင်းက ဘဝအစမတူသလို ဘဝရဲ့ အစပိုင်းမှာ ရရှိတဲ့အခွင့်အရေးမတူပါ။ မပြည့်စုံခြင်းအဓိက ၂ မျိုးက မိဘမဲ့ခြင်းနှင့် ငွေကြေးချို့တဲ့လွန်းသော မိဘများရဲ့ သားသမီးများဖြစ်လာခြင်းပါ။

မိဘမဲ့ ကလေးများနဲ့ ဆင်းရဲလွန်းသောမိသားစုမှ ကလေးများက ကျန်းမာရေးချို့ယွင်းတတ်သလို ပညာရေးမှာ ရွယ်တူကလေးများထက် အများကြီးနောက်ကျနိုင်ပါတယ်။ သူတို့က အချိန်မီ ပညာသင်ခွင့်ရခဲ့ရင်တောင် ကျောင်းမပြီးခင် အလုပ်ထွက်လုပ်ရခြင်းကြောင့် ကျောင်းမပြီးခြင်း၊ ဘွဲ့မရခြင်းများရှိနိုင်ပါတယ်။

ပညာသင်ခွင့်မရတဲ့ကလေးများက အရွယ်ရောက်တဲ့အခါ အလုပ်လက်မဲ့ဖြစ်ဖို့ များပါတယ်။ အလုပ်ရခဲ့ရင် အလုပ်ကောင်းရဖို့ခဲယဉ်းပါတယ်။ အလုပ်ကောင်းမရရင် ဝင်ငွေနည်းပြီး ဆင်းရဲပါတယ်။ ဆင်းရဲသူများရဲ့ ငွေကြပ်တည်းမှု အလွန်ဆိုးရွားခဲ့ရင် နိုင်ငံမှာ ရာဇဝတ်မှုများလာနိုင်ပါတယ်။ သူတို့ကမွေးဖွားလာတဲ့ကလေးတွေမှာလည်း ဆင်းရဲတဲ့ သံသရာတစ်ပတ် ပြန်လည်နိုင်ပါတယ်။

ဆင်းရဲသောကလေးများမှာ အပြစ်မရှိပါ။ ဒါကြောင့် ဆင်းရဲတဲ့ ကလေးများရဲ့ ပညာရေးအတွက် ငွေကြေးပြည့်စုံသူများက အလျဉ်းသင့်သလို ကူညီထောက်ပံ့ပေးခြင်းဖြင့် သူတို့ရဲ့ ဆင်းရဲမှု သံသရာကို ရပ်တန့်ပေးကြပါစို့။

နေနေမိုးဆွေ (Child Health Myanmar)
Photo Credits to Google
#naynaymoeswe