မယ်ခြုံ နဲ့မယ်ပုံ

ဟိုးရှေးရှေးတုန်းက ရွာတစ်ရွာမှာ မယ်ခြုံ နဲ့  မယ်ပုံ ဆို တဲ့ မိန်းမပျို နှစ်ယောက် ရှိသတဲ့ ။ မယ်ခြုံ ဟာ လှပချောမောပြီး မယ်ပုံလေးကတော့ ရုပ်ဆိုးဆိုးလေးတဲ့ကွယ်။ လူစုံလာရင် မယ်ခြုံ ဟာ မယ်ပုံရဲ့ အားနည်းချက်တွေကို ရယ်စရာလုပ်ပြီး အမြဲ နှိမ့်ချ လှောင်ပြောင်လေ့ရှိသတဲ့။ ရိုးသားအေးဆေးသလောက် သဘောကောင်းတဲ့ မယ်ပုံလေးကတော့ အမြဲသည်းခံခွင့်လွှတ်ပြီးပဲ နေရှာတာပေါ့ကွယ်။

ဒီလိုနဲ့ တစ်နေ့ မှာတော့ မယ်ခြုံ ၊ မယ်ပုံတို့ ပါတဲ့ မိန်းကလေး တစ်သိုက်ဟာ တောထဲ ကိုပန်းခူးသွားကြပါရော တဲ့ကွယ်။ မိန်းကလေးတွေဟာ တေးချင်းလေး တညည်းညည်း နဲ့ ပန်းခူးကြရင်း တောနက်ထဲရောက်သထက်ရောက်လာ တာပေါ့ကွယ်။ တစ်နေရာ အရောက်မှာတော့သူတို့ ဟာ အလွန်လှပပြီး ကြီးမားလွန်းတဲ့ ပန်းပွင့်ကြီးတစ်ပွင့်ကို ဆူးခြုံ အလည်မှာ တွေ့ ရသတဲ့။ ဒီအခါ မယ်ခြုံ က မယ်ပုံကို “မယ်ပုံရေ ပန်းပွင့်ကြီးက လှလိုက်တာကွယ်။ မင်းငါ့ကို ခူးပေးမယ်ဆိုရင်တောါ သိပ်ပျော်မိမှာပါပဲ။ မင်းကိုလဲ ဘယ်တော့မှ မစနောက်တော့ပါဘူး” လို့ ပြောသတဲ့။

ရိုးသားတဲ့မယ်ပုံဟာ “ငါကြိုးစားပြီးခူးပေးပါ့မယ် မယ်ခြုံရယ်” လို့ ပြောပြီး ဆူးခြုံတွေကြားထဲကို တဖြည်းဖြည်း တိုးဝင်သွားပါရောတဲ့ကွယ်။ ဒါပေမဲ့ ဆူးခြုံတွေဟာ ထူထပ်လွန်းတာကြောင့် မယ်ပုံဟာ ပန်းပွင့်ကြီးဆီမရောက်ပဲ ဆူးခြုံခင်းအလည်မှာ ပိတ်မိနေတယ်တဲ့။ ဒါကို မြင်တွေ့ ရတဲ့ မယ်ခြုံ တို့ တစ်သိုက်ဟာ လှောင်ပြောင်ရယ်မော
ပြီး မယ်ပုံကို ချန်ထားရစ် ခဲ့ကာ ထွက်ခွာသွားကြပါရောတဲ့ကွယ်။ မယ်ပုံဟာ ၀မ်းနည်းလွန်းလို့  ဆူးခြုံ အလည်
မှာ ငို ယို ပြီးသာနေရှာ တယ်တဲ့။ ညချမ်းအချိန် ရောက်လာတဲ့အခါ တောစောင့်နတ်သားလေးဟာ သူ့ အိမ်ရဲ့ တံခါးဝရှိရာ ပန်းပွင့်ကြီးဆီကို ပြန်လာပါရောတဲ့ကွယ်။ ဒီအခါ ဆူးခြုံ အလည်မှာ ငိုယို နေတဲ့ မယ်ပုံကို တွေ့ 
သွားပြီး “အလို မိန်းကလေး ဘာကြောင့်ငိုယို နေရတာလဲ” လို့ မေးသတဲ့။ မယ်ပုံကလည်း ပန်းပွင့်ကြီးကို ခူးဖို့ 
ကြိုးစားရင်း ခြုံထဲက ရုန်းထွက်လို့ မရတဲ့အကြောင်း ပြောပြတာပေါ့ကွယ်။ ဒီအခါ တောစောင့်နတ်သားလေးက
“ဒါဟာ ငါ့အိမ်ကို သွားရောက်ရာ တံခါးမုခ်ပေါက်ဝက ပန်းပွင့်ကြီးဖြစ်တယ်ကွယ့်။ မင်းဒီပန်းပွင့်ကြီးမျိုးလိုချင်
လျှင် ငါ့အိမ်မှာ အမြောက်အများရှိတယ် ၊ ငါမင်းကို တစ်ပွင့်ပေးလိုက်နိုင်ပါတယ်။ ဒါပေမဲ့မင်း ငါ့အိမ်မှာ အလုပ်တော့လုပ်ပေးရလိမ့်မယ်” လို့ ပြောသတဲ့။ ဒီအခါ မယ်ပုံက “လုပ်ပေးပါ့မယ်” လို့ ပြောသတဲ့။ မယ်ပုံပြော
ပြီးမကြာခင်မှာပဲ ဆူးခြုံတွေဟာ တဖြည်းဖြည်းကြဲသွားပြီး ဆူးခြုံခင်းအလည်မှာ လမ်းလေးတစ်လမ်းပေါ်လာပါရောတဲ့။

တောစောင့်နတ်သားလေးဟာ မီးအိမ်ကို ကိုင်မြှောက်လိုက်ပြီး “ကဲ မယ်ပုံ ငါ့နောက်က လိုက်ခဲ့ပေတော့” လို့ ပြောပြိး လမ်းလေးတစ်လျှောက် ဦးဆောင် သွားပါတယ်တဲ့။ လမ်းတစ်လျှောက်ဝဲယာမှာ အလွန်လှပ တင့်တယ်လွန်းတဲ့ ဥယျာဉ်ကြီးတစ်ခု ရှိပြီး ဥယျာဉ်ကြီးထဲမှာလည်း ကြီးမားလှပတဲ့ ပန်းပွင့်ကြီးတွေဟာ ရောင်စုံဖူးပွင့်နေကြတယ်တဲ့။ လမ်းလေး အဆုံးမှာတောါ တောစောင့်နတ်သားလေးရဲ့ အိမ်ကို ရောက်ပါရောတဲ့ကွယ်။

အိမ်ရောက်တဲ့အခါ တောစောင့်နတ်သားလေးက “ကဲ မယ်ပုံ ညည်းငါ့အတွက် ငါခရီးသွားနေတုန်းမှာ ၀တ်ရုံတစ်ထည် ချူပ်ပေးရလိမ့်မယ် ။ လိုအပ်တာတွေကို တောအုပ်အစွန် တဲကလေး ထဲမှာ နေတဲ့အဖွားကို မေးပါ” လို့ ပြောပြီးကွယ်ပျောက်သွားပါရော တဲ့ကွယ်။

ဒီလို နဲ့ မယ်ပုံ လည်း ၀တ်ရုံချူပ်ဖို့ အတွက် တောအုပ် အစွန်မှာ ရှိတဲ့ အဖွားရဲ့ တဲကလေး ဆီကို ထွက်လာခဲ့တာပေါ့ကွယ်။ လမ်းမှာ ထညက်ခဲကြီးတွေကို မနိုင့်တနိုင်သယ် နေကြတဲ့ ပုရောဆိတ်တန်းကြီးကို တွေ့ ရတယ် ။ ပုရောဆိတ် ဘုရင်မဟာ မိုးမရွာခင် ပုရောဆိတ်ကျင်းကို ပြန် နိုင်ဖို့ လုပ်သားပုရောဆိတ်တွေကို
ဆော်သြနေ သတဲ့။ ဒါကို ကြည့်ပြီး သနားသွားတဲ့မယ်ပုံဟာ ပုရောဆိတ်လေးတွေကို ကူညီပြီး ထညက်ခဲတွေကို ပုရောဆိတ်ကျင်းနားအထိ သယ်ဆောင်ပေးတယ်တဲ့ကွယ်။ ပုရောဆိတ်ဘုရင်မဟာ မယ်ပုံကို
ကျေးဇူးတင်တာကြောင့် ရွှေအပ်လေးတစ်ချောင်းလက်ဆောင်ပေးတယ်။ လိုအပ်ရင်သုံးပါလို့ လဲမှာလိုက်တာ
ပေါ့ကွယ်။ ရှေ့ ဆက်လျှောက်သွားတဲ့အခါ ရေခမ်းခြောက်ခါနီး ရေအိုင်ငယ်ထဲမှာ ကူးခတ်နေတဲ့ ရွှေငါးကြင်းလေး တစ်ကောင်ကို တွေ့ သတဲ့။ မယ်ပုံကလဲရွှေငါးကြင်းလေးကို ဆယ်ယူပြီး စမ်းချောင်းလေးထဲမှာလွှတ်ပေးလိုက်တယ်။ ရွှေငါးကြင်းလေးက လိုအပ်ရင် “ရွှေငါးကြင်းလေးရေ ကူလှည့်ပါနော် ” လို့ ပြောပြီး သူ့ ကိုခေါ်လိုက်ပါ သူလာကူညီပါ့မယ်လို့  ကတိပေးပြီး စမ်းချောင်းလေးထဲမှာ ကူးခတ်သွားပါရောတဲ့ကွယ်။

ဒီလို နဲ့ ရှေ့ ဆက်သွားရင်း အဖွားရဲ့ တဲဆီကို ရောက်ရှိသွားပါ ရောတဲ့။ အဖွားရဲ့ တဲဟာ သေးသေးကုတ်ကုတ်
လေးဖြစ်ပေမဲ့ နွေးထွေးလှတယ်တဲ့။ အဖွားက မယ်ပုံကို စွပ်ပြုပ် တစ်အိုး ကြိုစေပြီး တူတူ စားသောက်ကြ
သတဲ့။ စွပ်ပြုပ်တွေကုန်သွားတဲ့အခါ အိုးအောက်ခြေမှာ ရွှေချည်လုံး၊ ငွေချည်လုံးတွေ တွေ့ တာကြောင့် အဖွား
က မယ်ပုံကို ယူလိုက်ဖို့ ပြောပြိး တစ်ညလုံး အထည်ယက်စေသတဲ့ကွယ်။ မနက်လင်းတဲ့အခါ မှာတော့ အလွန်လှပ နူးညံ့လှတဲ့ ရွှေပိုးထည်လေးကို ယက်လုပ်ပြီးစီးသွားတာပေါ့ကွယ်။ အဖွားက ရွှေပိုးထည်လေးကို မယ်ပုံကို ပေးပြီး ပြန်လွှတ်လိုက်သတဲ့ကွယ်။

တောစောင့်နတ်သားလေး အိမ်ကို မယ်ပုံပြန်ရောက်တဲ့အခါ ရွှေပိုးထည်လေးကို ၀တ်ရုံအဖြစ်ချူပ်လုပ်ဖို့  အပ်တွေလိုက်ရှာသတဲ့။ ဒါပေမဲ့ အပ်တွေအကုန်လုံးဟာ သံချေးတွေ တက်နေတယ်တဲ့ကွယ်။ ဒါနဲ့ မယ်ပုံလည်း
ပုရောဆိတ်ဘုရင်မ ပေးတဲ့ရွှေအပ်ကလေးကို ထုတ်ပြီး ချူပ် ရတာပေါ့ကွယ်။ ချူပ်ပြီးသွားတဲ့အခါ ကြယ်သီးတပ်ဖို့ လိုနေပြန်ရောတဲ့။ မယ်ပုံလည်းကြံရာမရတာ နဲ့ စမ်းချောင်းလေး နားကိုသွားပြီး “ရွှေငါးကြင်း
လေးရေ ကူလှည့်ပါနော်” လို့ ပြောပြီး ရွှေငါးကြင်းလေးကို အကူအညီတောင်းသတဲ့။ ဒီအခါ ရွှေငါးကြင်းလေးပေါ်လာပြီး ကနုကမာ ကြယ်သီးလေးတွေ ရေအောက်ကနေ ကိုက်ချီယူလာပြီး မယ်ပုံကို ပေးသတဲ့။ ကြယ်သီးလေးတွေ တပ်ပြီးသွားချိန်မှာတော့ တောစောင့်နတ်သားလေးအတွက် ၀တ်ရုံလှလှလေး ချူပ်လို့ ပြီးသွားတာပေါ့ကွယ်။

တောစောင့်နတ်သားလေးပြန်ရောက် လာတဲ့အခါ မယ်ပုံချူပ်လုပ်ထားတဲ့ ၀တ်ရုံလေးကို အလွန်သဘောကျ နှစ်သက်တာကြောင့် ရတနာတွေကို ၀တ်ရုံချူပ်ခ အဖြစ်ပေးသတဲ့။ ထို့ နောက်ဥယျာဉ် ကြီးထဲခေါ်သွားပြီး ကြိုက်ရာ ပန်းပွင့်ကြီးတစ်ပွင့်ကို ခူးစေသတဲ့ကွယ်။ ဒါပေမဲ့ မယ်ပုံကတော့ အတော်အသင့်လှပတဲ့ ပန်းပွင့်ကြီး တစ်ပွင့်ကိုသာခူးယူပြီး ရွာကို ပြန်ခဲ့တယ်တဲ့ကွယ်။ ရွာကိုပြန်ရောက်တဲ့အခါမှာတော့ တောစောင့်နတ်သားလေး ပေးလိုက်တဲ့ ရတနာတွေကို ထုခွဲရောင်းချပြိး ချမ်းသာ သွားပါရောတဲ့ကွယ်။ ပန်းပွင့်ကြီးရဲ့ အစွမ်းကြောင့် လည်း
တနေ့ တခြား လှပလာ ပြီး ကျက်သရေတွေ တိုးလာတယ်တဲ့ကွယ်။

မယ်ပုံရဲ့ သတင်းကို ကြားရတဲ့ မယ်ခြုံဟာ မယ်ပုံလိုပဲ တောစောင့်နတ်သားလေးကို တွေ့ နိုင်ဖို့  တောနက်ထဲ
ကို သွားရောက်ပြီး ဆူးခြုံတွေကြားမှာ ရပ်စောင့်နေသတဲ့ကွယ်။ တောစောင့်နတ်သားလေးနဲ့ တွေ့ တဲ့အခါ အလုပ်ပေးဖို့ တောင်းဆိုသတဲ့။ တောစောင့်နတ်သားလေးကလည်း မယ်ပုံတုန်းကလိုပဲ ၀တ်ရုံတစ်ထည် မယ်ခြုံ
ကိုချူပ်ခိုင်းသတဲ့။ မယ်ပုံတုန်းကလိုပဲ မယ်ခြုံ ဟာ အဖွားရှိရာ တဲဆီကို သွားပြီး အကူအညီတောင်းရတာပေါ့
ကွယ်။ လမ်းတစ်လျှောက်မှာ တကိုယ်ကောင်းဆန်တဲ့ မယ်ခြုံဟာ ဒုက္ခရောက်နေတဲ့ ပုရောဆိတ်တွေကို မကူညီပဲကျော်ခွသွားသတဲ့။ ရွှေငါးကြင်းလေးကိုလည်း ရေခမ်းလုဆဲဆဲဖြစ်နေတဲ့ စမ်းချောင်းလေးထဲကနေ မကယ်ခဲ့ဖူးတဲ့ကွယ်။ အဖွားဆီရောက်သွားတဲ့အခါ မှာလည်း အဖွားက စွပ်ပြုပ် ပြုပ်ဖို့ ပြောသော်လည်း အပျင်း
ကြီးပြီး ငုတ်တုတ်သာ ထိုင်လို့ နေသတဲ့။ မနက်လင်းတဲ့အခါမှာတော့ အဖွားဟာ မယ်ခြုံ ကိုပိတ်ကြမ်းအုပ် တစ်အုပ်ပေးပြီး ပြန်လွှတ်လိုက်သတဲ့ကွယ်။

ဝတ်ရုံချူပ်ဖို့ အတွက် သံချေးတက်နေတဲ့ အပ်တွေပဲ ရှိတဲ့မယ်ခြုံဟာ ရှိရာ အပ်တွေနဲ့  အတင်းချူပ် သတဲ့။ ချူပ်ပြီးတဲ့အခါ မှာလည်း တပ်စရာ ကြယ်သီး မရှိတာကြောင့်ကြယ်သီးပေါက်လည်း မပါဖူးတဲ့ကွယ်။ တောစောင့်နတ်သားလေး ပြန်လာတဲ့အခါ မယ်ခြုံရဲ့ ဝတ်ရုံကို ကြည့်ပြီးအလွန်စိတ်ပျက်သွားပါရောတဲ့။ ဒါပေမဲ့
ကတိ အတိုင်းဥယျာဉ်ကြီးဆီကို ခေါ်သွားပြီး ပန်းပွင့်ကြီးတစ်ပွင့် ကို ခူးစေသတဲ့ ။ လောဘကြီးလှတဲ့ မယ်ခြုံဟာ သူ့ အလှ နဲ့  ထိုက်တန်စေဖို့ အတွက်လို့ ရွှတ်ဆိုပြီး အလှဆုံး၊ အကြီးဆုံး ပန်းပွင့်ကြီးကိုမှရွေးခူးပြီး ရွာကို ပြန်ခဲ့တယ်တဲ့ကွယ်။

ရွာကိုပြန်ရောက်တဲ့အခါ ပန်းပွင့်ကြီးကို ဧည့်ခန်းမှာထားပြီး နေ့ တိုင်းစောင့်ကြည့်သတဲ့။ ဒါပေမဲ့ ပန်းပွင့်ကြီးဟာ
ဘာမှ မထူးခြားပဲ တစ်နေ့ တစ်ခြား ညှိူးနွမ်းပြီးသာလာသတဲ့။ မျှော်လင့်သလို မဖြစ်လာတဲ့အတွက် မယ်ခြုံဟာ
လည်း တစ်နေ့ တစ်ခြား စိတ်တွေဆင်းရဲ ပြီး တဖြည်းဖြည်း အိုစာကာ အလှတွေမှေးမှိန်လာသတဲ့။ နောက်ဆုံးသည်းမခံနိုင်တော့တဲ့မယ်ခြုံဟာ ပန်းပွင့်ကြီးကို တစ်စစီ ဆုတ်ဖြဲပြီး ခြွေမွ ပစ်လိုက်ပါရောတဲ့ကွယ်။
ပန်းပွင့်ကြီးပျက်စီး သွားတာ နဲ့ တစ်ပြိုင်နက်ထဲမှာပဲ မယ်ခြုံ ဟာလည်း ရုပ်ဆိုးဆိုး အဖွားကြီး တစ်ယောက်ဖြစ်သွားပါရောတဲ့ကွယ်။ အဒိနောက်သူဟာ အိမ်ထဲကအိမ်ပြင်ကို ဘယ်တော့မှ မထွက်တော့ပဲ အိမ်ထဲမှာပဲ အမြဲနေသွားတော့သတဲ့ကွယ်။

ကဲ ပုံပြင်လေးကတော့ ဒါပါပဲကွယ် သားတို့ သမီးတို့ လည်း မယ်ခြုံလို သူများအားနည်းချက်ကို လှောင်ပြောင်နှိမ့်ချ တဲ့စိတ် ၊ တကိုယ်ကောင်းဆန်စွာ သူများအခက်အခဲ ရှိရင် ကျော်လွှားသွားတဲ့စိတ် ၊ မစဉ်းစားမဆင်ခြင်ဘဲ လောဘ ကြီးတဲ့စိတ် တွေကို ရှောင်ကြဉ်လို့  မယ်ပုံလေးလို ပဲ စဉ်းစားဆင်ခြင်ပြီး သည်းခံခွင့်လွှတ်တတ်တဲ့စိတ်၊ အခက်အခဲတွေနေတဲ့သူတွေကိုကူညီတတ်တဲ့စိတ် ၊ အခွင့်အရေးရ သော်လည်း အလိုလောဘ မကြီးပဲ တန်ရာ သင့်ရာ ကိုပဲ ရွေးချယ်တတ်တဲ့ စိတ်တွေ မွေးကြရမယ်နော်….

ဇူးထိုက်