ကလေးချက်စူတိုင်းတော့ စိတ်မပူရပါ

👶🏼ပုံမှန်တွင် ကလေး ၄ ယောက်မှာ ၁ ယောက် ချက်စူပြီး မွေးလာကြတတ်ကြပါသည်။ မွေးကင်းစ ကလေးများ၏ ဝမ်းဗိုက်ရှေ့နံရံက ကြွက်သားများ လုံလုံလောက်လောက် မတောင့်တင်းသေး၍ အတွင်းက အူခွေက ကြွက်သားကြားထဲမှ အပြင်ကျွံထွက်ခြင်း ဖြစ်ပါသည်။ ချောင်းဆိုးချိန်၊ ဝမ်းညှစ်ချိန်တွင် ပိုသိသာသည်။

👶🏼လမစေ့ဘဲ မွေးသောကလေးများ၊ Down’s Syndrome ရှိသောကလေးများ၊ သိုင်းရွိုက်ဟော်မုန်းချို့တဲ့ပြီးမွေးလာသော ကလေးများတွင် ပိုအဖြစ်များသည်။👶🏼ချက်စူသော ကလေး ၁၀ ယောက်တွင် ၉ ယောက်က အသက်၂ နှစ်ဝန်းကျင်၌ ဝမ်းဗိုက် ကြွက်သားများသန်မာလာသည်နှင့်အမျှ အူခွေများကို အတွင်းသို့ပြန်တွန်း၍ ချက်စူခြင်း ပျောက်သွားပါလိမ့်မည်။👶🏼အရေးကြီးသော အချက်မှာ ချက်စူသော ကလေးကို နံမယ်ပြောင်ပေးပြီး မစပါနှင့်။👶🏼အဝတ်နဲ့ ကျပ်ထုပ်၍၊ ဗိုက်စည်းများစည်းပေး၍၊ အကြွေစေ့နှင့် ဖိကပ်၍ ချက်စူခြင်း မပျောက်နိုင်ပါ။ ကလေး အနေရကျပ်ခြင်း၊ အရေပြားအဖိခံရလွန်း၍ ရောင်ရမ်းခြင်းသာရှိပါမည်။👶🏼စူသောချက် အရွယ်ကြီးလွန်းလျှင်၊ ကလေးက ဗိုက်မကြာခဏနာလျှင်၊ အသက် ၃-၄ နှစ်ကျော်လို့ မပျောက်လျှင် ကလေးခွဲစိတ် ဆရာဝန်နှင့်ပြသပါ။ ကျွံနေသော အနေအထား၊ အတိမ်အနက်နှင့် နောက်ဆက်တွဲပြဿနာများရှိမရှိပေါ်မူတည်ပြီး မေ့ဆေးသုံး၍ခွဲစိတ်ဖို့လိုနိုင်ပါသည်။

နေနေမိုးဆွေ (Child Health Myanmar)
Photo Credits to Google
Reference- RCH guidelines, Better Health Channel, Victoria Health, Australia
#umbilicalhernia
#naynaymoeswe