ကလေးနှင့် တစ်ခါသုံးသေးခံ **********************

Nappy သို့မဟုတ် diaper ဟု ခေါ်သော တစ်ခါသုံးဆီးဝမ်းခံများက ကလေးကို ခြေမခွင်စေပါ။ ကလေး၏ ခြေထောက်နှင့် တင်ပဆုံရိုးများဖွံဖြိုးမှုကို မထိခိုက်ပါ။

မွေးကင်းစမှ စသုံးနိုင်သည်။ ဝတ်ပေးလျှင် ပုံတွင်ပြထားသည့် အတိုင်း မကြွေသေးသော ချက်အနာပေါ် မအုပ်ပါနှင့်။ အနာကျက်နှေးမည်။ အပေါ်အနားစကို အောက်သို့ လိပ်ခေါက်ပါ။ အနာလုံးဝ ကျက်ပြီးလျှင် အုပ်လို့ရသည်။

သေးခံကို လဲပြီးပြီးခြင်း အဖုံးရှိသော အမှိုက်ဗုံးထဲ သေချာစွန့်ပစ်ပါ။ မလဲခင်၊ လဲပြီး မေမေဖေဖေ လက်သေချာဆေးပါ။

သေးခံလောင်ခြင်းသည် စိုစွတ်ညစ်ပေသော သေးခံကို မလဲဘဲ ကြာရှည်စွာထားခြင်းကြောင့် ကလေး၏ဆီးနှင့် ဝမ်းမှ ပါလာသော ဓာတ်ပစ္စည်းများက အရေပြားကို လောင်စေခြင်းဖြစ်သည်။ သေးခံမလောင်စေရန် အကောင်းဆုံးနည်းလမ်းများမှာ

(၁) သေးခံကို ပုံမှန်လဲပေးပါ။
(၂) သေးခံလဲတိုင်း ကလေး အရေပြားကို ရေနွေးနွေး၊ ဆပ်ပြာအပျော့စားနှင့် သန့်ရှင်းပေးပါ။ ပေါင်ခြံနှင့် ဝန်းကျင်ကို ခြောက်အောင်သုတ်ပါ။
(၃) ကလေးကို သေးခံနှင့် ဘောင်းဘီချွတ်ပေးပြီး နေ့တိုင်း လေသလပ်ခံပါ။
(၄) သေးခံကို အလွန်တင်းကျပ်စွာ မဝတ်ပေးခြင်းဖြင့် လေဝင်လေထွက်ကောင်းပြီး အရေပြားစိုစွတ်နေခြင်းကို ကာကွယ်နိုင်သည်။
(၅) သေးခံမဝတ်ပေးမီ ကြားခံ cream တစ်မျိုး -ဥပမာ ဇင့်၊ ကြက်ဆူဆီ၊ ဗက်စလင်းအဆီ၊ Dermeze စသည်တို့ လိမ်းပေးနိုင်သည်။ ကိုယ်လိမ်းပေါင်ဒါလိမ်းဖို့ အားမပေးပါ။

သေးခံလောင်နေသော အရေပြားတွင်းသို့ ဘက်တီရီးယားနှင့် မှိုပိုးများ ဝင်ရောက်နိုင်သည်။ သေးခံလောင်တာဆိုးပြီး အလွယ်တကူမပျောက်လျှင် ဆရာဝန်ပြပါ။ Hydrocortisone cream 1% နှင့် Clotrimazole ပေါင်းထားသောလိမ်းဆေး လိုအပ်မည်။ တခါတရံ ပိုးသတ်ဆေးလိုသည်။

မှတ်ချက်- အရည်အသွေးကောင်းသော သေးခံသည် စုပ်ယူမှုကောင်းပြီး သေးခံအောက်မှ အရေပြားကို ခြောက်သွေ့စေသည်။ ပလတ်စတစ်သေးခံ မသုံးပါနှင့်။ အရေပြား ပိုလောင်နိုင်သည်။

#နေနေမိုးဆွေ (Child Health Myanmar)
Photo Credits to Raising Children Network
#naynaymoeswe