ဘာသာစကား ၂-မျိုး နှင့်အထက် ပြောသော ကလေး ——————————————–

သြစတြေးလျတွင်လာရောက် အခြေချနေထိုင်သော မိတ်ဆွေ မြန်မာ လင်မယားက မေးခွန်းတခုကိုလာမေးသည်။ သူတို့၏ မွေးကင်းစကလေးငယ်ကို မြန်မာစကားပြောရမလား। အင်္ဂလိပ်စကားပဲပြောရမလားတဲ့။ ယောက်ျားက တရုတ်ဖြစ်၍ မိန်းမက ဗမာဖြစ်သည်။ အောက်ပါအဖြေကို ပေးလိုက်ပါသည်။

– အဖေက ကလေးကို တရုတ်လိုချည်းပဲပြောပါ။
– အမေက ကလေးကို ဗမာလိုချည်းပဲ ပြောပါ။
– အဖေကဗမာလို မပြောဖို့လိုသည်။ အဲဒါမှသာ ကလေးက အဖေသည် ဘာသာစကား တမျိုးပြောနေပြီး အမေကနောက်တမျိုးပြောနေသည်ကို သဘောပေါက်မည်။ ၂-မျိုးလုံးကို သူ့ဦးနှောက်က တပြိုင်တည်း သင်ယူနေလိမ့်မည်။
– အင်္ဂလိပ်စကား အိမ်တွင်ပြောစရာမလိုပါ။ သူ့အလိုလို TV ကြည့်ရင်း। မူကြိုသွားရင်းနဲ့ ပြောတတ်သွားပါလိမ့်မည်။

ဟာဆရာကလည်း ကလေး ရှုပ်သွားမှာပေါ့တဲ့။ မရှုပ်တဲ့အပြင် သင့်ကလေးက အတန်းထဲတွင် အတော်ဆုံးကလေးဖြစ်သွားနိုင်ပါသည်။

ဘာသာစကား ၂-မျိုးနှင့်အထက်ပြောသောကလေးတို့သည် အာရုံစူးစိုက်မှုပိုရှိနိုင်ကြသည်။ ခွဲခြမ်းစိတ်ဖြာနိုင်ပြီး စနစ်တကျ ပြုလုပ်နိုင်ကြသည်။ အလုပ်အများကြီးကို တပြိုင်တည်းလုပ်ပြီး အချိန်တိုအတွင်းပြီးနိုင်ကြသည်။ အနုပညာဘာသာရပ်၌ တော်နိုင်ကြသည်။

အချို့သူများက ကလေးးစကားပြော နောက်ကျခြင်းသည် ဘာသာစကား ၂-မျိုးသင်နေခြင်းကြောင့်ဖြစ်သည်ဟုထင်သည်။ မဆိုင်ပါ။

ဗမာစကားပြောမည့် အမေက ကလေးကိုဗမာစကားပဲ
ပြောပါ။ အင်္ဂလိပ်လို ညှပ်မပြောပါနှင့်။ ဥပမာ-“သမီး glass တွေနဲ့မဆော့နဲ့। broken ဖြစ်သွားမယ်နော်”။ အဲဒါမှသာ ကလေးကို ရှုပ်သွားစေလိမ့်မည်။

အဲဒီတော့ ရှမ်းက အိမ်မှာရှမ်းစကားပဲပြော၍ ကရင်ကအိမ်မှာ ကရင်စကားပဲပြောပါ။ နိုင်ငံခြားရောက်မြန်မာမိသားစုများက အိမ်မှာကလေးကို မြန်မာလိုပဲပြောပါ။ အတန်းထဲတွင် ထူးချွန်သောကလေးများ ဖြစ်လာနိုင်သည်ဟု အကြံပြုရင်း

မေတ္တာဖြင့်
စိုးမိုးကျော် ( Child Health Myanmar Page )

Photos: Google