ကလေး၏ ဆီးသွား လမ်းကြောင်းတွင်း ပိုးဝင်ခြင်း

💧အဖြစ်များသောပြဿနာဖြစ်၍ မိဘများ မှန်ကန်စွာနားလည်သိရှိစေလိုသည်။

(၁) ဆီးသွားလမ်းကြောင်း တည်ရှိပုံ💧

ပုံတွင်ပြထားသည့်အတိုင်း ဗယ်ညာ ကျောက်ကပ် ၂ ခုမှ ဆီးပိုက်ပြွန်နှစ်ချောင်းဆင်းလာပြီး ဆီးအိတ်ထဲသို့ဝင်ရောက်သည်။ ဆီးအိတ်ထဲတွင် ဆီးပြည့်တင်းလာလျှင် ဆီးသွားပြွန်ငယ်မှတဆင့် ကလေးက ဆီးသွားသည်။

(၂) ဆီးသွားလမ်းကြောင်းပိုးဝင်ပုံ💧

ဆီးသွားပေါက်ထဲသို့ ဝင်လာသော ဘက်တီးရီးယားရောဂါပိုးသည် အများအားဖြင့် စအိုဝတွင်စွန်းကျန်ရစ်နိုင်သည့် မစင်နှင့် သေးခံ၊ ဝမ်းခံများတွင် စွန်းပေနေသော မစင်မှ လာပါသည်။

ထိုရောဂါပိုးများက ဆီးသွားပြွန်ငယ်မှ ဆီးအိတ်ထဲသို့ တက်သွားကာ ဆီးအိတ်ကို ရောင်ရမ်းစေပါသည်။ ထိုအဆင့်တွင် မကုလျှင် အပေါ်သို့ ထပ်တက်သွားပြီး ကျောက်ကပ်ကို ရောင်ရမ်းစေနိုင်ပါသည်။ မကုလျှင် ပိုးမွှားများက သွေးမှတဆင့် တစ်ကိုယ်လုံးပျံ့နှံ့ ပြီး အသက်အန္တရာယ်ရှိသည်။

(၃) ရောဂါ အဖြစ်များသူ💧

သမီးငယ်များက ဆီးသွားပြွန်ငယ်တို၍ ရောဂါပိုးက ဆီးအိတ်သို့ အရောက်လွယ်ပြီး ဆီးသွားလမ်းကြောင်းတွင်း
ပိုးဝင်ခြင်း ပိုဖြစ်နိုင်ပါသည်။

မွေးရာပါ ဆီးသွားလမ်းကြောင်းပြဿနာရှိသူများတွင် ပိုဖြစ်နိုင်ပါသည်။

(၄) ရောဂါလက္ခဏာများ💧

-အဖျား
-နို့စို့နည်းခြင်း
-အစားနည်းခြင်း
-ဆီးအနံ့ ပုံမှန်ထက် ပိုနံခြင်း
-ဗိုက်အောင့်ခြင်း
-ဆီးသွားလျှင်နာကျင်ခြင်း
-အန်ခြင်း
-ဆီးသွားအကြိမ်ရေ ပုံမှန်ထက်များခြင်း
-ဆီးပမာဏ လျော့နည်းလာခြင်း

၁ နှစ်အောက် ကလေးများတွင် အဖျားကြီးခြင်းနှင့် အန်ခြင်းပဲ ရှိကောင်းရှိနိုင်သည်။ ကလေးငယ်လေ ရောဂါပိုးပျံ့လွယ်လေဖြစ်၍ စောစောကုဖို့အရေးကြီးသည်။

(၅) ရောဂါရှာဖွေနည်း💧

ဆရာဝန်က ကလေးငယ်ကို အဖျားတိုင်းပြီး ဖျားနိုင်သည့် အကြောင်းရင်းကို ရှာဖွေဖို့ နားနှာခေါင်းလည်ချောင်း၊ ရင်ဘတ်၊ ဝမ်းဗိုက်၊ အရေပြား အားလုံးစမ်းသပ်ဖို့လိုသည်။ ဖျားသည့် အကြောင်း ရှာမတွေ့လျှင် ဆီးစစ်လိမ့်မည်။

ဆီးနမူနာမယူခင် ဆီးသွားပေါက်ဝန်းကျင်ကို သန့်စင်ပေးပါ။ မဟုတ်လျှင် အရေပြားမှ ပုံမှန်ရှိနေသော ရောဂါပိုးများ ဆီးထဲ ပါသွားပြီး အဖြေမှားနိုင်ပါသည်။ ကလေးကြီးလျှင် ဆီးပေါက်ခိုင်းပြီး စစချင်းထွက်လာသော ဆီးကို မယူဘဲ အလယ်စီးကြောင်းကို ဖမ်းယူပါ။ ကလေးငယ်လျှင် ဆီးပေါက်ချိန်ကို စောင့်ယူဖို့ စိတ်ရှည်ရသည်။

ဆီးနမူနာကို ဆေးခန်းတွင် ဆီးစစ်တံလေးနှင့်စစ်လျှင် ဆီးလမ်းကြောင်းပိုးဝင်ခြင်းရှိမရှိ ၂ မိနစ်အတွင်းသိနိုင်ပါသည်။ ဆီးနမူနာကို ဓာတ်ခွဲခန်းပို့ပြီး ပိုးမွေးလျှင် ၂ ရက် အတွင်း သိနိုင်ပါသည်။

(၆) ရောဂါကုသနည်း💧

လက္ခဏာစပေါ်ပြီး ၂ ရက်အတွင်းသိလျှင် ပါးစပ်မှ သင့်လျော်သော ပိုးသတ်ဆေး Antibiotics တိုက်၍ ပျောက်သည်။ နောက်ကျမှ သိလျှင် ပိုးက ကျောက်ကပ်နှင့် သွေးသို့ ပျံ့ နှ့ံနေသော လက္ခဏာများရှိသည့်အခါ သွေးပြန်ကြောမှ ပိုးသတ်ဆေးပေးရပါသည်။

ကလေးကို အနားပေးပါ။ ကလေး အရွယ်ပေါ်မူတည်၍ မိခင်နို့ပိုတိုက်ခြင်း၊ ရေများများတိုက်ခြင်းဖြင့် ဆီးအိတ်ကို ဆေးကြောပေးနိုင်သည်။

(၇) ရောဂါကာကွယ်နည်း💧

သေးခံ၊ ဝမ်းခံကို ညစ်ပေသွားတိုင်း လဲပေးပါ။ ကလေး ဝမ်းသွားပြီးတိုင်း သေချာ သန့်စင်ပေးပါ။ သန့်စင်သည့်အခါ ရှေ့မှ နောက်သို့ သုတ်ပေးပါ။ နောက်မှ ရှေ့သို့ သုတ်လျှင် မစင်မှ ရောဂါပိုးများ ဆီးသွားပေါက်ဝနား ရောက်လာနိုင်သည်။

အသက်ပေါ်မူတည်၍ တစ်နေ့တာ သောက်သော ရေဓာတ် လုံလောက်မှုရှိပါစေ။

(၈) ရေရှည်မှာ အန္တရာယ်ရှိမရှိ💧

ဆီးသွားလမ်းကြောင်းပိုးဝင်သောကလေးကို အချိန်မီကုသနိုင်လျှင် ပကတိပြန်ကောင်းပြီး ရေရှည်မှာ ဆိုးကျိုးမရှိပါ။

မကြာခဏဖြစ်သော် ကျောက်ကပ်အပါအဝင် ဆီးသွားလမ်းကြောင်းတလျောက် ချို့ယွင်းချက်ရှိမရှိ အာထရာဆောင်းရိုက်သင့်သည်။

ကလေးဘဝတွင် ဆီးသွားလမ်းကြောင်းပိုးဝင်ခြင်းကို အကြိမ်များစွာ ခံစားရသောကလေးက လူကြီးအရွယ်တွင် ကျောက်ကပ်တွင် အနာရွတ်ဖြစ်၍ သွေးတိုးရောဂါရတတ်ပါသည်။

နေနေမိုးဆွေ (Child Health Myanmar)
Reference- Kid Health Information, Royal Children Hospital, Australia.
#uti
#naynaymoeswe