မိခင်နို့ထွက်နည်းသော အကြောင်းရင်းနှင့် ဖြေရှင်းနည်းများ

✅ နို့တိုက်ချင်သော်လည်း အကြောင်းကြောင်းကြောင့် နို့ထွက်နည်းသူ မိခင်များသည် မိမိကိုယ်ကို အပြစ်တင်ပြီး စိတ်ဓာတ်ကျတတ်သည်။ မိသားစု၊ အခြားမိခင်များနှင့် ဆရာဝန်အပါအဝင် ပတ်ဝန်းကျင်က အပြစ်မြင်ခံရသည့် အခါ စိတ်ထိခိုက်မှု၊ ဝမ်းနည်းအားငယ်မှုများကို ခံစားရသည်။

✅ မွေးကင်းစမှ ၆ လထိ မိခင်နို့ တစ်မျိုးထဲ တိုက်ခြင်းသည် ကလေးအတွက် အကောင်းဆုံး ရလဒ်ဖြစ်သည်။ သို့သော် မိခင်အချို့တွင် နို့ထွက်နည်းသော ပြဿနာများရှိသည်။ ထို ပြဿနာများကို ၃ အုပ်စုခွဲခြား လေ့လာလျှင် ..

(၁) မိခင်နို့ထွက် တကယ်မနည်းပါ။

၆ လအောက် ကလေးကို မိခင်နို့ တစ်မျိုးထဲ မတိုက်ဖြစ်သော အကြောင်းရင်းများအနက် အဖြစ်အများဆုံးမှာ မွေးကင်းစ ဗိုက်ဝလောက်အောင် သူတို့၏ နို့ရည် မထွက်ဟု မိခင်က ထင်ပြီး နို့ဗူးတိုက်ခြင်းဖြစ်သည်။

မွေးပြီး ပထမ ၃-၄ ရက်တွင် မိခင်နို့ဦးရည်က ပမာဏ အနည်းငယ်သာ ထွက်သော်လည်း နို့တိုက်ပုံသာ မှန်ကန်ပါက ကလေးအတွက် လုံလောက်ပါသည်။ စိုးရိမ်ပြီး နို့မှုန့် မတိုက်ပါနှင့်။

နို့ဦးရည်က အဝါရောင်ဖြစ်သည်။ ၃-၄ ရက်ကြာလျှင် ဖြူလာပြီး နို့အဖြစ်အသွင် ပြောင်းသွားပါမည်။ နို့ထွက်ပမာဏမှာလည်း တိုက်လေ ထွက်လေဖြစ်ပါလိမ့်မည်။

(၂) အောက်ပါ အခြေအနေများတွင် မိခင်နို့ထွက် ယာယီနည်းနိုင်သော်လည်း များအောင် ပြုပြင်ယူနိုင်သည်။

-တိုက်ပုံတိုက်နည်း မမှန်ကန်ခြင်း
-နို့သီးခေါင်းနှင့် ကလေးပါးစပ် ချိတ်ဆက်ပုံ မမှန်ကန်ခြင်း
-မိခင် အာဟာရမပြည့်ခြင်း
-မိခင် ရေသောက်နည်းခြင်း
-မိခင် အိပ်ရေးပျက်လွန်းခြင်း
-မိခင် စိတ်သောကဖိစီးခြင်း
-နို့ချောင်းထဲ နို့ရည်ကျန်၍ နို့ချောင်းပိတ်ခြင်း၊ တင်းခြင်း၊ ရောင်ခြင်း
-နို့သီးခေါင်းနာ၍ မတိုက်ဖြစ်လျှင် နို့ထွက်နည်းသွားခြင်း
-ကလေးမွေးပြီးစနှင့် နို့တိုက်နေသော လများတွင် အီစတိုဂျင် ဟော်မုန်းပါသော တားဆေးများသောက်ခြင်း
-နှာစေးနှာပိတ် သက်သာဆေးများ ဝယ်သောက်ခြင်း

(၃) ဤအုပ်စုတွင် ဆေးသုတေသနများအရ မိခင်နို့ထွက် တကယ်ပဲ နည်းနိုင်၍ ဖော်မြူလာ နို့မှုန့်လိုနိုင်သည်။

-နို့ရည်ထုတ်ရာ ဂလင်းများ မလုံလောက်ခြင်း( နို့တိုက်မိခင် ၁၀၀ တွင် ၅ ယောက်လောက် ဖြစ်တတ်သည်။)
-ကလေးမွေးခြင်းဖြစ်စဉ်တွင် အကြီးအကျယ် အခက်အခဲရှိခြင်း
-ကလေးမွေးရာတွင် လွန်ကဲစွာ သွေးသွန်ခြင်း
-ကလေးမွေးပြီးပြီးချင်း ပြင်းထန်စွာ နေမကောင်းဖြစ်ခြင်း
-ရင်သားခွဲစိတ်ကုသမှု ခံယူဖူး၍ အတွင်းအနာရွတ်များကျန်ရှိခြင်း

နို့ထွက်နည်းစေသည့် လွှဲရှောင်မရသောပြဿနာများမှ အပ အခြားပြဿနာများ မဖြစ်ရလေအောင်

❇️(၁) ကလေးမွေးပြီး ပထမရက် အနည်းငယ်တွင် နို့ဦးရည် နှင့် လုံလောက်ကြောင်း၊ နို့မှုန့်ကူဖို့ မလိုကြောင်း သားဖွားဆရာမများနှင့် ဆရာဝန်များက ကြိုတင် ရှင်းပြပါ။

❇️(၂) မိခင်ကို ကိုယ်ကျန်းမာ အာဟာရပြည့်ပြီး စိတ်ချမ်းသာ၍ အိပ်ရေးဝအောင် ခင်ပွန်းသည်နှင့် မိသားစုက ကူညီပါ။

❇️(၃) နို့တိုက်ပုံနည်းလမ်းများ မှန်ကန်အောင် လက်မှတ်ရ သားဖွားဆရာမများနှင့် သူနာပြုများက ပညာပေးဟောပြောပါ။ မိခင်များက စနစ်တကျ လေ့လာ လိုက်နာပါ။

❇️(၄) မိခင်များက ကိုယ်ဝန်တစ်လျောက်လုံး ကျန်းမာရေးဂရုစိုက်ပြီး မီးဖွားမှု အဆင်ပြေအောင် ကြိုတင်ပြင်ဆင်ပါ။ နို့တိုက်စဉ် နေမကောင်းလျှင် ဆေးဆ်ိုင်မှ စပ်ဆေးများဝယ်မသောက်ဘဲ နားလည်တတ်ကျွမ်းသော ဆရာဝန်နှင့် ပြသပါ။

‍⚕️မိခင်ရော နို့စို့ကလေးပါ ပျော်ရွှင် ကျန်းမာစေကြရန် ရည်ရွယ်ရေးပါသည်။

နေနေမိုးဆွေ (Child Health Myanmar Page)
Photo credits to Google & Korean Actress
#naynaymoeswe