ဖြည့်စွက်စာ ကို ၄ လ စမယ်/ ၆ လထိစောင့်မယ်နဲ့ ပတ်သက်ပြီး မရေရာတဲ့ စိတ်လေးဖြစ်နေမယ်ဆို ဤ စာဖတ်ကြည့်ပါ။
စာရေးသူအကြံပြုလိုတာက ကမ္ဘာ့ကျန်းမာရေးအဖွဲ့အစည်းရဲ့ အကြံပြုချက်အတိုင်း ၆ လလုံးလုံး မိခင်နို့တစ်မျိုးတည်းတိုက်ကျွေးနိုင်ရင် ပိုကောင်းပါတယ်။
အထူးသဖြင့် ကျန်းမာရေးစောင့်ရှောက်မှု ဆေးခန်းဆေးရုံများနဲ့ ဝေးလံတဲ့အရပ်တွေဆို ဒီအကြံပြုချက်ကပိုစိတ်ချရပါတယ်။
မြို့ပြမှာ နေထိုင်ပြီး ကလေးအထူးကုနဲ့ အလှမ်းမဝေးရင်တော့ တစ်ဦးတစ်ယောက်ချင်းအလျောက် ကိုယ့်ဆရာဝန်နဲ့ ကိုယ်တိုင်ပင်ပြီး ၄ လကျော်ရင် စသင့်မစသင့် ဆုံးဖြတ်နိုင်ပါတယ်။
အရေးကြီးဆုံး ၂ ချက်က
(၁) ၄ လအောက်ကို အစာမကျွေးပါနဲ့။ နို့တိုက်ပါ။
(၂) ဖြည့်စွက်စာ စတဲ့အချိန်မှာ နို့ဆက်တိုက်ပါ။
=========================
အသေးစိတ် သိလိုမှ ဆက်ဖတ်ပါ။
ဖြည့်စွက်စာ ဘယ်အချိန်စကျွေးရမယ်ဆိုတာနဲ့ပတ်သက်ပြီး မိခင်များမှာ မရေရာမသေချာတဲ့စိတ်လေးများဖြစ်နေကြပါတယ်။ “ကလေးဆရာဝန်က ကျွန်မကို ၄ လမှာစခိုင်းပါတယ်”, “မဟုတ်ဘူး ၆ လမှ စရပါတယ် ကလေးဆရာဝန်ပဲ ပြောတာပါ” စသည်ဖြင့် ငြင်းခုံဖွယ်ရှိပါတယ်။ ဒါကြောင့် ဒီပညာပေးစာ ရေးဖြစ်ပါတယ်။ ဆရာဝန်များလဲ ကလေးမိခင်ကို စိတ်ဒွိဟမဖြစ်အောင် ဖြည့်စွက်စာနဲ့ ပတ်သက်ပြီး အကြံပြုတဲ့အခါ ကိုယ်ပေးတဲ့အကြံပေါ်မူတည်ပြီး ရှင်းပြနိုင်ရင် ပိုကောင်းပါမယ်။
ကမ္ဘာ့ကျန်းမာရေး အဖွဲ့အစည်းက နိုင်ငံအားလုံးအတွက် စံပြုသတ်မှတ်ထားတဲ့ အကြံပေးချက်က ၆ လအောက်ကလေးကို မိခင်နို့တစ်မျိုးထဲတိုက်ရမယ်လို့ ဖြစ်ပါတယ်။ နိုင်ငံပေါင်းမြောက်မြားစွာကို ဦးဆောင် နေရတဲ့အတွက် အားလုံးတစ်သားထဲဖြစ်အောင် တိကျတဲ့ အချိန်တစ်ခု သတ်မှတ်ရတာပါ။ ၆ လဆိုတာ ကျန်းမာတဲ့ ကလေးများအတွက် အကြမ်းဖျင်းအားဖြင့် အစာမျိုခြင်း, အစာချက်ခြင်း အဆင်စပြေချိန်ဖြစ်လို့ပါ။
ဆေးပညာသုသေတနများကို ဦးဆောင်လုပ်နေသော ဖွံဖြိုးပြီးနိုင်ငံများမှ ကလေးဆရာဝန်များနဲ့ ကလေးဆေးရုံများက ဖြည့်စွက်စာကို ၆ လဝန်းကျင် (၄ လမှ ၆ လအတွင်း) မှာ စနိုင်ပါတယ်လို့ ဆိုကြပါတယ်။ သူတို့ထည့်စဉ်းစားတဲ့ အချက်က ကလေးတွေဟာ တစ်ယောက်နဲ့ တစ်ယောက် ဖွံဖြိုးမှုခြင်းမတူတဲ့ အတွက် အချို့ကလေးများဟာ ၄ လကျော်လို့ အစာကို စိတ်ဝင်စားမှုပြရင်/ ခေါင်းထောင်ပြီး ကိုယ်ခန္ဓာအပေါ်ပိုင်းမတ်နိုင်ရင်/ အစာမျိုရာမှာ အခက်အခဲမရှိရင် စတင်နိုင်တယ်လို့ဆိုတာပါ။
ဖွံဖြိုးဆဲနိုင်ငံများအတွက် ထည့်စဉ်းစားကြတဲ့ အချက်တွေက ကျွေးတဲ့အစားအသောက်က မသန့်ရှင်းရင် ၆ လအောက်ကလေး ဝမ်းလျှောပြီး အသက်ဆုံးရှုံးမယ်ဆိုတာကို တွေးပူကြပြန်ပါတယ်။
နောက်ဆုံးတော့ ၂၀၁၆ မေလမှာ ဒီကိစ္စတွေကို ဆွေးနွေး အတည်ပြုဖို့ သြစတေးလျနိုင်ငံမှာ ထိပ်သီးညီလာခံလုပ်ခဲ့ပါတယ်။ အစည်းအဝေးရဲ့ ဆုံးဖြတ်ချက်က ကလေး ၄ လကျော်လို့ အစာစားဖို့ အဆင်သင့်ဖြစ်ပုံပ်ါရင် စတင်နိုင်ပါတယ်တဲ့။
မြန်မာနိုင်ငံရဲ့ ကျန်းမာရေးအဆင့်အတန်း, လူမှုစီးပွားရေးအခြေအနေအမျိုးမျိုး, ကျန်းမာရေးအသိပညာ, ရရှိနိုင်တဲ့ ဆေးကုသဝန်ဆောင်မှုများအားလုံးကို အခြေခံပြီး သီးသန့်လုပ်ထားတဲ့ သုတေတန မရှိသေးပါဘူး။ ဒါကြောင့် ကမ္ဘာ့ကျန်းမာရေး အဖွဲ့အစည်းရဲ့ အကြံပြုချက်ကို အဓိက လိုက်နာနိုင်ပါတယ်။
#နေနေမိုးဆွေ (Child Health Myanmar)
Reference: https://www.mcri.edu.au/news/great-result-infant-feeding-guidelines
