ကလေးလမ်းလျှောက်တတ်ခြင်း ^^ ^^ ^^ ^^

ကလေးလမ်းလျှောက်တတ်ခြင်းသည် ကြွက်သားသန်မာဖို့နှင့် ဟန်ချက်ညီအောင် ထိန်းနိုင်ဖို့ အဓိက ၂ ချက်ပေါ်မူတည်ပါသည်။ အမြင်အာရုံနှင့် အကြားအားရုံများကလည်း ကလေးလမ်းလျှောက်တတ်ဖို့ အရေးကြီးပါသည်။ ပုံမှန်တွင် ကလေးများက ၁၀ လမှ ၁၅ လအတွင်း လမ်းစလျှောက်သည်။ ကလေးကို လမ်းလျှောက်အောင် ကူညီနိုင်သော နည်းလမ်းများမှာ

✅(၁) ကြွက်သားသန်မာရန်

ပုံတွင်ပြထားသော ကလေးကစားခြံလေးများအတွင်း လမ်းမလျှောက်တတ်ခင်ကတည်းက လွတ်လပ်စွာ ပေးကစားပါ။ အရွယ်ပေါ်မူတည်ပြီး ကလေးက မှောက်မည်။ သူ့ကိုယ်သူ လှိမ့်မည်။ ထိုင်မည်။ တွားသွားမည်။ ထိုသို့လှုပ်ရှားရင်း ခြေထောက် ကြွက်သားများ သန်စွမ်းလာပါမည်။ ဝယ်ဖို့အဆင်မပြေလျှင် ကြမ်းပေါ်၊ ဖျာပေါ်ချပြီး သင့်လျော်သော အရုပ်များနှင့် ပေးကစားနိုင်ပါသည်။

မတ်တပ်ရပ်ချိန်တွင် လမ်းလျှောက်ဖို့ စူးစမ်းခွင့်ရအောင် အိမ်ရှင်းပြီး နေရာပေးပါ။ ကလေးက လက်တန်းနှင့် ပရိဘောဂပစ္စည်းများကို တွေ့ရာကိုင်လျှောက်လိမ့်မည်။

မတ်တပ်ရပ်ပြီး ခြေစလှမ်းချိန်တွင် နောက်က၊ ဘေးက လိုက်ထိန်းပေးပါ။ ကလေးက မိဘအနားမှာရှိ၍ စိတ်ချလုံခြုံခြင်းကို ခံစားရပြီး သူ့ကိုယ်သူယုံကြည်မှုတိုး၍ လမ်းလျှောက်ဖို့ကြိုးစားပါမည်။

✅(၂) ဟန်ချက်ထိန်းနိုင်ရန်

အောက်ပါကစားနည်းများက ကလေးဦးနှောက်ကို ဟန်ချက်ညီအောင်ဘယ်လိုထိန်းမလဲဆိုတာကို သင်ယူစေပါသည်။

(က) ကလေးကို ပက်လက်ချီပြီး ငြင်သာစွာ လွှဲရမ်းပေးခြင်း၊
(ခ) မတ်တပ်ချီပြီး ခြေထောက်ကလေးများကို ခုန်စေခြင်း၊
(ဂ) ရှေ့နောက် လွှဲသော လှုပ်ကုလားထိုင်များတွင် ပေးထိုင်ခြင်း၊
(ဃ) လုံခြုံစိတ်ချရသော ပုခက်ထဲထည့်ပြီး ညင်သာစွာ လွှဲပေးခြင်း

✅(၃) အန္တရာယ်မဖြစ်စေရန်

ကလေးလမ်းစလျှောက်ဖို့ကြိုးစားချိန်တွင် ကြမ်းပြင်ပေါ် ခလုတ်တိုက်နိုင်သော၊ ခြေချော်နိုင်သော ပစ္စည်းများရှင်းပါ။

လမ်းလျှောက်နောက်ကျစေသော Baby Walker မသုံးပါနှင့်။ အမေရိကန်၊ကနေဒါ၊ သြစတြေးလျနှင့် စင်္ကာပူအစရှိသောနိုင်ငံများ၏ ကျန်းမာရေးဌာနတိုင်း မသုံးဖို့ သတိပေးပါသည်။

#နေနေမိုးဆွေ (Child Health Myanmar)
Photo Credits to Googles
Reference- Learning to Walk by SingHealth, Child and Youth Health, South Australia Government
#naynaymoeswe