တစ်မိသားစုလုံး သုံးတဲ့ဖုန်း

🔺ကလေးနှင့် screen time
🔺ကလေးနှင့် အင်တာနက်
🔺ကလေးနှင့် Facebook စသော social media✅ မေမေဖေဖေက စံပြနမူနာပါ။

မေမေနှင့် ဖေဖေက ဖုန်းကို မကြာခဏထုတ်၍ message စစ်သည်၊ Facebook သုံးသည်၊ ဖေဖေက ဂိမ်းဆော့သည်။ မေမေက shopping လုပ်သည်၊ chatbox နှင့် အလုပ်ရှုပ်သည်။ မိသားစုဝင်ချင်း စကားပြောလျှင်တောင် မျက်နှာမကြည့်နိုင်ပဲ ဖုန်းကို ကြည့်၍ စကားပြောကြသည်။

ဖုန်းတချိန်လုံးသုံးခြင်းက လက်ခံဖွယ်ရာ လုပ်ရပ်ဖြစ်သည်ဟု ကလေးက အမြင်မှတဆင့် ခေါင်းထဲ ဝင်သွားသည်။

ကျမကလေးက iPad ပြမှ ထမင်းစားတယ်၊ အိမ်က သားက ဂိမ်းစွဲနေတယ်၊ ဖုန်းထဲက ကာတွန်းဖွင့်ပြမှ သမီးကအိပ်တယ် ဆိုသော ကလေးများကို အကျင့်လုပ်ပေးသူက မိဘပဲ ဖြစ်သည်။

အချို့က ကလေးမွေးတာနှင့် ကလေး အမည်နှင့် Facebook account တောင် ဖွင့်ပေးလိုက်သေးသည်။ Facebook ကို အသက် ၁၈ နှစ်ကျော်မှ သုံးစွဲခွင့်ရှိပါသည်။ ကလေးအမည်သုံး၍ Facebook account ဖွင့်ခြင်းက Facebook စည်းကမ်းဖောက်သလို ကလေးကို အလွဲသုံးစားမှုလည်း မြောက်ပါသည်။

✅ ကလေးနှင့် ဖုန်း၊ iPad၊ tablet များ။

၉ လကျော်မှစ၍ ဆယ်ကျော်သက်အထိ ကလေးများတွင် ကြီးထွားလာသော ပြဿနာတစ်ခုက ဖုန်း၊ iPad၊ tablet များ သုံးစွဲမှု လွန်ကဲလာခြင်း ဖြစ်သည်။

ပညာရေးအတွက် အကျိုးရှိအောင်သုံးခြင်း၊ ဗဟုသုတရှာဖွေခြင်း၊ ဖျော်ဖြေရေးအတွက် မိသားစု အတူသုံးခြင်းမှ အပ screentime လွန်ကဲခြင်းသည် ကလေး၏ ကိုယ်လက်ကြံ့ခိုင်မှုကို အဓိက ထိခိုက်သည်။ ဆယ်ကျော်သက်များအတွက် အင်တာနက်မှ တဆင့် လူပေါင်းမှားခြင်းမှအစ စိတ်ဓာတ်ပျက်စီးခြင်းအထိ အန္တရာယ်များစွာ ရနိုင်သည်။

✅ အဲ့ဒီ ဆိုးကျိုးတွေ မဖြစ်အောင်ဘာစည်းကမ်းတွေထားမလဲ။

(၁) ဖေဖေမေမေက မိမိအတွက် စည်းကမ်း အရင်ချမှတ်ပါ။

🔺လုံးဝ မသုံးချိန် ရှိပါစေ။
မိသားစု ထမင်းစားချိန်၊ မိသားစု စကားဝိုင်းဖွဲ့ပြောချိန် ဖုန်းမသုံးပါနှင့်။

🔺လုံးဝ မသုံးတဲ့နေ့ ရှိပါစေ။
တခါတရံ အင်တာနက် ဆက်သွယ်မှုမရသော နေရာတစ်ခုသို့ မိသားစု ခရီးထွက်ပါ။ သဘာဝ ပတ်ဝန်းကျင်ကို လေ့လာပါ။ ခရီးထွက်ခြင်း၏ အဓိက ရည်ရွယ်ချက်က Facebook မှာ ဓာတ်ပုံတင်ဖို့ မဖြစ်ပါစေနှင့်။

(၂) သားသမီး အတွက် စည်းကမ်းသတ်မှတ်ပါ။

🔺သုံးစွဲမည့်အချိန်၊ ပေးသုံးမည့် ကြာချိန် သတ်မှတ်ပါ။ ပေးသုံးမည့် app၊ ပေးသုံးမည့် website များကို ရွေးချယ်ပါ။ ကျသင့်မည့် သုံးစွဲခကိုကန့်သတ်ပါ။

🔺ဖုန်း နှင့် အင်တာနက်မှ တဆင့်
ကိုယ့်သားသမီးနှင့် ဆက်သွယ်သည့် သူများကို လိုအပ်လျှင် စစ်ဆေးပါ။ ကလေးကို social media မှတဆင့် သူစိမ်းများနှင့် ဆက်သွယ်ခြင်းကို တင်းကျပ်စွာ ထိန်းချုပ်ပါ။

🔺 ထမင်းစားချိန်၊ ကိုယ်လက်လှုပ်ရှား ကစားချိန်၊ မိဘနှင့် သားသမီး
စကားပြောချိန်ကို ဖုန်းသုံးခြင်းကြောင့် မထိခိုက်ပါစေနှင့်။

🔺အိပ်ရာဝင်ချိန် ဖုန်းမသုံးရ စည်းကမ်း ထုတ်ပါ။ အိပ်ရာထဲသို့ ဖုန်း၊ iPad၊ computer၊ laptop များ ပေးယူခွင့် မပြုပါနှင့်။

☝️☝️☝️
အသိ၊ သတိနှင့် စည်းကမ်းရှိခြင်းဖြင့်
ဖုန်း၊ iPad၊ tablet များနှင့် အင်တာနက်က သင့်ကလေး၊ သင့်မိသားစုကို ကောင်းကျိုးပြုသော အရာများဖြစ်စေရန် ရည်ရွယ်ရေးပါသည်။

နေနေမိုးဆွေ (Child Health Myanmar)
Photos Credit to Google
#screentime #socialmedia
#naynaymoeswe
www.childhealthmyanmar.com