ကလေးမှာ သေးခံလောင်တာ သက်သာစေမယ့် အချက်(၅)ချက်

ကလေးလေးတစ်ယောက် လူ့လောကထဲရောက်လာပြီဆိုရင် သူ့အတွက် ဂရုစိုက်စောင့်ရှောက်ရမယ့်တာဝန်တွေက အများသားရယ်။ သားဦး၊ သမီးဦးဖြစ်နေရင်ပိုဆိုးပါလေရော။ အမေရော၊ အဖေရောက အသစ်စက်စက်မိဘတွေဖြစ်နေတော့ ကလေးလေးအတွက် သတိပြုမိရမယ့်အချက်တွေကို လစ်ဟင်းတတ်ပါတယ်။ ဒီလိုမဖြစ်ရအောင် ကလေးယူမယ်လို့ဆုံးဖြတ်ကတည်းက ကိုယ့်မိဘတွေဆီကမေးတာပဲဖြစ်ဖြစ် စာအုပ်တွေဖတ်တာပဲဖြစ်ဖြစ်၊ ဒါမှမဟုတ် တိုးတက်နေတဲ့ခေတ်မှာ လူမှုကွန်ရက်ကနေပဲဖြစ်ြဖစ် ကလေးပြုစုစောင့်ရှောက်ရေးအတွက် လေ့လာသင့်တာလေ့လာထားသင့်ပါတယ်။

ကလေးငယ်တွေမှာဖြစ်တတ်တဲ့ပြဿနာတွေထဲ သေးခံလောင်တာကလည်း အဖြစ်များဆုံးပါဝင်နေပါတယ်။ ဖေဖေရော မေမေရော အလုပ်အရမ်းရှုပ်ကြတော့ အခုခေတ်မှာ ကလေးသေးခံ (Diaper) ကို မသုံးမဖြစ်သုံးကြရပါတယ်။ ဒီလိုသုံးတဲ့အခါ ကလေးမှာ သေးခံလောင်တာက ကြုံတွေ့ရပါတော့တယ်။ ငယ်ရွယ်လွန်းတဲ့ သားသားမီးမီးလေးတွေရဲ့ အရေပြားနုနုလေးမှာ ဒီဝေဒနာဖြစ်လာရင်သနားစရာကောင်းပါတယ်။ ကိုယ့်ရင်နှစ်သည်းချာလေးရဲ့ ဖြူဖွေးနုဖတ်နေတဲ့အသားအရေလေးမှာ နီနီရဲရဲလောင်ထားတဲ့အရာတွေကို ကြည့်ရတာလောက် စိတ်မချမ်းမသာဖြစ်စေမှာမရှိလောက်ပါဘူး။ ကလေးကိုရေဆေးပေးတဲ့အချိန်ပဲဖြစ်ဖြစ် သုတ်သင်ပေးတဲ့အချိန်ဖြစ်ဖြစ် ဒီသေးခံလောင်ထားတဲ့အရာတွေကနေ စပ်လို့ကလေးငယ်ငိုယိုတဲ့အခါ ရင်နဲ့အမျှ မိဘတွေခံစားကြရပါတယ်။

ဒီတော့ မေမေတွေအနေနဲ့ တတ်နိုင်တာက ဒိုင်ပါကိုစနစ်တကျသုံးပါ။ သေးခံလောင်ရင် သက်သာအောင်ဘယ်လိုပြုစုစောင့်ရှောက်ရမလဲဆိုတာ များများလေ့လာပြီး ကြိုတင်ကာကွယ်တာ၊ပြင်ဆင်တာတွေလုပ်ထားဖို့ သင့်ပါတယ်။

ကလေးရဲ့တင်ပါးမှာ အနီကွက်တွေ၊ ပေါင်ခြံတဝိုက်မှာ အနီဖတ်တွေလန်တာလိုမျိုး ဒိုင်ပါဝတ်တဲ့နေရာတဝိုက်တွေ့ရရင် သေးခံလောင်တာပဲဖြစ်ပါတယ်။

သေးခံလောင်ရခြင်းရဲ့အကြောင်းရင်း

ကလေးမှာ သေးခံလောင်ရတဲ့အကြောင်းရင်းက အမျိုးမျိုးရှိနိုင်ပါတယ် –

  • သေးခံအစိုကြီးကို ဒါမှမဟုတ် ပေကျံနေတဲ့သေးခံကို မလဲပေးမိတာအချိန်ကြာသွားတာ
  • ဒိုင်ပါနဲ့ ပွတ်တိုက်မိလို့ ပွန်းတာ
  • မှိုပိုးဝင်တာ
  • ဘက်တီးရီးယားပိုးဝင်တာ
  • ဒိုင်ပါနဲ့ ဓာတ်မတည့်တာ
  • တုံ့ပြန်လွယ်တဲ့အသားအရေပိုင်ရှင်ဖြစ်နေတာ
  • ဒိုင်ပါ ကျပ်လွန်းတာ စတဲ့အကြောင်းရင်းတွေကြောင့်ဖြစ်နိုင်ပါတယ်။

ဘယ်အချိန်မှာ ဆရာဝန်ပြသင့်သလဲ

ဒိုင်ပါလောင်ခြင်းက နာကျင်ပြီး စပ်ဖျဉ်းဖျဉ်းဖြစ်စေတယ်ဆိုပေမယ့် ကလေးဆိုတော့ အရမ်းတော့ အာရုံမရှိလောက်တဲ့ဝေဒနာပါ။ တစ်ခုရှိတာက အဲ့ဒီကနေ ပိုးဝင်လာမှာကိုပဲစိုးရိမ်ရပါတယ်။ သေးခံလောင်တဲ့နေရာမှာ ရောဂါပိုးဝင်ပြီဆိုရင် ပြတတ်တဲ့ဒီလက္ခဏာလေးတွေကို သတိထားပါ။ ဒါဆိုရင် ကလေးအထူးကုဆရာဝန်ကိုပြသင့်ပါတယ် –

  • သေးခံဝတ်တဲ့နေရာမှာ ရေကြည်ဖုလေးတွေဖြစ်လာတာ
  • အဖျားရှိလာတာ
  • နီရဲလာတာ
  • ရောင်ရမ်းလာတာ
  • သေးခံဝတ်တဲ့နေရာမှာ ပြည်တည်လာတာ၊အရည်ထွက်လာတာ

သေးခံလောင်ခြင်းကို သက်သာစေမယ့် အချက် ၅ ချက်

(၁) သေးခံဒိုင်ပါကို မကြာခဏလဲပေးပါ 

ကလေးကို ရေသုတ်တဲ့အခါ မပွတ်ဘဲ တို့ပြီးသုတ်ပေးပါ။ ဒိုင်ပါအသစ်လဲတိုင်း ကလေးရဲ့ပေါင်ခြံနဲ့တင်ပါးတဝိုက်ကို သန့်စင်ခြောက်သွေ့နေပါစေ။ ကလေးက တုံ့ပြန်လွယ်တဲ့အသားအရေရှိနေရင် အဲဒီနေရာတွေကို သန့်ရှင်းပေးတဲ့အခါ ရေလေးဖျန်းပြီး ဂွမ်းလုံးလေးနဲ့တို့သုတ်ပေးပါ။

(၂) အသားအရေချောမွေ့စေမယ့် အဆီတစ်ခုခုလိမ်းပေးပါ

သင့်ကလေးရဲ့အသားအရေခြောက်သွေ့နေပြီဆိုရင် ဆီးနဲ့ဝမ်းကြောင့် ဒိုင်ပါလောင်တာမဖြစ်စေဖို့ baby oil တစ်မျိုးမျိုးလိမ်းပေးနိုင်ပါတယ်။ ဒါမှ ကလေးရဲ့အသားအရေမှာ ချောမွေ့စေပြီး သေးခံလောင်ခြင်းကြောင့်ဖြစ်လာတဲ့ဝေဒနာကိုသက်သာစေဖို့ အကာအကွယ်အလွှာတစ်ခုဖြစ်စေမှာပါ။

(၃) ဒိုင်ပါကို အရမ်းမတင်းကျပ်ပါစေနဲ့

ကလေးကို ဒိုင်ပါ ခပ်လျော့လျော့ဝတ်ပေးပါ သို့မဟုတ် လေဝင်လေထွက်ကောင်းစေဖို့ ကလေးနဲ့နည်းနည်းကြီးတဲ့ဒိုင်ပါအရွယ်အစားကိုရွေးနိုင်ပါတယ်။ ဒိုင်ပါမဝတ်ခင် ဒိုင်ပါဝတ်မယ့်နေရာတဝိုက်မှာ သန့်ရှင်းပြီးခြောက်သွေ့နေဖို့ အရေးကြီးပါတယ်။

(၄) ဒိုင်ပါ မဝတ်ပေးတဲ့အချိန်လည်း ရှိရပါမယ်

လေဝင်လေထွက်ကောင်းခြင်းက သေးခံလောင်တာသက်သာစေဖို့ ခြောက်သွေ့စေတဲ့အကောင်းဆုံးသဘာဝနည်းလမ်းပါ။ ကလေးမှာ သေးခံလောင်တဲ့နေရာ ဖြစ်လာရင် တခါတလေ ကလေးကို ဒိုင်ပါမဝတ်ဘဲ ဒီအတိုင်းထားပေးပါ။ အိမ်ထဲမှာ သန့်ရှင်းထားတဲ့ကြမ်းပေါ်ခဏထားပေးပါ။

(၅) ကြိုတင်ကာကွယ်ခြင်းက အကောင်းဆုံးဆေးပါပဲ

ဒီလိုလောင်တာမျိုးမဖြစ်ရအောင် ကြိုတင်သတိထားကာကွယ်တာအကောင်းဆုံးပါပဲ။ သားသားမီးမီးလေးတွေ ဝေဒနာမခံစားရတော့ဘူးပေါ့။ သေးခံဒိုင်ပါဝတ်ပေးမယ်ဆိုရင် ဒိုင်ပါအောက်ကအသားအရေမှာ လေဝင်လေထွက်ရှိဖို့သတိထားရမှာဖြစ်သလို အရည်အသွေးကောင်းပြီး စိတ်ချရတဲ့ ဒိုင်ပါအမှတ်တံဆိပ်ကို ဝယ်သုံးဖို့လည်းအရေးကြီးတယ်ဆိုတာ မမေ့ပါနဲ့။