သားသားမီးမီးလေး အသက်(၁) နှစ်မှာ ရှိရမယ့် ဖွံ့ဖြိုးမှု

မေမေတို့ရဲ့ သားသားမီးမီးလေးတွေ အသက်(၁) နှစ်အရွယ် ရောက်ပြီလား။ သားသားမီးမီးတစ်နှစ်အရွယ်မှာ ရှိရမယ့် ဖွံ့ဖြိုးမှုနဲ့ရော ပြည့်စုံရဲ့လား။

မေမေတို့ရဲ့ သားသားမီးမီးလေးတွေ အသက်(၁) နှစ်အရွယ် ရောက်ပြီလား။ တစ်နှစ်အရွယ်မှာ ရှိရမယ့် ဖွံ့ဖြိုးမှုနဲ့ရော ပြည့်စုံရဲ့လား။ အကယ်လို့များ တစ်နှစ်မှာ မပြည့်စုံရင် ဘာတွေ လုပ်ရမလဲ။ မေမေတို့ ဖတ်ကြည့်ဦးနော်။

မေမေတို့ရေ တစ်နှစ်အရွယ်မှာ သားသားမီးမီးလေးတွေ ခြေလှမ်းစတင်လှမ်းနေပါပြီနော်။ ကလေးအတော်များများဟာ ၉လနဲ့၁၂လကြားမှာ လမ်းလျှောက်ခြင်းကို အစပျိုးသင်ကြားကြပါတယ်။ သားသားမီးမီးလေး အသက် တစ်နှစ်ခွဲထိတောင် လမ်းမလျှောက်သေးဘူးဆိုရင်လည်း အရမ်းတော့ စိတ်မပူပါနဲ့။ ဖြစ်တတ်ပါတယ်။ ဒါကို ဖွံ့ဖြိုးမှု နောက်ကျလိုက်တာလို့တောင် မသတ်မှတ်ပါနဲ့နော်။ စကားလည်း တစ်လုံးစ၊ နှစ်လုံးစတော့ စတင်ပြောနေပါပြီ။ ဒါကတော့ ပုံမှန်ရှိနေရမှာပါ။ မေမေတို့ရေ ကလေးလေး ကောင်းကောင်း ဖွံ့ဖြိုးဖို့ လုပ်ဆောင်ရမှာတွေကိုလည်း မှတ်ထားပေးဦးနော်။

မေမေတို့ စောင့်ကြည့်ရမှာတွေကတော့ ကလေး သွားဘယ်နှစ်ချောင်း ပေါက်ပြီလဲ။ လေးဘက်သွားတုန်းလား၊ မတ်တပ်စမ်းပြီလား၊ လမ်းလျှောက်ပါလား၊ နာမည်ခေါ်ရင် သိပြီလား။ ဘယ်လို အစားအစာတွေကို ပိုကြိုက်လဲ၊ ဘာတွေ စားချင်သလဲ၊မျက်လုံးကိုပွတ်နေတာမျိုး၊စာအုပ်တွေနဲ့ အရုပ်တွေကို မျက်နှာနားကပ်ထားမျိုး ရှိနေပြီလား။ ဒါတွေ သိထားရပါမယ်နော်။

တစ်နှစ်အရွယ်မှာ ယောက်ျားလေးဆိုရင် အလေးချိန် (၁၀kg)၊( ၇၈) စင်တီမီတာနဲ့ ဦးခေါင်းကတော့ (၄၆ )စင်တီမီတာတွေ ရှိရပါမယ်။ မိန်းကလေးဆိုရင်တော့ အလေးချိန်(၉.၅kg )၊ (၇၈ )စင်တီမီတာနဲ့ ဦးခေါင်းကတော့ (၄၅) စင်တီမီတာတွေ ရှိရပါမယ်။ ဒီလိုအရွယ်အစားထက် အများကြီးနည်းနေရင် ဒါမှမဟုတ် သိပ်များနေရင်တော့ ဆရာဝန်ပြပါနော်။