ကလေး အချင်းချင်း နှိုင်းယှဉ်ခြင်း

သူများကလေးနဲ့ ကိုယ့်ကလေး ယှဉ်ကြည့်ခြင်းက အချို့အခြေအနေများတွင် လိုအပ်သည်။ အချို့ အချိန်အခါများတွင် မလိုလားအပ်သော ပြဿနာများ၊ စိုးရိမ်ဖွယ်များ ရှိတတ်သည်။

ဥပမာ (၁)
မိခင်တို့ အနှိုင်းယှဉ်ဆုံးက ကလေး၏ ကြီးထွားမှုဖြစ်သည်။

အသက်တစ်ခုတွင် ကျန်းမာသော ကလေးနှစ်ဦး၏ ကိုယ်အလေးချိန်က အတော်ကွာဟနိုင်သည်။ ဥပမာ ၆လ သားအရွယ် ကလေး နှစ်ဦးစလုံး ကျန်းမာသည်။ သူတို့ နှစ်ဦး၏ ကိုယ်လေးချိန်က ၅ ပေါင် ကျော်ထိ ကွာဟနိုင်သည်။

ကိုယ့်ကလေး၏ ကြီးထွားနှုန်းကို စိတ်ပူလျှင် ဒေသန္တရဆေးခန်းများတွင် သုံးသော ကဒ်ပြားပေါ်မှာ ချကြည့်ပါ။ ကလေး ကိုယ်လေးချိန်ကို တစ်ကြိမ်တိုင်းပြီး ပိန်တယ် ဝတယ် ပြောမရပါ။ ဥပမာ ၆ လအောက် ကလေးကို တစ်လခြားတိုင်းပြီး ကြီးထွား “နှုန်း” ကို အရင်လနဲ့ အခုလ ယှဉ်ပါ။ အရပ်စကားကြားပြီး သူများကလေးနှင့် မယှဉ်ပါနှင့်။ အင်တာနက် သုံးတတ်သော မိဘများ WHO website မှ growth charts များကို အသုံးပြုနိုင်ပါသည်။

ဥပမာ (၂)
သူများကလေး ၁၂ လနဲ့ လမ်းလျှောက်တတ်ပြီ။ ကျမကလေး မလျှောက်သေးလို့ စိုးရိမ်ရလား။

စိုးရိမ်ရသည်၊ မစိုးရိမ်ရပါ ဟူသော အဖြေလွယ် နှစ်ခုလုံးမမှန်ပါ။ ကလေးတစ်ယောက်က ၁၂ လကျော်မှာ ခြေလှမ်းစလှမ်းနိုင်သလို တစ်နှစ်ခွဲမှာ စလှမ်းသည်လည်း ရှိသည်။ လမ်းမလျှောက်တတ်သော တစ်နှစ်ကလေးက ကောင်းကောင်း မထိုင်နိုင်သေးလျှင်၊ တွားလည်း မတွားတတ်သေးလျှင် စိုးရိမ်ရသည်။ သို့သော် ထိုကလေးက အခြားအချက်များ ပုံမှန်ဖွံ့ ဖြိုးနေပြီး လမ်းစမလျှောက်သေးလျှင် ၂-၃ လ စောင့်ကြည့်ပါ။

တစ်နှစ်ခွဲကျော်လို့ လမ်းမလျှောက်တတ်သေးလျှင်တော့ စိုးရိမ်ရသည်။ ကလေး ဆရာဝန်နှင့် စမ်းသပ် စစ်ဆေးပါ။

ဥပမာ (၃)
သူများကလေးက ၁ နှစ်ခွဲ စကားပြောနေပြီ၊ ကျမကလေးက တစ်ခွန်းမှ မပြောသေးလို့။

ကလေးက ဘာသာစကားကို ကြားဖန်များမှ ပြောတတ်သည်။ ပထမ တစ်နှစ်လုံး မိခင် ဖခင်က ကလေး အနား လွယ်ကူသော စကားလုံးများ အမြဲ ပြောလာခဲ့လျှင် ကလေး တစ်နှစ်ခွဲကျော်သည်နှင့် စကား စပြောလာခြင်းက မဆန်းပါ။ သူများကလေးလို အချိန်မီ စကားစပြောစေလိုလျှင် ပထမတစ်နှစ်မှာ စသင်ပါ။ ချစ်လား၊ ချစ်တယ် နေ့စဉ် ပြောနေရုံနှင့် မလုံလောက်ပါ။

သို့သော် စကားပြော သင်နေလျက်နှင့် တုန့်ပြန်မှု တိုးတက်မှု မရှိလျှင် အကြားအာရုံ ချို့ယွင်းမှုကို သံသယ ရှိပါ။ အသက် ၂ နှစ်အထိ စကားလည်း မပြော၊ မပြုံးမရယ်၊ ပတ်ဝန်းကျင်ကိုလည်း စိတ်မဝင်စား၊ မျက်လုံးချင်း ဆုံဖို့ခက်ခဲသော ကလေးတစ်ယောက်ကိုတော့ စိုးရိမ်ပါ။ နားလည် ကျွမ်းကျင်သော ဆရာဝန်နှင့် စမ်းသပ် စစ်ဆေးပါ။

ဥပမာ (၄)
သူများကလေးက မူကြိုမှာ အခြားကလေးတွေနဲ့ ဆော့တယ်။ ကျမကလေးက မဆော့ဘူး။

ကြောက်လို့လည်း ဖြစ်နိုင်သည်။ မဆော့ချင်လို့လည်း ဖြစ်နိုင်သည်။ အဘယ်အကြောင်းကြောင့် ဖြစ်စေ ပေါင်းသင်းဆက်ဆံရေး၊ ညှိနှိုင်းတတ်သော အလေ့အကျင့်၊ ခွဲဝေမျှစားခြင်း ပညာရပ်များကို ဘွဲ့ရအလုပ်လျှောက်မှ သင်ယူတတ်မြောက်ဖို့ လိုခြင်း မဟုတ်ပါ။ ထိုပညာများကို ကလေး၏ ဦးနှောက်မှ ၆ လ ၉ လ လောက် အရွယ်မှ စတင်သင်ယူပါသည်။ ဘယ်သူ့ဆီမှ သင်လည်းဆိုသော် အနီးစပ်ဆုံး ပတ်ဝန်းကျင်မှ သင်ယူသည်။

ကလေး ကြီးပြင်းရာ ဝန်းကျင်တွင် ချစ်ခြင်းမေတ္တာ၊ ရန်မရှာခြင်း၊ ရိုင်းပင်းမှုများ ပြည့်နှက်နေသော် ထိုကလေးက ကြောက်ရွံ့ စိတ်ကင်းပြီး ရွယ်တူကလေးနှင့် မိတ်ဖွဲ့လွယ် ကစားလွယ်ပါလိမ့်မည်။ အထူးသဖြင့် တစ်ဦးတည်းသော သား တစ်ဦးတည်းသော သမီးမွေးထားလျှင် Iphone iPad နှင့် ပစ်မထားပဲ အတူတူဆော့ဖို့ အချိန်ပေးပါ။ အခြားကလေးများနှင့် ထိတွေ့မှု ရှိဖို့ အခွင့်အရေးပေးပါ။

‍⚕️ကလေး အချင်းချင်း နှိုင်းယှဉ်ခြင်းက မှန်ကန်မှုရှိပါစေ၊ အကျိုးရှိပါစေဟု ရည်ရွယ်ရေးပါသည်။

နေနေမိုးဆွေ (Child Health Myanmar)
Photo credit to Google
#naynaymoeswe
www.childhealthmyanmar