ကလေးတွေကို အားတက်အောင် ဘယ်လိုစကားလေးတွေ ပြောပေးနိုင်တယ်ဆိုတာပြီးတော့ ဘာစကားတွေ မပြောမိအောင် ဆင်ခြင်သင့်တယ်ဆိုတာလေး ပြောပြမယ်နော်။

“မနာပါဘူး ၊ ဘာမှမဖြစ်ဘူး” – ကလေးချော်လဲရင်ပဲ ဖြစ်ဖြစ် တစ်ခုခုနဲ့ ထိခိုက်မိလို့ နာသွားရင်ဖြစ်ဖြစ် အားပေးချင်စိတ်၊ အာရုံလွှဲချင်စိတ်နဲ့ ပြောလေ့ရှိတဲ့စကားပါ။ သူတကယ်နာသွားမှန်းလည်း ကိုယ်သိရက်နဲ့ ပြောကြတာများပါတယ်။ အဲဒီအခါ ကလေးဘက်ကစဉ်းစားကြည့်ရင် လိမ်နေတာနဲ့ တူတူပဲလို့ ကျမကမြင်ပါတယ်။ ငါနာနေရဲ့သားနဲ့ ဘာလို့ မနာဘူးပြောတာလဲဆိုပြီး သူ့စိတတွေ ရှုပ်ထွေးကုန်ပါတယ်။ အဲဒါမျိုးပြောမယ့်အစား ဘယ်နားနာသွားလဲ၊ မေမေအနာပျောက်အောင်လုပ်ပေးမယ်နော်၊ သမီးလေးနာလို့ ငိုတာမေမေသိတယ်၊ ဆိုပြီး ချော့တာပို အဓိပ္ပါယ်ရှိပါတယ်။

“မငိုနဲ့” – ကလေးတကယ်ဝမ်းနည်းလို့ ငိုတာကို အမြဲလိုလိုပြောမိတဲ့စကားပါ။ ကျမတို့အနေနဲ့ ကလေးတွေရဲ့ သူတို့ခံစားချက်ကို နားလည်အောင် ထိန်းချုပ်ကိုင်တွယ်တတ်အောင် အားပေးသင့်ပါတယ်။ ဝမ်းနည်းရင် ငိုနိုင်တယ်ဆိုတာ သူတို့သိပါစေ။ ကိုယ့်ခံစားချက်ကို ပွင့်ပွင့်လင်းလင်းချပြတတ်အောင် သင်ကြားပေးပါ။ ယောက်ျးမဟုတ်ဘူးလား မငိုနဲ့ ဆိုတဲ့စကားလောက် ကျမစိတ်ဆိုးတာမရှိဘူး။ ယောက်ျားလည်း လူပဲမဟုတ်လား။ အဲဒီလို ပတ်ဝန်းကျင်ရဲ့ အပြောတွေကြောင့် ယောက်ျားကလေးတွေဟာ လူပျိုဘော်ဝင်ချိန်မှာ သူတို့ အတွင်းစိတ်ကို အပြင်လူမသိအောင် ထိန်းချုပ်ထားကြရင်နဲ့ စိတ်ဝေဒနာခံစားကြရတာ။

“သမီးကိုနာအောင်လုပ်တဲ့ ခုံကြီးကို ရိုက်လိုက်မယ်” – ကျမတို့ မြန်မာမိဘဘိုးဘွားတွေ အမြဲပြောတဲ့စကားပါ။ ကျမသားလေးငယ်ငယ်က လူကြီးတွေအဲဒီလိုပြောတိုင်း ချက်ချင်းကလေးကို ကျမပြန်ပြောတဲ့စကားက ခုံမှာမျက်လုံးပါသလားသား၊ သားကဂရုစိုက်ပြီး ကြည့်ရမယ်၊ ခုံက သူ့ဘာသာနေနေတာကို သားက ဝင်တိုက်တာ၊ အဲဒီတော့ ဘယ်သူမှားသလဲ သားသိသလား၊ နောက်ဆို သတိထားပြီး သွားမယ်မဟုတ်လားလို့ ပြောရင် သူချက်ခြင်းနားလည်တယ်။ အငိုလည်းတိတ်သွားတဲ့အပြင် သူဘာဖြစ်လို့ နာသွားသလဲဆိုတာကို သူလက်ခံသွားတယ်။ ကလေးတစ်ယောက်အမှားလုပ်တာကို အပြစ်မရှိတဲ့ အခြားသူတစ်ယောက်ကို အပြစ်လွှဲချခိုင်းတာ အင်မတန်လွဲတဲ့အလုပ်ပါ။ သတိထားသင့်ပါတယ်။ ကလေးချော်လဲကျရင် မြေကြီးကို ဖနောင့်နဲ့ပေါက်ပြီး သူ့ကြောင့်လဲတာဆိုပြီး ပြောတာတွေလည်းပါပါတယ်။

“မြန်မြန်လုပ်စမ်း သိပ်ကြာတာပဲ” – ကလေးတွေဟာ အစစအရာရာကို အခုမှ သုညက စပြီး သင်နေကြတာပါ။ ကိုယ်အနှစ် သုံးဆယ်လုပ်လာတဲ့ အလုပ်ကို လွန်ခဲ့တဲ့ သုံးရက်ကမှ လုပ်တတ်တဲ့ ကလေးကို စိတ်မရှည်ဘဲ နှေးရကောင်းလားလို့ ဆူတာ တရားပါရဲ့လား။ သူတို့ သင်ယူပါစေ။ ကျွမ်းကျင်အောင် လေ့ကျင့်ပါစေ။ မလုပ်တတ်လုပ်တတ်ကြိုးစားလုပ်နေတဲ့သူကလေးကို အားပေးရမယ့်အစား အပြစ်မပြောမိပါစေနဲ့နော်။

“ဟိုကုလားလေးကို ကြည့်စမ်း၊ ထိပ်ပြောင်နဲ့ ဝတုတ်လူကြီးဘေးမှာထိုင်နေတာလေ” – လူတစ်ဦးတစ်ယောက်ရဲ့ အသွင်အပြင်ကို ရည်ညွန်းပြီး မပြောမိအောင် ဂရုစိုက်ပါတယ်။ ဘာလူမျိုးပဲဖြစ်ဖြစ် ဟိုကပ္ပလီမကြီး၊ ကုလားကြီး စသည်ဖြင့် မပြောဘဲ ဟိုအန်တီက ဟိုဦးဦးကဆိုပြီးတော့ပဲ ပြောပါ။ ကျမတို့ပါးစပ်တွေက အကျင့်အရမ်းပါလွန်းနေတော့ စစချင်းမှာ ခဏခဏထိန်းရပါတယ်။ ဒါပေမယ့် ကြာလာရင် ကိုယ်ပါအကျင့်ရပြီး မပြောဖြစ်တော့ဘူး။

“ဘာမှကြောက်စရာမရှိဘူး အဓိပ္ပါယ်မရှိကြောက်မနေနဲ့” – ကိုယ်ကတော့ သူတို့မကြောက်အောင် အားပေးလိုက်တာပဲ။ ဒါပေမယ့် ကလေးသေးသေးကွေးကွေးလေးတွေ စိတ်ထဲမှာ ကြောက်နေတာ ဘယ်လိုမကြောက်အောင် လုပ်ရမလဲ။ အဲဒီလိုပြောမယ့်အစား ဘာလို့ကြောက်တာလဲ၊ အကြောက်သက်သာအောင် ဘယ်လိုလုပ်ကြရင်ကောင်းမလဲ စသည်ဖြင့် စကားပြောကြည့်ပါ။ စကားပြောရင်း အတူတူစဉ်းစားရင်း အကြောက်ပြေသွားတာ တွေ့ပါလိမ့်မယ်။

အဖြစ်မှန်တွေကို သကာလောင်းပြီး မဖုံးပါနဲ့။ အမှန်အတိုင်း သိပါစေ။ ဥပမာ – သေနတ်ပစ်ကြတယ်၊ လူတွေမတော်တဆမှုမှာသေကြတယ်၊ ဆင်းရဲတဲ့နေရာတွေမှာ ကလေးတွေ စားစရာမရှိဘူး၊ စာမသင်ရဘူး၊ ဒုက္ခရောက်ကြတဲ့သူတွေ အများကြီးရှိတယ်ဆိုတာကို ရှင်းပြဖို့အကြောင်းဖန်လာရင် အမှန်အတိုင်းရှင်းပြပါ။ လူသေတယ်ဆိုတာ ဘာလဲဆိုတာ ပြောပြဖို့ ဝန်မလေးပါနဲ့။ သူများကို ထိခိုက်နာကျင်အောင် လုပ်ရင် သူ့မိဘမိသားစု ဘယ်လိုခံစားရတယ်၊ ဘယ်လိုဝမ်းနည်းတယ်ဆိုတာကို ကိုယ်ချင်းစာတတ်အောင် ဥပမာပြပြီး သင်ပေးပါ။ (ကျမကတော့ မြန်မာနိုင်ငံတတိယနိုင်ငံမှာ ကြီးပြင်းခဲ့ရတဲ့ မိဘတွေဖြစ်ရတာကို အခွင့်ကောင်းယူပြီး သူတို့လေးတွေ ကိုယ်ချင်းစာတရားရှိအောင် သင်ပေးပါတယ်။ လိုချင်တာ မပူပင်ရဘဲ အကုန်ရနေတဲ့ ဘဝမှာ ကလေးဆိုးလေးဖြစ်သွားမှာ ကျမသိပ်ကြောက်ပါတယ်။ ကိုယ့်လောက် ကံမကောင်းရှာတဲ့ ကလေးတွေကမ္ဘာကြီးမှာ အများကြီးရှိတာ သူ့ကို ကြုံရင်ကြုံသလို ပြောပြတယ်။ ကိုယ့်မှာရှိနေတာကို တန်ဖိုးထားတတ်အောင်၊ ကိုယ့်လို ကံမကောင်းတဲ့သူတွေကို ဖေးမစာနာတတ်အောင် သင်ပေးပါ။ ကိုယ်ချင်းစာတရားဟာ အဝေးကြီးခရီရောက်ပါတယ်။ မေတ္တာဆိုတာ အမြဲထားနိုင်ဖို့ မလွယ်ပေမယ့် ကိုယ်ချင်းစာတရားက အမြဲထားနိုင်ပါတယ်။)

ကလေးက ကိုယ့်ကို မေမေက သိပ်ဆူတာပဲ မချစ်ဘူး၊ မုန်းတယ် စသည်ဖြင့် ပြောစပြုတဲ့အရွယ်ရောက်ရင် သူ့ကိုခွန်းတုန့်ပြန်ပြီး မပြောပါနဲ့။ မေမေကတော့ သားကို/သမီးကို ချစ်တယ်။ သားလုပ်တာမှားလို့ မေမေကပြောပြတာ။ မေမေပြောတာကို မကြိုက်လည်း ကိစ္စမရှိဘူး။ သူတို့လေးတွေ ဘယ်လောက်ကိုယ့်ကို ကလန့်တိုက်တိုက် ကိုယ့်ဘက်က တည်တည်ငြိမ်ငြိမ်နဲ့ လေသံအေးအေးရှင်းပြနိုင်အောင် ကြိုးစားပါ။ ကျမသားလေးဆို ၃နှစ်လောက်မှာ အဲဒီလို ခဏပြောတယ်။ I don’t like you May May ပေါ့။ ကျမပြန်ပြောတာက It’s ok. You don’t have to like me all the time ပေါ့။ ပြီးတော့ အကျိုးနဲ့ အကြောင်းရှင်းပြလိုက်တယ်။ အခုအဲဒီလို လုံးဝကို မပြောတော့ဘူး။ သူနဲ့ ကိုယ်နဲ့ ထိပ်တိုက်တွေ့ပြီဆိုရင် ပြသနာကို အချက်တစ်ချက်ချင်း ရှင်းပြီး အဖြေတူတူရှာတယ်။ တစ်ခါတလေ ကလေးက မှန်နေတာ သွားတွေ့တယ်။ အဲဒီအခါကျရင်လည်း သူ့ကို ဆောရီးပြောဖို့ ဝန်မလေးပါနဲ့။ ဟုတ်တယ် မေမေမှားသွားတယ်၊ သားမှန်တယ်။ အဲဒီလိုပြောလိုက်ရင် သူလည်း အရမ်းဝမ်းသာတယ်။ သားအမိရယ်ကြမောကြ ပြောင်ကြရင်းနဲ့ ပြီးသွားတယ်။ သူမှားတဲ့အခါမျိုးကျရင်လည်း အဲဒီလို ရယ်ရယ်မောမော အဆုံးသတ်နိုင်အောင် ကြိုးစားတယ်။ ကိုယ်က စိတ်ဆိုးတယ်ဆိုတဲ့ ပုံစံနဲ့ စကားကို အဆုံးမသတ်ဘူး။ ပြောစရာရှိတာ ရှင်းစရာရှိတာ ရှင်းပြီးတာနဲ့ အရင်လို ရယ်ရယ်မောမောချက်ခြင်းပြန်နေ ပြန်ဆော့တယ်။

ဒါလေးတွေက အခုစဉ်းစားလို့ ပေါ်လာတာလေးတွေပါ။ နောက်ထပ်စဉ်းစားမိတာတွေရှိရင် ထပ်ရေးပါဦးမယ်။ ကျမကိုယ်တိုင်လည်း အပေါ်မှာရေးထားတာတွေထဲက အချို့စကားလေးတွေကို တစ်ခါတလေပြောမိနေတုန်းပါပဲ။ ဥပမာ မငိုစမ်းပါနဲ့ဟယ်ဆိုတာမျိုးပေါ့။ ကိုယ်ဘယ်လောက်စိတ်ဖိစီးနေသလဲ၊ ပင်ပန်းနေသလဲပေါ်မူတည်ပြီး သည်းခံနိုင်တဲ့အတိုင်းအတာ ကုန်တတ်ပါတယ်။ ဒါပေမယ့် တတ်နိုင်သမျှ သတိထားဖို့ပြောတာပါ။ အခါ၂၀မှာ ၁ခါလောက်ပြောမိတာကို အပြစ်ကြီးလုပ်မိသလို ခံစားနေဖို့မလိုပါဘူး။ ဘယ်သူမှ ရာနှုန်းပြည့် ပြည့်စုံတယ်မရှိပါဘူးနော်။ ဒီလိုပဲ ရွှေတစ်နေ့ ငွေတစ်နေ့ တူတူကြိုးစားကြတာပေါ့။ <3

Tumblr link : http://wellness-mommy.tumblr.com/post/142908599644/ဒ-လ-တ-ရ-င

#wellnessmommy