Big questions from little people and simple answers from great minds

ကလေးတွေစကားကို အလေးထားပြီး ဖြေပေးပါ။

ကလေးတွေဟာ လူကြီးတွေ မသက်မသာဖြစ်စေမယ့် မေးခွန်းတွေကို မမျော်လင့်တဲ့အချိန်မှာ မထင်သလိုမေးတတ်တယ်နော်။ အဲဒီအခါ ကိုယ်က ဘယ်လိုတုန့်ပြန်မယ်ဆိုတာ ကြိုတင်မစဉ်းစားထားရင် ဒုက္ခရောက်ရော။ ကိုယ့်မှာ အဖြေအဆင်သင့်ရှိမနေတဲ့အတွက် လုပ်နေကျဖြစ်သွားတာက ကလေးကို အော်လိုက်ငေါက်လိုက် ဟန့်လိုက်တာပါပဲ။ ရှက်သွားလို့လည်း ဖြစ်ချင်ဖြစ်မယ် တဘက်သားကို အားနာသွားလို့လည်း ဖြစ်ချင်ဖြစ်မယ် ဒါမှမဟုတ် ဒေါသထွက်သွားလို့လည်း ဖြစ်နိုင်တယ်။ အဲဒီလို ခြုံခိုတိုက်ခိုက်မခံရအောင် ဘယ်လိုမေးခွန်းမျိုးတွေ ဖြစ်လာနိုင်သလဲဆိုတာနဲ့ ဘယ်လိုဖြေရင်ကောင်းမလဲဆိုတာ တူတူစဉ်းစားကြည့်ရအောင်။

ကလေးတွေ ဘယ်လိုဖြစ်လာတာလဲ။
ဒါကတော့ ပြောပြဖူးတာ ဖန်တရာတေနေပါပြီ။ လှီးလွှဲဖြေနေမယ့်အစား အမှန်အတိုင်း ကလေးနားလည်အောင် ဖြေပေးလို့ရပါတယ်။
(https://m.facebook.com/CaliforniaWellnessMommy/photos/a.681158755363358.1073741827.681154505363783/853929368086295/?type=3&source=54)

ယောက်ျားလေးနဲ့ မိန်းကလေးလိင်အင်္ဂါတွေ ဘာလို့ မတူတာလဲ။
ကလေးတွေဟာ အသက်အရွယ်တခုရောက်လာလို့ စူးစမ်းတတ်ပြီဆိုရင် ကိုယ့်လိင်အဂါင်္တွေကို စူးစမ်းတာ သဘာဝပါ။ ဒီအကြောင်းတွေကိုလည်း နားလည်လွယ်ရိုးရှင်းတဲ့ စကားလေးတွေနဲ့ ရှင်းပြထားလို့ရပါတယ်။

သားကြီးလာရင် မေမေ့ကိုယူမယ်။ သမီးကြီးလာရင် ဖေဖေနဲ့ လက်ထပ်မယ် ရလား။
ကိုယ့်ကို သိပ်ချစ်လွန်း အားကိုးလွန်းလို့ သဘာဝအလျောက်ရင်ထဲကပြောတဲ့ စကားလေးတွေပါ။ ကလေးငယ်လေးတွေမှာ sexualization ဆိုတဲ့ လိင်မှုကိစ္စနဲ့ ပတ်သက်တဲ့ အသိမရှိကြသေးပါဘူး။ ဒါမျိုးပြောခဲ့ရင် အေးအေးဆေးဆေးပဲ မရဘူးလို့ ပြောပါ။ တယောက်နဲ့ တယောက် လက်ထပ်တယ်ဆိုတာ မိသားစုဖြစ်ချင်လို့ လက်ထပ်တာ။ သားနဲ့ မေမေ၊ သမီးနဲ့ဖေဖေက မိသားစု ဖြစ်ပြီးသား လက်ထပ်စရာမလိုဘူးလို့ ပြောပြနိုင်တယ်။

ဖေဖေနဲ့မေမေ ဘာလို့ ရန်ဖြစ်တာလဲ။
ကလေးရှေ့မှာ ဘယ်လိုပဲ ရန်မဖြစ်ဘူး မအော်ဘူးပြောပြော အခြေအနေအကြောင်းကြောင်းနဲ့ ဖြစ်သွားတဲ့အခါတွေ ရှိမှာပါပဲ။ ဒါမျိုးမေးတဲ့အခါ လူတယောက်နဲ့တယောက် ကိစ္စတိုင်း သဘောတူစရာမလိုတဲ့အတွက် တခါတလေ စိတ်ဆိုးရန်ဖြစ်တတ်တယ်။ ဒါပေမယ့် မိသားစုဖြစ်တဲ့အတွက် ပြဿနာကို ပြေလည်အောင် ပြန်ညှိနှိုင်းယူပြီး အဆင်ပြေအောင်ပြန်လုပ်ရ ကြိုးစားကြတယ် ပြန်ချစ်ချစ်ခင်ခင်နေကြတယ်ဆိုတာ ရှင်းပြပါ။

ဟိုအန်တီကြီးက ဘာလို့ ဝတုတ်ကြီးဖြစ်နေတာလဲ။
ကလေးတွေဟာ ကမ္ဘာဦး လူရိုင်းကလေးတွေနဲ့တူတယ်နော်။ သူတို့မှာ ယဉ်ကျေးရတယ်ဆိုတာ နားမလည်ကြသေးဘူး။ ဒါမျိုးကို ကိုယ်ကသင်ပေးရမှာလေ။ လူကြားထဲမှာ အဲဒီလို စကားမျိုးကို အော်ကြီးဟစ်ကျယ်မေးလာခဲ့ရင် ကလေးကို ဆူလိုက်ငေါက်လိုက်မိတာ ၉၅%ပါ။ ဘာလို့လဲဆိုတော့ သူများကို အားနာလို့။ မလုပ်ပါနဲ့နော်။ သူ့နားမှာ သေချာထိုင်ချပြီး ရှင်းပြပါ။ လူတိုင်းဟာ တယောက်နဲ့တယောက် မတူကြဘူး။ ပုံစံအမျိုးမျိုးရှိကြတယ်။ အချို့လူတွေက နေမကောင်းလို့၊ မတော်တဆဖြစ်ခဲ့လို့ ခြေထောက်မရှိတာ မျက်နှာမှာ ဒဏ်ရာတွေဖြစ်နေတာ စသည်ဖြင့် အမျိုးမျိုးဖြစ်နိုင်တယ်။ သားကအဲဒီလို သူများနဲ့ မတူတဲ့သူတွေကို လက်ညှိုးထိုးပြီး အော်ပြောတဲ့အခါ သူတို့စိတ်မကောင်းဖြစ်သွားမှာ။ နောက်အဲဒီလိုပြောမယ့်အစား မေမေဖေဖေကို လာမေးပါ။ မေမေတို့က သားကို ပြောပြမှာပေါ့လို့ သေချာရှင်းပြသင်ထားပေးပါ။

ဆရာဝန်မကြီးက သားကို နာအောင်လုပ်မှာ။
အဲဒါကတော့ ကလေးကမမေးတောင် မိဘအတော်များများ ကလေးကို ခြောက်တတ်တဲ့စကားပါ။ လုံးဝမသင့်တော်ပါဘူး။ အငိုမတိတ်ရင် ဟို nurse အန်တီက ဆေးထိုးလိုက်မှာနော်ဆိုတာမျိုးက ပြောနေကျပါ။ ကိုယ့်ကို ကောင်းအောင်လုပ်ပေးမယ့် သူတယောက်ကို အသားလွတ်မုန်းအောင်ကြောက်အောင် ပြောတာ မှန်ရဲ့လား စဉ်းစားကြည့်နော်။ ကလေးကမေးခဲ့ရင်တောင် ဆရာဝန်ဆရာမတွေက သမီးကိုနေကောင်းသွားအောင် လုပ်ပေးမှာ။ သူတို့က နာအောင်လုပ်ချင်လို့မဟုတ်ဘူး။ သမီးကို ချစ်လို့ စေတနာနဲ့ကုပေးကြတာလို့ ပြောပြပါ။

သေတယ်ဆိုတာ ဘယ်လိုမျိုးလဲ။ မေမေသေမှာလား။
ကလေးတွေကို သေခြင်းတရားနဲ့ပတ်သက်လို့ မကွယ်ဝှက်ပါနဲ့။ အမှန်အတိုင်းသိပါစေ။ သူတို့ နားလည်နိုင်ပါတယ်။ လူတိုင်း သတ္တဝါတိုင်း သက်ရှိတိုင်း တနေ့သေရမှာကို ပြောပြထားပါ။ ဘယ်လိုသေမယ် ဘယ်အချိန်သေမယ်မသိတဲ့အတွက် တူတူနေကြတဲ့အချိန်မှာ ချစ်ခင်ဖို့၊ ပျော်အောင်နေဖို့ ကြင်နာဖို့ သင်ပေးပါ။

အတိုချုပ်ပြောရရင် ကလေးတွေ မေးသလောက်ကို တိုတိုရှင်းရှင်းဖြေဖို့ ကြိုးစားပါ။ အချက်အလက်အများကြီးကို အရွယ်နဲ့ မမျှအောင်မပေးမိပါစေနဲ့။ မလိမ်မိအောင် ကြိုးစားပါ။ သူမေးတာကို မသိရင် မသိကြောင်း ပြောလိုက်ပါ။ နောက်မှ စာဖတ်ပြီးပြောပြမယ်လို့ ပြောထားလိုက်ပါ။ ဒါမှမဟုတ် အခုပဲတူတူရှာကြည့်ကြမယ်ဆိုပြီး အင်တာနက်မှာ ရှာကြာ့်နိုင်တယ်။ ကလေးကို မဆူမိမလှောင်မိအောင် ကြိုးစားပါ။ လှောင်ပြောင်လိုက်ရင် နောက်ဆို ကိုယ့်ဆီကို လာပြီးစကားပြောတော့မှာ မေးခွန်းတွေ မေးတော့မှာ မဟုတ်တော့ဘူး။ There is no such thing as stupid question. Stupid question ဆိုတာ ဘယ်တော့မှ မရှိပါဘူး။ အထူးသဖြင့် ငါးနှစ်အရွယ်ကလေးတယောက်ဆီမှာပေါ့။

ကိုယ့်ကို ကလေးတွေကပေါက်ပေါက်ရှာရှာမေးတဲ့ မေးခွန်းတွေရှိခဲ့လို့ မဖြေတတ်ဘူးဆိုရင် ဒီပိုစ့်အောက်မှာ လာပြောထားပါနော်။ တူတူစဉ်းစားပြီး ဉာဏ်ကြီးရှင်ကလေးတွေရဲ့ ချစ်စရာမေးခွန်းတွေကို ဖြေဖို့ကြိုးစားကြည့်ကြတာပေါ့ ♥️