(Nightmare or Night terror)

အိပ်မက်ဆိုးမက်တာလား ထိတ်လန့်ခြောက်ခြားတာလား
(Nightmare or Night terror)

အိပ်မက်ဆိုးမက်တယ်ဆိုတာကို လူတိုင်းကြားဖူးကြုံဖူးကြမှာပါ။ ဒါပေမယ့် အိပ်နေရာက ထထိုင်အော်ဟစ်ပြီး ထိတ်လန့်ခြောက်ခြားတယ်ဆိုတဲ့ Night terror ဆိုတာကိုတော့ သိသူနည်းပါသေးတယ်။ မသိတဲ့သူတွေကတော့ ဒါအိပ်မက်မက်တာလို့ပဲ ထင်ပါလိမ့်မယ်။ မဟုတ်ပါဘူးနော်။ မတူပါဘူး။ Night terror ဟာ ကလေး ၃နှစ်ကနေ ၁၂နှစ်ကြားမှာ အဖြစ်များပါတယ်။ အိပ်မက်ဆိုးမက်တာနဲ့ ဘာမတူသလဲဆိုတော့ အိပ်မက်မက်တာဆိုရင် ကလေးဟာ ထထိုင်အော်ငိုတာ မှန်ပေမယ့် လူကြီး/မိဘဖြစ်သူက ချော့လိုက်ရင် ဖက်ထားလိုက်ရင် အကြောက်ပြေသွားပြီး အငိုတိတ် ချက်ချင်းလိုလို ပြန်အိပ်ပျော်သွားပါလိမ့်မယ်။

Night terror ကတော့ ပိုဆိုးပါတယ်။ ကလေးဟာ သတိမရှိတော့တဲ့ အခြေအနေဖြစ်နေတာပါ။ သူဖြစ်နေတာကို သူမသိဘူး၊ ပတ်ဝန်းကျင်မှာ ဘယ်သူရောက်နေတယ် သူ့ကိုဘာတွေပြောနေတယ်ဆိုတာ သူဘာမှမသိပါဘူး။ မျက်လုံးကပွင့်နေပေမယ့် သူနိုးမနေပါဘူး။ အိပ်မက်ဆိုးမက်တာဆိုရင် မနက်မိုးလင်းတဲ့အခါ ကလေးက အကုန်မှတ်မိ ပြန်ပြောတတ်ပေမယ့် night terror ဖြစ်ခဲ့တဲ့ကလေးဟာ မနက်မိုးလင်းရင် ဘာဆိုဘာမှ မမှတ်မိနေတာကို တွေ့ရလိမ့်မယ်။

ကလေးတယောက် night terror ရနေပြီဆိုရင် မိဘလုပ်သူက သိဖို့ အရမ်းအရေးကြီးပါတယ်။ ကလေးကို ချော့ဖို့ နှစ်သိမ့်ဖို့ စကားအများကြီးပြောဖို့ ကြိုးစားမယ့်အစား သူကိုယ်သူ မထိခိုက်မိအောင်နဲ့ ကိုယ့်ကို မထိခိုက်အောင် ကာကွယ်ဖို့ အရေးကြီးပါတယ်။ ကလေးက နိုးမနေ၊ သတိကပ်မနေတဲ့အတွက် သူ့ကိုယ်သူထိခိုက်နာကျင်အောင် လုပ်နိုင်သလို ကိုယ်ကချော့ဖို့ ဖက်ထားဖို့ လုပ်တဲ့အခါမှာ ကိုယ့်ကို ပြင်းပြင်းထန်ထန်ရိုက်တာ ကန်တာတွေ လုပ်နိုင်ပါတယ်။ အဲဒီအခါ ကိုယ်လည်း ဒေါသထွက်ပြီး ကလေးကို ဆူတာ ရိုက်မိတာတွေ ဖြစ်ကုန်နိုင်ပါတယ်။ လုံးဝအကျိုးမရှိပါ။ ကလေးကို ဆူဖို့ သင်ပေးဖို့ အကျိုးအကြောင်း ရှင်းပြဖို့ လုံးဝမကြိုးစားပါနဲ့။ သူဘာမှမသိပါဘူး။ Night terror ဟာ တခါတလေ နာရီဝက်တနာရီထိ ကြာတတ်ပါတယ်။ အကြောင်းမသိတဲ့အခါ မိသားစုကြားမှာ စိတ်ပင်ပန်း စိတ်ပျက်စရာတွေ အများကြီး ဖန်တီးနိုင်တဲ့ ပြဿနာတခုပေါ့။

Night terror ဖြစ်တဲ့အချိန်ဟာ များသောအားဖြင့် စအိပ်ပျော်ပြီး မိနစ်ကိုးဆယ် (တနာရီခွဲ) လောက်အကြာမှာ ဖြစ်လေ့ရှိတယ်။ ကလေးဟာ အရမ်းကြောက်နေမယ်၊ ဒါမှမဟုတ် အရမ်းငိုပြီး ဂျီကျမယ်၊ ဘယ်လိုမှချော့လို့မရဘူး၊ သတိဝင်အောင် နှိုးလို့မရဘူးဆိုရင် ဘာမှဆက်မလုပ်ပါနဲ့။ သူ့ဘာသာအရှိန်ကုန်ပြီး ပြန်အိပ်ပျော်သွားတဲ့အထိသာ ထိုင်စောင့်နေလိုက်ပါ။ ချော့ဖို့ကြိုးစားလေ ပိုဆိုးလေဖြစ်တတ်ပါတယ်။ သူအန္တရာယ်မဖြစ်အောင် ထိခိုက်ဒဏ်ရာမရအောင်သာ ဘေးက ထိန်းပေးနေဖို့ လိုပါတယ်။

ဘာကြောင့် night terror ဖြစ်ရသလဲဆိုတာတော့ တိတိကျကျမသိကြပါဘူး။ ဒါပေမယ့် ထင်ကြတာက နေ့ဘက်မှာ ကလေးဟာ စိတ်ဖိစီးတာကြုံရတဲ့အခါ၊ သူမလုပ်ချင်တာကို အတင်းလုပ်ခိုင်းလို့ စိတ်ပင်ပန်းဒေါသထွက်တဲ့အခါ၊ အိပ်ရေးမဝတဲ့အခါ၊ ကာဖိန်းအများကြီးသောက်တဲ့အခါ (ဥပမာ လက်ဖက်ရည် ကော်ဖီ အချိုရည်ဗူးတွေ)၊မိသားစုထဲမှာ အိပ်တာနဲ့ပတ်သက်တဲ့ရောဂါရှိတဲ့အခါ (ဥပမာ အိပ်ရင်းလမ်းထလျှောက်တာမျိုး) ဖြစ်တတ်ပါတယ်။

ကိုယ့်ကလေးက ခဏခဏ night terror ရတတ်တယ်ဆိုရင် သူ့ကို scheduled awakening ဆိုတာ လုပ်ပေးလို့ရပါတယ်။ အဲဒါဘာလဲဆိုတော့ သူဘယ်အချိန်ထအော်တတ်သလဲဆိုတာသိရင် အဲဒီအချိန်မတိုင်ခင် ဆယ်မိနစ်လောက် ကြိုပြီး နှိုးလိုက်ဖို့ပါ။ လူတွေရဲ့ အိပ်ချိန်ဟာ တညလုံး စက်ဝန်းအနေနဲ့ လည်ပတ်နေတာပါ။ အဲဒါကို အိပ်ခြင်းစက်ဝန်း (sleep cycles) လို့ခေါ်တယ်။ စာသင်နေတာမဟုတ်လို့ အကျယ်မပြောတော့ဘူး။ Night terror ဟာ sleep cycle ရဲ့ စက်ဝန်းတခုမှာ အဖြစ်များတယ်။ သူ့ကိုနှိုးလိုက်ခြင်းအားဖြင့် သူ့ရဲ့ sleep cycles ကို ပြောင်းလိုက်သလိုဖြစ်ပြီး night terror ကို ကာကွယ်ရာရောက်တယ်လို့ ယူဆကြတယ်။

အဓိကပြောချင်တာကတော့ ကလေးတယောက် အိပ်မက်ဆိုးမက်ပြီး ယောင်တာမဟုတ်ဘဲ ထိတ်လန့်တုန်လှုပ်တဲ့ night terror ဆိုတာဖြစ်နေကြောင်းကို သိဖို့နဲ့ ဘယ်လိုကိုင်တွယ်ရသလဲသိဖို့ လိုပါတယ်။ အဲဒီလို မသိရင် မိဘတွေရော ကလေးရော ခြေကုန်လက်ပန်းကျ၊ ဒေါသထွက်ပြီး မလိုလားအပ်တဲ့ ပြဿနာတွေ နောက်ဆက်တွဲဖြစ်လာမယ်။ ပင်ပန်းနွမ်းနယ်ပြီး ဒေါသထွက်နေတဲ့ မိဘဟာလည်း ကလေးအပေါ်မှာ ပုံမှန်စိတ်သဘောမရှိတော့ဘဲ စိတ်တိုစိတ်မရှည်အထင်လွဲတာတွေဖြစ်လာပြီး ကလေးပိုဒုက္ခရောက်ပါလိမ့်မယ်