သားသား၊ မီးမီးတို့က ဘယ်လို ပုံပြင်စာအုပ်လေးတွေကို ဖတ်သင့်လဲ။

သားသား၊ မီးမီးတို့ အတွက် ဘယ်လို ပုံပြင်စာအုပ်တွေကို ရွေးချယ်ပေးသင့်လဲ ဖတ်သင့်လဲ ဆိုတာ မဆွေးနွေးခင်မှာ ပုံပြင်ဆိုတာ ဘာလဲဆိုတာ အရင် စဉ်းစားကြည့်ရအောင်……

ပုံပြင်ဆိုတာ ဘာလဲ။
တက်ခဲ့ဖူးသော ပုံပြင်ပြောသင်တန်းတွင် လေ့လာခဲ့ရသည်များ အရ ပုံပြင်ဆိုသည်မှာ စာဖတ်သူများ၏ စိတ်ကို အပန်းဖြေ အပျင်းပြေ ပျော်ရွှင်စေနိုင်ရုံ သာမက သုတ ရသ နှစ်ဖြာကိုပါ ပေးစွမ်းကာ စိတ်ကို မဆိုစလောက်လေးက စလို့ ကြီးမားသည့် ပြုပြင်ပြောင်းလဲမှု အထိ သင်ခန်းစာ တစ်ခုခု ပေးစွမ်းနိုင်သည့် စာတစ်ပုဒ်ပင် ဖြစ်ပေသည်။

ထို့အပြင် ပုံပြင်များသည် ကလေးများ၏ Mentally, Emotionally နှင့် Physically ပိုင်း ဆိုင်ရာ ဖွံ့ဖြိုးတိုးတက်မှု တို့အတွက် အရေးပါသော ကဏ္ဍ မှ ပါဝင်ပေသည်။ ကလေးများ သိသင့်သော ပညာဗဟုသုတများ၊ မှတ်သားနာယူစရာများ၊ သတင်းအကြောင်းအရာများ စသည့် လေ့လာသင်ယူစရာများကို ပုံပြင်စာအုပ်များမှ ရရှိနိုင်ပေသည်။ ထိုမျှသာမက ကလေးများ၏ ဘာသာစကား အပြောအဆိုအတွက် စကားလုံး အသစ်ပေါင်း မြောက်များစွာအပြင် အတွေးအခေါ်အသစ်၊ အမြင်အသစ်၊ အတွေ့အကြုံ အသစ်များကို ပုံပြင်စာအုပ်များဖြင့် မိတ်ဆက် ပေးနိုင်ပါသည်။ မွေးစမှ Early Childhood အရွယ် အသက် (၆) နှစ် ကလေးငယ်များအတွက် သင့်လျော်သော ရုပ်ပြပုံပြင်များမှ စ၍ Middle Childhood (Late Childhood) အသက် (၆) နှစ်မှ (၁၂) နှစ် အရွယ် ကလေးများအတွက် စာအုပ်များ၊ ဆယ်ကျော်သက်အရွယ်များ အတွက် ပိုအဆင့်မြင့်၍ ခက်ခဲသည့် ဝတ္ထုစာအုပ်များ အထိပင် ဖြစ်ပေသည်။ သားသား၊ မီးမီးများ ဖတ်သော၊ ကြိုက်နှစ်သက်သော စာအုပ်နှင့် ဇာတ်ကောင်များက သူတို့၏ ဘဝအတွက် သူငယ်ချင်းများ သဖွယ် စံနမူနာယူစရာ Role Model များသဖွယ် ဖြစ်လာကြပြီး အပြုအမူများ အတွေးအခေါ်များအထိ ကြီးမားစွာ လွှမ်းမိုး သက်ရောက်နိုင်ပေသည်။
ဥပမာပြောရလျှင် ဖွေးဖွေး အမှိုက်မပစ်တော့ပါ ပုံပြင်စာအုပ်လေးဖတ်ပြီး သားသား၊ မီးမီးတို့ကပါ ဖွေးဖွေးကဲ့သို့ လိုက်လံ အတုယူကာ ပြုမူကျင့်ကြံကြသည်မှာ အမှန်ပင်ဖြစ်ပေသည်။ သို့ရာတွင် သားသား၊ မီးမီးတို့ ရင်ထဲထိ ရောက်ရှိစေဖို့အတွက် ပုံပြင်စာအုပ်လေးကို ထပ်ခါထပ်ခါ ဖတ်ပြ စေဖို့တော့ လိုပေလိမ့်မည်။ တစ်ခါနှင့် တစ်ခါ မတူအောင်၊ စိတ်ဝင်စားအောင် ဖတ်ပြ ပြောပြ နိုင်လျှင်တော့ ပိုကောင်းပေသည်။ ထို့ကြောင့် စာအုပ်များက သားသား၊ မီးမီးတို့၏ လေ့လာသင်ယူမှုနှင့် ဖွံ့ဖြိုးတိုးတက်မှုအပေါ် များစွာသက်ရောက်သည်ဆိုသည်မှာ မှန်ကန်သောအချက်ပင်ဖြစ်ပါသည်။

ဘယ်လို ပုံပြင်စာအုပ်တွေကို ဖတ်သင့်လဲ။
သားသား၊ မီးမီးတို့ အတွက် ပုံပြင်စာအုပ်များက လေ့လာစရာ၊ အတုယူစရာ၊ သင်ယူစရာ အသိပညာများ နှင့် အတွေးအခေါ်အသစ် များစွာကို ပေးစွမ်းနိုင်သည် သာမက အနာဂတ်အတွက် မရှိ မဖြစ် အရေးပါ၍ လိုအပ်သော စာဖတ်နှုန်း၊ စာဖတ်စွမ်းရည် နှင့် စိတ်တည်ငြိမ်မှု (Concentration) တို့ကို တိုးတက်လာအောင် လေ့ကျင့် ပေးသကဲ့သို့ ဖြစ်ပေရာ အုပ်ထိန်းသူ မိဘတို့မှ မိမိတို့ သားသား၊ မီးမီးများ စာဖတ်ခြင်းကို ပိုမို ချစ်ခင်၊ နှစ်သက်၊ ရင်းနှီးလာအောင် ငယ်ရွယ်စဉ်ကလေးဘ၀ကတည်းက လုပ်ပေးသင့်ပါသည်။ ထိုမျှသာမက သားသား၊ မီးမီးတို့ အတွက် ပုံပြင်စာအုပ် အမျိူးအစားပေါင်း များစွာ ရှိသည့် အလျောက် မိဘတို့က ထိုစာအုပ်များကို တတ်နိုင်သလောက် ရှာဖွေထောက်ပံ့ မိတ်ဆက်ပေးနိုင်လျှင်တော့ အကောင်းဆုံးပင် ဖြစ်ပေလိမ့်မည်။ လက်လှမ်းမီသလောက် လေ့လာရှာဖွေထားသော သားသား၊ မီးမီးတို့ ဖတ်သင့်သည့် ပုံပြင်စာအုပ် အမျိူးအစားများကို အကြံပြု ပြောပြရမည်ဆိုလျှင် …..

(၁) ရုပ်ပြ ပုံပြင်စာအုပ် (Picture Storybooks)
ထိုပုံပြင် စာအုပ်များက ကလေးများ အကြိုက်နှစ်သက်ဆုံးသော ပုံပြင်စာအုပ်များတွင် တစ်အုပ် အပါအဝင် ဖြစ်ပေသည်။ ရုပ်ပြ ပုံပြင်စာအုပ်များမှ ကလေးများ ရရှိနိုင်သော အကျိုးကျေးဇူးများမှာ ပထမဦးဆုံး ကလေးများ ပျော်သည်။ ကလေးများ စိတ်လုံခြုံမှုနှင့် ကျေနပ်မှုက ထိုအသက်အရွယ်အတွက် အရေး အကြီးဆုံးပင် ဖြစ်ပေသည်။ ကလေးများအား ပေးချင်သော သင်ခန်းစာ၊ အသိပညာများ နှင့် အတွေးအခေါ်များကို ထိုစာအုပ်များမှ တစ်ဆင့်ပေးစွမ်းနိုင်သည်။ ထို့အပြင် ရုပ်ပုံလေးများမှ တစ်ဆင့် ကလေးများ၏ တီထွင်ဖန်တီးနိုင်စွမ်း (Creativity) နှင့် အနုပညာ စွမ်းရည်တို့ကို တိုးတက်လာစေသည်။ ထို့ကြောင် ရှုချင်စဖွယ် ဖြစ်နေသော ဆွဲဆောင်မှုအပြည့် ရှိသည့် ရုပ်ပုံလေးများနှင့် အရောင်စုံလင်စွာ ပါဝင်သည့် ရုပ်ပြ ပုံပြင်စာအုပ်များမှာ ကလေးများအတွက် အသင့်လျော်ဆုံးပင် ဖြစ်သည်။

(၂) တိုင်းရင်းသား ရိုးရာ ပုံပြင်စာအုပ်
သံဂလန်းနှင့် ဆားပုံပြင် ကဲ့သို့သော ချင်းရိုးရာ ပုံပြင်စာအုပ် ကဲ့သို့ တိုင်းရင်းသား ရိုးရာ ပုံပြင် စာအုပ်များမှာ မြန်မာနိုင်ငံမှ သားသား၊ မီးမီးတို့ အတွက် အရေးပါသော Message များကို ပေးစွမ်းနိုင်မည်မှာ မလွဲဧကန်ပင် ဖြစ်ပေသည်။ ထိုပုံပြင် စာအုပ်များမှ တစ်ဆင့် မြန်မာပြည်တွင် မိမိတို့သည် သာမဟုတ် မိမိတို့၏ တိုင်းရင်းသား ညီအစ်ကို၊ မောင်၊ နှမများပါ အတူတကွ လက်တွဲနေထိုင်ကြပြီး ထိုတိုင်းရင်းသားတို့၏ နေထိုင်မှုပုံစံ၊ နေရာ၊ ဒေသ နှင့် ရိုးရာ၊ ယဉ်ကျေးမှု အမွေအနှစ်များကိုပါ သိရှိ လေ့လာနိုင်မည် ဖြစ်သည်။ တိုင်းရင်းသား ရိုးရာ ပုံပြင်စာအုပ်များမှာ ကလေးများအတွက် ဥာဏ်ပညာ ဗဟုသုတ၊ မတူညီသော ရိုးရာယဉ်ကျေးမှု စာပေများကို လေ့လာနိုင်ခွင့်၊ တန်ဖိုးထားခွင့် နှင့် စိတ်ပျော်ရွှင်မှုများကို ပေးစွမ်းနိုင်မှာ ဖြစ်ပေသည်။ သဒ်စတိုရီမှ ထုတ်ဝေသော အိုအေစစ် ပုံပြင်စာအုပ်သည်လည်း ယောတိုင်းရင်းသားတို့၏ ၀တ်စားဆင်ယဉ်ပုံများကို လေ့လာနိုင်ပေသည်။

(၃) စကားပုံ ပုံပြင်စာအုပ်
ထို ပုံပြင် စာအုပ်များမှ အဖိုးမဖြတ်နိုင်သော မြန်မာ့ရိုးရာ စကားပုံများကိုလည်း လေ့လာနိုင်သည့်အပြင် စကားပုံများမှ လေ့လာစရာ လိုက်နာစရာ အတုယူစရာများကို ကလေးများ လေ့လာ သင်ယူနိုင်မည်မှာ အမှန်ပင် ဖြစ်ပေသည်။ ဥပမာ စုပေါင်းညီညာပျော်စရာ စာအုပ်မှာ ကျီးကိုရိုသေ ဘုတ်ကိုရိုသေ စကားပုံမှ တစ်ဆင့်ဖြစ်ပေါ်လာသော ပုံပြင်ပင်ဖြစ်ပါသည်။

(၄) ဘာသာရေး (ကိုးကွယ် ယုံကြည်မှု) ပုံပြင်စာအုပ်
ဘာသာရေး ပုံပြင်စာအုပ်များမျာ သားသား၊ မီးမီးတို့အတွက် အရေးပါသော ပုံပြင်စာအုပ် အမျိုးအစား တစ်ခုပင် ဖြစ်ပေသည်။ ခက်ခဲ နက်နဲသော ဘာသာရေးဆိုင်ရာ အတွေးအခေါ်များနှင့် အယူအဆများ လိုက်နာရမည့် ဆိုဆုံးမမှုများကို ကလေးများအတွက် လွယ်ကူအောင် ပုံပြင်စာအုပ်များမှ တစ်ဆင့် လေ့လာ သင်ကြားပေး နိုင်ပေသည်။ ငယ်စဉ် ကတည်းက ရုပ်ပြ ပုံပြင်များဖြင့် ဖတ်ရှု လေ့လာခဲ့ရသော ဘာသာရေး သမိုင်းကြောင်းများ၊ ဗုဒ္ဓဝင်များ နှင့် (၃၈) ဖြာ မင်္ဂလာ ပုံပြင်များမှ အဆုံးအမများအား အသက်ကြီးလာသည့်တိုင် စိတ်ထဲစွဲကာ မှတ်မိလိုက်နာနေသည်မှာ ကိုယ်တွေ့ ပင်ဖြစ်ပါသည်။ အခြားဘာသာများတွင်လည်း သက်ဆိုင်ရာပုံပြင်များသည်လည်း ကိုယ်ကျင့်တရားအတွက် ဆုံးမထားသောပုံပြင်များရှိပေသည်။

(၅) တေးကဗျာ ပုံပြင်စာအုပ်
ငယ်ငယ်က ဖတ်ခဲ့ ဆိုခဲ့ရသော ဝါဆိုဝါခေါင် ကဗျာလေးကို စာဖတ်သူအားလုံး ယခုတိုင် မှတ်မိ သီဆိုနိုင်လိမ့်မည် ဟု ယုံကြည်ပါသည်။ ကလေးများအတွက် ထိုသို့သော တေးကဗျာပုံပြင်များ က အနုပညာ ယဉ်ကျေးမှုများနှင့် သင်ယူစရာ စကားလုံးအသုံးအနှုန်းများစွာ ဗဟုသုတ များစွာကို ပေးစွမ်းနိုင်သည့် အထောက်အကူပင် ဖြစ်ပါသည်။ ခဲတံကလေး မောင်ဆိုလနှင့် တိမ်ပေါ်ကရွာစာအုပ်များသည် အသံမြိုင်မြိုင်ဖြင့် သီဆိုနိုင်၍ ကလေးများအထူးပင်နှစ်ခြိုက်ကြပေသည်။

(၆) ရယ်ရွှင်ဖွယ်ရာ ပုံပြင်စာအုပ် (ဟာသ ပုံပြင် စာအုပ်များ)
ထိုစာအုပ်များမှာ ကလေးများအား ရသ (၉)ပါးထဲတွင် တစ်ပါး အပါအဝင် ဖြစ်သော ဟာသ ရသ ကို ပေးစွမ်းနိုင်ပါသည်။ ကလေးများ ဟာသဥာဏ်ရွှင်လန်းကာ စိတ်ကြည်နူး လန်းဆန်းမှုကို ပေးစွမ်းနိုင်မည်မှာ အမှန်ပင် ဖြစ်ပါသည်။ ကလေးများ ဟာသ ပုံပြင် ကိုဖတ်ပြီးသည်နှင့် ပြီးသွားလိမ့်မည်ဟု မထင်ပါနှင့်။ စာရေးသူအလုပ်လုပ်နေသော မူကြိုကျောင်းမှ အမျိုးသမီ/ဆရာမတစ်ဦးအား (၄) နှစ်အရွယ် ကလေးတစ်ယောက်က အမြဲတမ်းလိုလို အနားရောက်သည်နှင့် Do you want to hear a joke? (ဟာသ တစ်ခုပြောပြမယ် နားထောင်မလား) ဟူ၍ လာလာမေးကာ သူသိသမျှ ဟာသကို စီကာပတ်ကုံး ပြန်လည်ပြောပြလေတော့သည်။ ထိုကလေးမှာ စာဖတ်သည့် အလေ့အကျင့် ရှိသည်။ ကလေး၏ အမေက ကျောင်းလာကြိုတိုင်း စာအုပ် အသစ်လေး တစ်အုပ်ကို ထုတ်ပြကာ သားအတွက် မေမေ စာအုပ်အသစ် ရထားတာရှိတယ် လို့ ပြောလျှင်တော့ဖြင့် စိတ်လှုပ်ရှားကာ အိမ်ရောက်လျှင် ဖတ်ရမည့် စာအုပ်အကြောင်းကို ပြောမဆုံးပင် ဖြစ်နေတော့သည်။

(၇) ဥပဒေရေးရာဆက်ထုံး ပုံပြင်စာအုပ်များ
မြစ်တစ်ဖက် ဝက်လက်ကင် နှင့် မဟော်သဓာပုံပြင် ကဲ့သို့သော ဥပဒေဆက်ထုံး ပုံပြင်များတွင် ကလေးများအတွက် သင်ယူစရာများစွာ နှင့် အထောက်အကူ များစွာကို ပေးစွမ်းနိုင်သည်မှာ အမှန်ပင် ဖြစ်ပေသည်။

(၈) First books
တိုးတက်ကာ အမြင်ကျယ်လာသည့် ယခုခေတ် အခါတွင် မွေးစကလေးများ အတွက် First books များ ကိုပင် မိတ်ဆက်ပေး နိုင်ပေသည်။ ထိုစာအုပ်များမှာ မွေးစနှင့် လသားအရွယ် ကလေးများ သိသင့်သော အကြောင်းအရာများ နှင့် Senatorial ပစ္စည်းများဖြစ်သည့် ပိတ်စ အမျိုးအစား ကဲ့သို့ အထိအတွေ့ကို ပေးစွမ်းနိုင်သော ပစ္စည်းများဖြင့် ပါဝင်ပြုလုပ်ထားလေ့ ရှိပါသည်။ ကလေးများ ကိုယ်တိုင် ပါဝင်နိုင်သော Participation Storybooks များနှင့်လည်း တူပါသည်။

(၉) Participation Storybooks
Participation Storybooks များမှာ ပုံပြင်စာအုပ် အမျိုးအစား တစ်ခုပင် ဖြစ်ပါသည်။ ကလေးငယ်များက ပုံပြင်စာအုပ်ကို ဖတ်၍ လက်ခုပ်တီးခြင်း၊ ခုန်ခြင်း၊ ကိုယ်ခန္ဓာ အစိတ်အပိုင်းများအား ထိခြင်း စသည့် ညွှန်ကြားချက်အတိုင်း ကိုယ်တိုင် လိုက်လုပ်ရသည်များ သို့မဟုတ် Interaction ကို တိုးတက်စေသော Lift-the-flap books ကဲ့သို့သော ကိုယ်တိုင် ကိုင်တွယ် ရှာဖွေ Discovery လုပ်ရသည့် ပုံပြင်စာအုပ်များအား ကြိုက်နှစ်သက်ကြ ပါသည်။ လူကြီးမိဘ နှင့်လည်း အတူ တကွ ဖတ်ခြင်းဖြင့် အပြန်အလှန် ဆက်ဆံရေးကို များစွာ တိုးတက်စေပါသည်။ အိမ် သို့မဟုတ် ဘောလုံးကန်တဲ့စက်ရုပ်ပုံပြင်များသည် ထိုကဲ့သို့ အလေ့အကျင့်များကို တိုးတက်စေပါသည်။

(၁၀) Concept Storybooks
ကလေးများအား နေ့စဉ် လုပ်ဆောင်ရမည့် အလုပ်များဖြစ်သည့် သွားတိုက်ခြင်း၊ အင်္ကျီလဲခြင်း၊ ထမင်းစားပွဲတွင် လိုက်နာရမည့် အမူအကျင့်များ မှစ၍ သူတစ်ပါးအား မျှဝေခြင်း၊ ကူညီဖေးမ စောင့်ရှောက်ခြင်း၊ တိရစ္ဆာန်လေးများအား ကြင်နာသနားခြင်း စသည့် အသိ တစ်ခုခုကို ပေးစွမ်းနိုင်သည့် Concept Story Books များက ကလေးများအတွက် မရှိမဖြစ် အရေးပါ ပါသည်။ ထိုမျှသာမက Shape, Size, Space And Color, Up And Down, Inside And Outside, Numbers And Names Of Objects, Counting, Alphabets စသည့် Concepts များကို မိတ်ဆက်ပေးနိုင်သည့် ပုံပြင်စာအုပ်များကိုလည်း ဖတ်သင့်ပါသည်။

(၁၁) Informational Storybooks
ဒီလို ပုံပြင် စာအုပ်လေးများကလည်း ကလေးများအား အသိနှင့် ဗဟုသုတ တစ်ခုခုပေးချင်သည့်အခါ မိတ်ဆက် ပေးသင့်ပါသည်။ ရာသီဥတု အကြောင်း၊ တိရစ္ဆာန်လေးများ အကြောင်း၊ ရိုးရာ ယဉ်ကျေးမှုအကြောင်း စသည့် ဗဟုသုတများကို ကလေးများ ထိုပုံပြင်စာအုပ်များမှတစ်ဆင့် လေ့လာနိုင်ပေမည်။ ဥပမာပြောရလျှင် Third Story Project ၏ ဝါးတောက မောင်ဒီးကူ စာအုပ်လေးပင် ဖြစ်ပါသည်။ မောင်ဒီးကူလေးကို ဖတ်ပြီး ကလေးများ အတွက် အမူ အကျင့်ကောင်းလေးများကို လိုက်နာ ဆောင်ရွက် လာစရန် ပြုစုပျိုးထောင်ပေးနိုင်ရုံ သာမက ကယား တိုင်းရင်းသားတို့၏ ရိုးရာအစားအစာကိုပါ လေ့လာနိုင်မည် ဖြစ်ပေသည်။ ထို့ပြင် ၀ါးပင်ငယ်ငယ်ချစ်စဖွယ် စာအုပ်နောက်ကျောတွင်လည်း ၀ါးပင်အကြောင်း သိကောင်းစရာများလေ့လာနိုင်ပေသည်။

(၁၂) စာမဲ့ ပုံပြင်စာအုပ် (Wordless Storybooks)
ထိုပုံပြင်စာအုပ်များက စာအနည်းငယ်သာ သို့မဟုတ် စာလုံးဝပင် မပါပါ။ စာဖတ်သူများက ပုံများမှ တစ်ဆင့် ပုံပြင်ကို နားလည်အောင် သေချာစွာ စဉ်းစား၊ တွေးခေါ်၊ ဘာသာပြန်ကာ ဖတ်ရှုရမည် ဖြစ်ပေသည်။ ထိုစာအုပ်များက ကလေးများအား ပုံပြင်၏ Sequence ကို အာရုံစိုက် တွေးခေါ်စေခြင်း နှင့် Concentration ကို ကောင်းမွန် တိုးတက်စေပါသည်။ ထို့အပြင် ကလေးငယ်၏ အတွေးကို ကလေးငယ် ကိုယ်တိုင် ပြန်လည် ပြောပြရသည့် အတွက် ဘာသာစကား ပြောဆိုနိုင် စွမ်းရည်ကို ပိုမို တိုးတက်စေပါသည်။ ကိုယ်တိုင်တွေးခေါ် ထားရသည့်အတွက် အကြောင်းအရာကို ပိုမိုမှတ်မိနေမည် ဖြစ်ပါသည်။ ထိုစာအုပ်များမှာ (၄) နှစ် နှင့် အထက် ကလေးများအတွက် ပိုမို သင့်လျော်ပါသည်။ ဥပမာပြောရလျှင် Third Story Project မှ ထုတ်ဝေသော ဘောလုံးကန်တဲ့ စက်ရုပ်လေး စာအုပ်နှင့် တံတားလေးတစင်းစာအုပ်များမှာ စာမဲ့ ပုံပြင်စာအုပ်မျိုးပင် ဖြစ်ပါသည်။

(၁၃) Fairy Tales and Myth Tales
နတ်သမီး ပုံပြင်များနှင့် ဒဏ္ဍာရီ ပုံပြင်များက ကလေးများအတွက် အဖော်မွန် အိပ်ရာဝင် ပုံပြင်များပင် ဖြစ်ပေလိမ့်မည်။ တန်ခိုးရှင်များ သဘာဝ မဟုတ်သော ဇာတ်ကောင်များ နှင့် ဆွတ်ပျံ့ကြည်နူးဖွယ်ရာ ဇာတ်လမ်းများက ကလေးများ၏ စိတ်ကူးယဉ်မှု နှင့် အတွေးအခေါ်နယ်ပယ်ကို အဆုံးအစမရှိ ချဲ့ထွင် နိုင်ကြပါ သည်။ Disney ကာတွန်း ဇာတ်ကားများကို ကလေးများ အပြင် လူကြီးများပါ ကြိုက်နှစ်သက်ကြသည် မဟုတ်ပေလား။

(၁၄) Audio Storybooks
Audio Story Books များ ကလည်း ကလေးများအတွက် အထောက်အပံ့ များစွာကို ရစေပါသည်။ ပုံပြင်ကို လူတစ်ဦးက မှန်မှန်ကန်ကန် Confidently ရှိရှိ ဖတ်နေတာကို နားထောင်စေခြင်းဖြင့် Fluency နှင့် စာကို အဖြတ်အတောက်ဖြင့် တိတိကျကျ မှန်မှန်ကန်ကန် ဖတ်နိုင်သည့် စွမ်းရည်ကိုပါ ရရှိစေနိုင်မှာ ဖြစ်ပါသည်။

အထက်ပါ အကြောင်းအရာများမှာ ကလေးများအတွက် ဖတ်သင့်သော ပုံပြင်အမျိုးအစား များကို စုစည်းထားခြင်းပင် ဖြစ်ပါသည်။ ထိုထက်မက ပိုမို များပြားသော ပုံပြင်စာအုပ်များ ရှိပေလိမ့်မည်။ လူကြီး၊ မိဘများက ကလေးများအတွက် စာအုပ်များအား အလွယ်တကူ ရရှိအောင် တတ်စွမ်းသမျှ ထောက်ပံ့ ဖန်တီးပေး သင့်ပါသည်။ လူကြီးများက ကလေးနှင့် အတူတကွ စာဖတ်ကာ ကလေးများ စာဖတ်သည့် အလေ့အထ ဖြစ်လာစေရန် ကူညီပေးရပါမည်။ ပုံပြင်စာအုပ် ရွေးချယ်ရာတွင်၊ ပုံပြင်ပြောရာတွင် မည်သည့် ဘာသာစကားမဆို အသုံးပြုနိုင်ပါသည်။ ကလေးနှင့် မိမိ Communicate လုပ်ရာတွင် သက်သောင့်သက်သာ ရှိစေမည့် ဘာသာစကားဆိုလျှင်တော့ ပို၍ပင် ကောင်းပါသည်။ သို့မဟုတ် ဘာသာစကား (၂) မျိုးဖြင့် ထုတ်ဝေသည့် (Dual-Language Books) ပုံပြင် စာအုပ်များကလည်း ကလေးများအတွက် ကောင်းမွန်ပါသည်။ ထပ်မံပြုလုပ်နိုင်သည်မှာ ပုံပြင်ကို အင်္ဂလိပ်ဘာသာဖြင့် ဖတ်ပြီး ပုံပြင်ကို ကလေးနှင့် ပြန်လည်ဆွေးနွေးလျှင် မိမိသုံးနေကျဖြစ်သော သက်တောင့်သက်သာရှိသည့် ဘာသာစကားကို အသုံးပြုနိုင်ပါသည်။ ကလေးများက မွေးစမှ အသက် (၆) နှစ်အရွယ်အထိ ဘာသာစကား (၆) မျိုးလောက် သင်ယူနိုင်ပါသည်။

ထို့ကြောင့် ကလေးများအတွက် ပုံပြင် ရွေးချယ်ပေးတော့မည် ဆိုလျှင် မိမိ ကလေးငယ်အတွက် မည်သည့်အရာကို ရရှိနိုင်မည်၊ မည်မျှ အကျိုးရှိနိုင်မည်၊ မိမိက မည်ကဲ့သို့သော အသိပညာကို ပေးချင်သည် စသည်များကို သေချာစွာ စဉ်းစား၍ ရွေးချယ်ပေးသင့်ပါသည်။
ပုံပြင်ကောင်း တစ်ပုဒ်၏ အခြေခံဖြစ်သည့်၊ အပြုသဘောဆောင်သည့် ပြုပြင် ပြောင်းလဲမှုများ ပေးနိုင်ခြင်း၊ အသိပညာ၊ ဗဟုသုတများ တီထွင်၊ ကြံဆ တွေးခ်ါမှုများ နှင့် တကွ ရသ (၉) ပါး ကို ခံစား ရရှိစေနိုင်မည့် ပုံပြင်များမှာ အကောင်းဆုံးပင် ဖြစ်ပါသည်။ လူမျိူး၊ ဘာသာ၊ ကျား၊ မ ဖြစ်ခြင်းစသည့် အစွဲတစ်ခု ကပ်စေသော ပုံပြင်မျိုး မဟုတ်ဘဲ သဘာဝ ပတ်ဝန်းကျင်၊ တော၊ တောင်၊ ရေ၊ မြေ ၊ တိရိစ္ဆာန်များ နှင့် ရိုးရာ၊ ယဉ်ကျေးမှုကို ချစ်မြတ်နိုးစေသည့် ပုံပြင်များ နှင့် အကျင့်စရိုက်ကောင်းများကို အတုယူနိုင်မည့် ပုံပြင်များကိုလည်း မမေ့ မလျော့ ရွေးချယ်ပေး သင့်ပါသည်။

ပုံပြင်များမှာ ကလေးများအတွက် သူတစ်ပါးအား ကူညီစောင့်ရှောက်မှု၊ နေ့စဉ် လုပ်ငန်း တာဝန်များမှစ၍ ဆင်းရဲဒုက္ခများ၊ ကွဲကွာခြင်းများ Family Break-Ups များစသည့် လောက သဘာဝ ၏ ရှုပ်ထွေးသော ကိစ္စရပ်များကို သင်ကြား မိတ်ဆက် ပေးနိုင်သည့် အကောင်းဆုံးသော ကြားခံ ပစ္စည်းပင်ဖြစ်ပါသည်။ လက်တွေ့ ဘဝအကြောင်းအရာများ အပေါ် အခြေခံထားသည့် ပုံပြင်ဇာတ်လမ်းများက ကလေးများအတွက် ဘဝအတွေ့အကြုံများကို ကိုယ်တိုင် ခံစားစရာ မလိုဘဲ စာဖတ်ရုံဖြင့် သဘာဝကျကျ သိရှိလေ့လာ ခံစားနိုင်စေမည့် အပြင် တခြားသော သူများ၏ ဘဝများကို မိမိတို့နှင့် မတူဘဲ မည်သို့ ရှိသည် မည်ကဲ့သို့ ကွဲပြားသည်ကို အကောင်းဆုံး လေ့လာ ခံစားနိုင်စေမည် ဖြစ်ပါသည်။ အကယ်၍သာ လူကြီးမိဘများက စာအုပ်များအား Magical (မှော်ဆန်ဆန်) သဖွယ် တန်ဖိုးထား အလေးထား ကိုင်တွယ် ဆက်ဆံမည်ဆိုလျှင် ကလေးများကလည်း မိမိတို့အတိုင်းပင် စာအုပ်များအား လက်ခံယုံကြည်ကာ နှစ်သက်လိမ့်မည်မှာ မလွဲဧကန်ပင် ဖြစ်ပါသည်။ ထို့ကြောင့် အကျိုးရှိစေသော စာများလည်း ရှိသလို အဆိပ်အတောက် ဖြစ်စေသော စာများလည်း ရှိသည့်အတွက် လူကြီးများက သေချာစွာ ရွေးချယ်၊ ကူညီ၊ လမ်းညွန် ပေးကာ ကလေးများအတွက် စာဖတ်သော အလေ့အကျင့် ကောင်းများနှင့် ပုံပြင်စာအုပ်များမှ အကျိုးကျေးဇူးကောင်းများ ရရှိအောင် ကူညီပေးသင့်ပါသည်။

အေမီညီညီဦး
Early Childhood Educator
Third Story Project
*********************************************************