အသက်(၂)လအရွယ် သားသားမီးမီးလေးတွေကို ဒီလို ဂရုစိုက်ပေးပါ

အသက်(၂)လအရွယ်မှာ ဘာတွေ ဖွံ့ဖြိုးလာပြီလဲ။ သားသားမီးမီးလေးတွေရဲ့ အာရုံကြာစနစ်ဖွံ့ဖြိုးလာပြီး အမြင်အာရုံတွေကလည်း ကောင်းမွန်လာပါတယ်။

သားသားမီးမီးလေးတွေ ကျန်းမာရေးကောင်းဖို့နဲ့ ဖွံ့ဖြိုးတိုးတက်ဖို့အတွက် ဖေဖေမေမေတို့က အမြဲစူးစမ်းရှာဖွေသင့်ပါတယ်။ သားသားမီးမီးလေးတွေရဲ့ ဖွံ့ဖြိုးမှုတွေဟာ အသက်အရွယ်အလိုက် ပြောင်းလဲလာပါတယ်။ အသက်(၂)လအရွယ်မှာ သားသားမီးမီးလေးတွေ ဘယ်လို ဖွံ့ဖြိုးလာတာလဲ။ သားသားမီးမီးလေးတွေက အစားပိုစားလာပါတယ်။ မေမေဖေဖေတို့နဲ့ အကြည့်ချင်းဆုံနိုင်လာပြီး ပတ်ဝန်းကျင်က အသံနဲ့ လှုပ်ရှားမှုလေးတွေကိုလည်း စိတ်ဝင်စားလာပါတယ်။

အသက်(၂)လအရွယ် သားသားမီးမီးလေးတွေကို ဘယ်လိုဂရုစိုက်ကြမလဲ

၁။ မိခင်နို့ကို ယခင်ကထက် ပိုပြီး တိုက်ပေးရန်

သားသားမီးမီးလေးတွေကို ယခင်လတွေထက် မိခင်နို့ ပိုတိုက်ပေးဖို့ လိုပါတယ်။ သားသားမီးမီးလေးတွေက ဗိုက်ဆာတဲ့အခါမှာ ပိုပြီး ငိုတတ်ကြပါတယ်။ သားသားမီးမီးလေးတွေငိုတိုင်း ဗိုက်ဆာတာတော့မဟုတ်ပါဘူး။ တခြားကိစ္စတွေကြောင့်လည်း ငိုကြပါတယ်။ သားသားမီးမီးလေးတွေ ငိုတိုင်း အဓိကအနေနဲ့ မိခင်နို့ကို တိုက်ပေးဖို့ လိုပါတယ်။ ညအချိန်တွေမှာလည်း မိခင်နို့တိုက်ပေးဖို့ မမေ့ပါနဲ့။

၂။ အိပ်စက်ခြင်း

အသက်(၂)လအရွယ် သားသားမီးမီးလေးတွေရဲ့ တစ်ရက် ပျှမ်းမျှအိပ်ချိန်ကတော့ (၉)နာရီကနေ  (၁၂)နာရီအထိပါ။ ဒါကလည်း သူတို့လေးတွေ ကြီးထွားဖွံ့ဖြိုးဖို့အတွက် လုံလောက်တဲ့အိပ်စက်ခြင်းပါပဲ။ မေမေဖေဖေတို့အနေနဲ့ သားသားမီးမီးလေးတွေရဲ့ အိပ်ချိန်လုံလောက်မှု ရှိမရှိ စောင့်ကြည့်နေပေးဖို့ လိုပါတယ်။

၃။ အာရုံကြောစနစ် ဖွံ့ဖြိုးလာခြင်း

အသက်(၂)လအရွယ်မှာ ဘာကြောင့် ပိုပြီးငိုကြတာလဲ။ အသက်(၂)လအရွယ်မှာ သားသားမီးမီးလေးတွေရဲ့ အာရုံကြောစနစ်ဖွံ့ဖြိုးလာပါတယ်။ အာရုံကြောစနစ်ရဲ့ လှုံဆော်မှုတွေကြောင့် သားသားမီးမီးလေးတွေက သာမန်ထက်ပိုပြီး ငိုကြပါတယ်။ ဒီအချိန်မှာ မေမေဖေဖေတို့အနေနဲ့ သားသားမီးမီးလေးတွေကို တည်ငြိမ်အောင် ပြုလုပ်ပေးဖို့ လိုပါတယ်။ မေမေဖေဖေတို့အနေနဲ့ သားသားမီးမီးလေးတွေကို မကြာခဏ စကားပြောပေးတာတွေနဲ့ ပုခက်လွဲပေးတာတွေကို ပြုလုပ်ပေးနိုင်ပါတယ်။

၎။ ဖွံ့ဖြိုးမှုကို အားပေးခြင်း

အသက်(၂)လအရွယ်မှာ အမြင်အာရုံပိုကောင်းလာပြီး ခြေလက်လှုပ်ရှားမှုလေးတွေကလည်း ပိုပြီး ကျွမ်းကျင်လာပါတယ်။ ဒါ့ကြောင့်မေမေဖေဖေတို့အနေနဲ့ ပျော့ပျောင်းတဲ့ ကစားစရာအရုပ်လေးတွေကို သားသားမီးမီးလေးတွေရဲ့ အမြင်အာရုံဖွံ့ဖြိုးတိုးတက်ဖို့အတွက် အသုံးပြုပေးနိုင်ပါတယ်။ သားသားမီးမီးလေးတွေရဲ့ ဖွံ့ဖြိုးတိုးတက်မှုတွေက မေမေဖေဖေတို့ရဲ့ ဂရုစိုက်စောင့်ရှောက်မှုတွေအပေါ်မှာ အများကြီးမူတည်နေပါတယ်။

Credit: Kalay