“မွေးရက်လွန်ခြင်း အကြောင်းသိကောင်းစရာ”

ခန့်မှန်းမွေးရက်ထက်ကျော်လွန်လာပြီး ဗိုက်မနာသေးတဲ့အခါ စိုးရိမ်ပူပန်စိတ်တွေ ဖြစ်ပေါ်လာတတ်ပါတယ်။ တစ်ရက်နှစ်ရက်ခန့်မျှ ကျော်လွန်လာခြင်းဟာ စိုးရိမ်စရာမလိုအပ်ပါဘူး။

ဒါပေမယ့် ကိုယ်ဝန်ပတ် ၄၂ပတ်ရောက်သည်အထိ ဗိုက်မနာလာသေးရင်တော့ သားဖွားမီးယပ်ဆရာဝန်နဲ့ တိုင်ပင်ပြသသင့်ပါတယ်။

ကိုယ်ဝန်ရက်စေ့ပြီး ပုံမှန်တစ်ပတ်နှစ်ပတ်ခန့် နောက်ကျနိုင်ပါတယ်။ ကျောတွေအောင့်၊ ခြေထောက်တွေရောင်ပြီး ရက်တွေပူနေတတ်ပါတယ်။ စိုးရိမ်စိတ်ကြောင့် ညဘက်အိပ်မပျော်တာမျိုး ဖြစ်နိုင်ပါတယ်။

#ကိုယ်ဝန်ရက်လွန်ရတဲ့ အကြောင်းအရင်းများ

🌺 ကိုယ်ဝန်ဆောင်မိခင်ကို မွေးဖွားစဉ်က ရက်လွန်မှမွေးဖွားခြင်း
🌺 မိသားစုထဲမှာလည်း ရက်လွန်မှ မွေးဖွားသူများ ရှိခြင်း
🌺 ကိုယ်ဝန်ဆောင်မိခင်မှာ အဝလွန်နေခြင်း
🌺 ပထမဆုံး သားဦးကိုယ်ဝန်ဖြစ်ခြင်း
🌺 ယခင်ကလေးများဖွားမြင်စဉ်ကလည်း ရက်လွန်ခြင်း

တစ်ခါတစ်ရံ နောက်ဆုံးရာသီရက်ကို သေချာမမှတ်မိတဲ့အတွက် ခန့်မှန်းမွေးဖွားရက်တွက်ချက်ရာမှာ မှားယွင်းနေခြင်း ဖြစ်နိုင်ပါတယ်။

ဒီလိုကိစ္စမျိုးဟာ ဖြစ်လေ့ရှိပြီး တကယ်ရက်လွန်တာမဟုတ်တတ်ပါဘူး။ မွေးရက်လွန်သူအများစုမှာတော့ အကြောင်းအရင်းကို ရှာဖို့မလွယ်ကူလှပါဘူး။

#မွေးရက်လွန်ခြင်းရဲ့ နောက်ဆက်တွဲ ဆိုးကျိုးများ

🌺 မွေးရက်လွန်တဲ့အခါ ကလေးရဲ့အရွယ်အစား ကြီးထွားလာပြီး ရိုးရိုးမွေးရာမှာ ခက်ခဲတတ်ပါတယ်။

🌺 ကိုယ်ဝန်ပတ်၄၀ကျော်တဲ့အခါ ရေမြွာရေ နည်းလာတဲ့အတွက် သားအိမ်ညှစ်စဉ် အချင်းကြိုးဖြူ ဖျော့လာတာမျိုး ဖြစ်တတ်ပါတယ်။

🌺 ရက်လွန်လာတဲ့အခါ အချင်းမှကလေးဆီကို သွေးနဲ့အာဟာရဓာတ်တွေ ပေးပို့မှု လျော့နည်းလာတဲ့အတွက် ကလေးကြီးထွား အသက်ရှင်မှုပေါ် သက်ရောက်မှု ရှိလာနိုင်ပါတယ်။ ဒါ့အပြင် ကလေးဟာ ကိုယ့်စွန့်ပစ်ပစ္စည်းတွေကို ကိုယ်ပြန်ပြီး ရှုရှိုက်မိပြီး မွေးလာတဲ့အခါ အသက်ရှုလမ်းကြောင်းပြဿနာတွေ၊ ပိုးဝင်တာတွေဖြစ်တတ်ပါတယ်။

🌺 ကလေးအသေလေး မွေးနိုင်ချေရှိပါတယ်။

🌺 ခွဲမွေးရနိုင်ခြေများလာပါတယ်။

☑️ကလေးမီးဖွားဖို့ ပြင်ဆင်ရတာဟာ ဆေးရုံတက်ဖို့ အထုတ်ပြင်ရုံမျှသာမဟုတ်ပါဘူး။ မီးဖွားရေးအတွက် ကြိုတင်စဉ်းစား ပြင်ဆင်မှုတွေ လိုအပ်ပါတယ်

#ကလေးမီးဖွားရက်လွန်တဲ့အခါ စိတ်တည်ငြိမ်အောင် ဘာတွေလုပ်မလဲ?

🌺 အိမ်မှာဗိုက်နာမယ့်အချိန်ကို ထိုင်စောင့်နေမယ့်အစား မီးဖွားရေးအတွက် လိုအပ်မယ့် ပစ္စည်းများ၊ အစီအစဉ်များကို ကြိုတင်စဉ်းစား ပြင်ဆင်ထားပါ။

🌺 ဆေးရုံတက်စဉ်ယူမယ့် အခြောက်အခြမ်း စားစရာများ ကြိုပြင်ထားပါ။

🌺 ကောင်းကောင်းအနားယူပါ။ ညဘက်မှာ အိပ်မပျော်ရင် နေ့ဘက်ကို တစ်ရေးတစ်မောအိပ်ပါ။ ဒါမှ မီးဖွားစဉ်အတွင်းလိုအပ်မယ့် အားအင်များရလာမှာ ဖြစ်ပါတယ်။

🌺 သီချင်းကောင်းကောင်းနားထောင်ပြီး ကိုယ်ဝန်ဆောင် သိကောင်းစရာစာအုပ်များ ဖတ်ပေးပါ။

🌺 စိတ်အပန်းပြေပြီး လန်းဆန်းစေဖို့ ဟိုနားဒီနား လမ်းလျောက်ပေးပါ။

🌺 ကိုယ်ဝန်ဆောင်များဆိုင်ရာ ဝက်ဘ်ဆိုက်များကို ဝင်ရောက်ကြည့်ရှုပါ။ အင်တာနက်မှာ အမေများစုစည်းရာ အသင်းအဖွဲ့များကို ဝင်ရောက်ဆွေးနွေးပါ။

🌺 ဆေးရုံတက်ဖို့ လိုအပ်တဲ့အထုတ်ပြင်ပြီး မီးဖွားဖို့အစီအစဉ်ကို သေချာပြန်စီစစ်ပါ။

🌺 မွေးလာမယ့်ကလေးအတွက် အမှတ်တရ တယ်လီဗေးရှင်းဓာတ်မှန်စာအုပ်ကလေး လုပ်ပေးပါ။

🌺 ကလေးအတွက် သားချော့တေးများ နားထောင်ပါ။

🌺 ကလေးကို ပေးမယ့်အမည် စဉ်းစားပါ။

🌺 သစ်ပင်ပန်းမန်များ စိုက်ပျိုးပါ။

🌺 ကလေးကြိုက်ကာတွန်းဇာတ်လမ်းလေးများ ကြိုတင်စုဆောင်းပါ။

🌺 ကလေးမီးဖွားပြီးချိန် ဆက်သွယ် အကြောင်းကြားရမယ့် မိတ်ဆွေသူငယ်ချင်းများကို ချမှတ်ပါ။

🌺 ဆရာဝန်ခွင့်ပြုထားတဲ့ ဗိုက်နာအောင် လုပ်ဆောင်ရမယ့် နည်းလမ်းများကို ပြုလုပ်ပါ။

🌺 တစ်နေ့တာ ကလေးလှုပ်တဲ့ အရေအတွက်ကို မှတ်ထားပါ။

ရက်အနည်းငယ်လွန်ခြင်းဟာ စိတ်ပူပန်စရာ မရှိလှပါဘူး။ ဆရာဝန်နဲ့ တိုင်ပင်ဆွေးနွေးပြီး ကလေးရော အမေပါ ကျန်းမာအောင်သာ နေထိုင်ပါ။
မကြာခင်မှာ နီတာရဲ ပုလုကွေး ရင်သွေးလေးကို ပွေ့ချီပြုံးပျော်လာနိုင်မှာပဲဖြစ်ပါတယ်။

Credit : Dr. Mya Phoo Nogon (drmyanmar)