အအိပ်ခက်တဲ့ ရင်သွေးငယ်လေးတွေ

အအိပ်ခက်လို့ အိပ်ရေးမ၀ဖြစ်နေတဲ့ ရင်သွေးငယ်လေးတွေအနေနဲ့ မတော်တဆ ထိခိုက်နာကျင်မှုတွေ၊ အမူအကျင့်ဆိုင်ရာပြဿနာတွေ၊ စိတ်ပိုင်းဆိုင်ရာပြဿနာတွေ၊ မှတ်ဥာဏ်၊ အာရုံစူးစိုက်မှုနဲ့ သင်ယူလေ့လာနိုင်မှုစွမ်းရည် ဆိုင်ရာပြဿနာတွေ၊ အရည်အသွေးထုတ်ဖော်နိုင်စွမ်းလျော့နည်းတဲ့ ပြဿနာတွေ၊ တုန့်ပြန်မှုနှေးကွေးတဲ့ ပြဿနာတွေနဲ့ လွန်လွန်ကြူးကြူး အစာစားချင်တဲ့ ပြဿနာတွေကို ကြုံတွေ့ရလေ့ရှိပါတယ်။

ကျောင်းနေအရွယ် မကျော်လွန်သေးတဲ့ ရင်သွေးငယ်လေးတွေဟာ တစ်နေ့မှာ အိပ်ချိန် အနည်းဆုံး ၉ နာရီခန့် ရှိဖို့လိုပြီး လုံလောက်တဲ့ အိပ်ချိန်မရရှိခဲ့ဘူးဆိုရင် ကျောင်းသင်ခန်းစာတွေကို သင်ယူလေ့လာနိုင်စွမ်းလျော့နည်းသွားတယ်လို့ အမေရိကန်နိုင်ငံ၊ နယူးယောက်မြို့အခြေစိုက် WebMD online ကျန်းမာရေးသတင်းအချက်အလက် ကော်ပိုရေးရှင်းကြီးက ဖော်ပြထားပါတယ်။ အိပ်ရေးမ၀တဲ့ ရင်သွေးငယ်လေးတွေဟာ ကျောင်းသင်ခန်းစာတွေကို သင်ယူလေ့လာနိုင်စွမ်း လျော့နည်းသွားတဲ့အပြင် ပေါင်းသင်းဆက်ဆံရေးမှာလည်း အားနည်းလာတာကို တွေ့ရပါတယ်။

ရင်သွေးငယ်လေးတွေဟာ အိပ်နေတုန်းမှာ ကျယ်ကျယ်လောင်လောင် ဟောက်သံထွက်နေမယ်၊ အိပ်နေရင်း ရံဖန်ရံခါ အသက်ရှုရပ်သွားမယ်၊ အလွယ်တကူ အိပ်ပျော်နိုင်စွမ်းမရှိဘူး၊ နိုးကြားနေတဲ့အချိန်မှာလည်း ရွှင်ရွှင်လန်းလန်းမရှိဘဲ လေးလံထိုင်းမှိုင်းနေမယ်၊ အိပ်မက်ဆိုးမက်တာနဲ့ အိပ်နေရင်း လမ်းလျှောက်တာတွေလိုမျိုး ပုံမှန်မဟုတ်တဲ့ အမူအကျင့်တွေ ရှိနေမယ်ဆိုရင် သင့်ရဲ့ ရင်သွေးငယ်လေးဟာ အိပ်စက်ခြင်းဆိုင်ရာ ပြဿနာတွေကို ကြုံတွေ့နေရပါပြီ။

WebMD ရဲ့ လေ့လာတွေ့ရှိချက်တွေအရ ရင်သွေးငယ်လေးရဲ့ အိပ်စက်မှုပုံစံကို ပုံမှန်အတိုင်းပြန်ဖြစ်စေဖို့အတွက် အောက်ပါအချက်တွေကို ကြိုးစားကြည့်သင့်တယ်လို့ ဆိုပါတယ်။

(၁) ရင်သွေးငယ်လေးရဲ့ အိပ်ချိန်နဲ့ ထချိန် နေ့စဉ်တူညီနေအောင် သတ်မှတ်ထားပါ။ ညက အိပ်တာနောက်ကျတယ်ဆိုပြီး မနက်မှာ မနှိုးဘဲထားတာမျိုးကို မပြုလုပ်သင့်ပါဘူး။ မနက်အချိန်မှန်မှန် နိုးထစေမယ်ဆိုရင် ညဘက် သတ်မှတ်ထားတဲ့အချိန်မှာ အိပ်ပျော်ဖို့ နီးစပ်လာပါလိမ့်မယ်။

(၂) ညဘက် အိပ်ချိန်နီးလာပြီဆိုရင် သက်သောင့်သက်သာရှိစေမယ့် အလေ့အထ တစ်ခုခုကို ဖန်တီးထားပါ။ ဥပမာ-ရေနွေးနွေးနဲ့ ချိုးပေးတာမျိုး၊ ပုံပြင်ဖတ်ပြတာမျိုးတွေပေါ့

(၃) ရင်သွေးငယ်လေးရဲ့ အိပ်ချိန်မတိုင်ခင် ၆ နာရီအတွင်းမှာ ကဖင်းဓာတ်ပါတဲ့ စားစရာ၊ သောက်စရာတွေကို မတိုက်ကျွေးမိအောင် သတိပြုရပါမယ်။

(၄) ရင်သွေးငယ်လေးရဲ့ အိပ်ယာ (သို့) အိပ်ခန်းရဲ့ အပူချိန်ဟာ မပူလွန်း၊ မအေးလွန်းဘဲ နွေးနွေးထွေးထွေးရှိနေသင့်ပါတယ်။ အလင်းရောင်လည်း နည်းပါးနေဖို့ လိုပါတယ်။

(၅) အိပ်ချိန်မှာ ဆူဆူညံညံ အသံတွေ မရှိသင့်ပါဘူး။

(၆) အိပ်ခါနီးအချိန်မှာ ဗိုက်ပြည့်အင်စေတဲ့ အစားအစာတွေ ကျွေးတာမျိုးကို ရှောင်ကျဉ်သင့်ပါတယ်။

(၇) ညစာစားပြီးချိန်မှာ ကလေးနဲ့ လှုပ်လှုပ်ရှားရှား ဆော့ကစားတာမျိုးတွေကို မပြုလုပ်သင့်ပါဘူး။ တက်ကြွလန်းဆန်းသွားပြီး အလွယ်တကူ အိပ်ပျော်ဖို့ ခက်ခဲသွားပါလိမ့်မယ်။

(၈) ကလေးအိပ်တော့မယ်ဆိုရင် ကလေးအနားမှာရှိတဲ့ တယ်လီဗေးရှင်း၊ ကွန်ပြူတာ၊ မိုဘိုင်းဖုန်း၊ ရေဒီယို၊ ကတ်ဆက် စတာတွေ အကုန်လုံးကို ပိတ်ထားရမှာ ဖြစ်ပါတယ်။ အိပ်ဖို့ တစ်နာရီလောက်အလိုကတည်းကစပြီး တယ်လီဗေးရှင်းနဲ့ မိုဘိုင်းဂိမ်းတွေ မကြည့်ရှု၊ မကစားအောင် တားမြစ်ထားရပါမယ်။

အထက်ပါအချက်တွေကို လိုက်နာလုပ်ဆောင်နေရဲ့သားနဲ့ ရင်သွေးငယ်လေးဟာ အလွယ်တကူ အိပ်မပျော်ဘူးဆိုရင် သက်ဆိုင်ရာ ကလေးအထူးကုဆရာဝန်တွေနဲ့ ပြသတိုင်ပင်ပေးဖို့ လိုလာပါပြီ။ ရင်သွေးငယ်လေးတွေ အများစုမှာတော့ အထက်ပါအချက်တွေကို လိုက်နာလုပ်ဆောင်ပေးမယ်ဆိုရင် အချိန်မှန်မှန်အိပ်၊ အချိန်မှန်မှန်နိုးထလာတာကို တွေ့မြင်ကြရပါတယ်။

ကျောင်းသင်ခန်းစာတွေကို တက်တက်ကြွကြွ လုပ်ဆောင်လာနိုင်ပြီး ပေါင်းသင်းဆက်ဆံရေး ကောင်းမွန်တဲ့ ရင်သွေးငယ်လေးတွေ ဖြစ်လာစေဖို့အတွက် ရင်သွေးငယ်လေးရဲ့ အိပ်ချိန်ကို စနစ်ကျမှန်ကန်အောင် ဂရုစိုက် လေ့ကျင့်ပေးသင့်တဲ့အကြောင်း တင်ပြလိုက်ရပါတယ်။

မှတ်ချက်။ ။ရင်သွေးငယ်လေးတွေကို အိပ်ချိန်မှာ ပုံပြင်ဖတ်ပြခြင်းဟာ နွေးနွေးထွေးထွေးနဲ့ သက်သောင့်သက်သာဖြစ်စေပြီး လျင်လျင်မြန်မြန် အိပ်ပျော်စေဖို့အတွက် ထိရောက်တဲ့နည်းလမ်းတစ်ခုဖြစ်တယ်လို့ ကမ္ဘာအနှံ့မှာရှိတဲ့ ကျွမ်းကျင်သူတွေက သိရှိလက်ခံထားကြပါတယ်။

Ref:
https://www.webmd.com/sleep-disorders/guide/children-sleep-problems