မွေးကင်းစ ကလေးငယ်များ အမြင်အာရုံ မဆုံးရှုံးရလေအောင်

  မိခင်တစ်ယောက်ဖြစ်လာတဲ့အခါ ကိုယ်ကလေးမှာ ဘေးအန္တရာယ်တွေမဖြစ်ပေါ်လာအောင် အသက်နဲ့လဲပြီး ကာကွယ်တတ်ပါတယ်။ ကလေးကို အန္တရာယ်ဖြစ်စေနိုင်မယ့် ပူခြင်း၊ အေးခြင်းရာသီဥတုနဲ့ လူဆိုးသူဆိုးတွေကစလို့ ရောဂါပိုမွှားတွေအထိကို မဝင်ရလေအောင် သေချာတံခါးပိတ် ရင်အုပ်မကွာ ကာကွယ်ကြပါတယ်။ ဒါပေမယ့် တစ်ခါတစ်ရံ ကလေးကို ဘေးဖြစ်စေတဲ့အရာတွေက ပြင်ပကမဟုတ်ပဲ ကိုယ့်မိသားစုထဲက ဖြစ်နေတတ်ပါတယ်။ မရည်ရွယ်ပဲ ပြုလိုက်မိတဲ့ အပြုအမူလေးတစ်ခုက ကလေးရဲ့ဘဝကို ဖျက်စီးပစ်လိုက်နိုင်ပါတယ်။ တရုတ်ပြည်က မွေးစကလေးလေးတစ်ယောက်ရဲ့ သနားစရာ ဖြစ်ရပ်မှန်အဖြစ်အပျက်လေးက မိဘတွေအားလုံးကို လန့်ဖျပ်မျက်လုံးပြူးစေခဲ့ပါတယ်။

          ကလေးလေးဟာမွေးခါစအရွယ်လေးပဲ ရှိသေးပြီး ဆွေးမျိုးဘိုးဘွားတွေနဲ့တောင် မတွေ့ဆုံရသေးပါဘူး။ အဖြစ်အပျက်ဆိုးကြီးဖြစ်ပွားခဲ့တဲ့ နေ့လည်ခင်းက ကလေးလေးကို မိသားစုဝင်တွေနဲ့ တွေ့ပေးဖို့ စီစဉ်ထားပြီး အားလုံးကလည်း ပျော်ရွှင်စိတ်လှုပ်ရှားစွာနေကြပါတယ်။

          ဒါပေမယ့် ရုတ်တရက် ကလေးမျက်လုံး တစ်ခုခုဖြစ်နေတာကို အမေနဲ့အဖေဖြစ်သူတို့ဟာ သတိထားမိကြပါတယ်။ ကလေးလေးဟာ မျက်လုံးဖွင့်ဖို့ကို မနည်းကြိုးစားနေရပြီး ဖွင့်လိုက်တဲ့အချိန်မှာလည်း မျက်လုံးက အရည်တွေ စီးကျလာပါတယ်။ မျက်လုံးမှာလည်း အဖတ်တွေစတင်ဖြစ်ပေါ်လာပါတယ်။ မိဘနှစ်ပါးကတော့ ပိုးတစ်ခုခုဝင်တယ်လို့ပဲ ထင်လိုက်ကြပါတယ်။

          ဒါနဲ့ ကလေးဆရာဝန်ထံ ခေါ်သွားပြီး မျက်စဉ်းလေးဘာလေးခတ်မယ်လို့သာ မျှော်လင့်ထားခဲ့ပါတယ်။ ဒါပေမယ့် တကယ်တမ်း ဆရာဝန်နဲ့ ပြသတဲ့အခါမှာတော့ ရင်ဝကိုစောင့်ကန်လိုက်သလို ခံစားကြရပါတော့တယ်။ ကလေးအတွက် မျှော်လင့်ထားခဲ့သမျှ အိပ်မက်တစ်ပုံကြီးဟာလည်း ကြေမွပျက်စီးသွားကြရပါတယ်။

ကလေးဟာ ဘယ်တော့မှ လောကကြီးကို မြင်နိုင်မှာမဟုတ်တော့ကြောင်း သိလိုက်ရလို့ပဲ ဖြစ်ပါတယ်။ ကလေးလေးရဲ့ ညာဘက်မျက်လုံးလေးဟာ လုံးဝအမြင်အာရုံဆုံးရှုံးသွားပြီဖြစ်ပြီး ဘယ်ဘက်အမြင်ဟာလည်း ဆုတ်ယုတ်လာပြီ ဖြစ်ပါတယ်။ ကလေးလေးဟာ လောကကြီးကို မစူးစမ်းရသေးခင်မှာတင် အမြင်အာရုံချို့ယွင်းသွားခဲ့ပြီ ဖြစ်ပါတယ်။ ဒါပေမယ့် ကလေးရဲ့မျက်လုံးကို ထိခိုက်ဒဏ်ရာအနာတရမဖြစ်ရပါပဲ ဘာကြောင့်များ အမြင်အာရုံ ချို့ယွင်းသွားရပါသလဲ?

ကလေးရဲ့အမြင်အာရုံကို ချို့ယွင်းသွားစေတဲ့အရာကတော့ ဘယ်သူမှ မထင်မှတ်ထားခဲ့တဲ့ ကင်မရာအလင်းကြောင့်ပဲ ဖြစ်ပါတယ်။

          ကလေးလေးမွေးဖွားပြီဆိုတာနဲ့ မိဘတွေဟာ ချစ်စရာကလေးလေးကို ကင်မရာနဲ့ ဓာတ်ပုံတစ်ဖျတ်ဖျတ် ရိုက်တတ်ကြပါတယ်။ ကလေးရဲ့ လှုပ်ရှားမှု ကြီးထွားမှု မှန်သမျှကို မပျောက်ပျက်ရလေအောင် ဓာတ်ပုံနဲ့ မှတ်တမ်းတင်ချင်ကြပါတယ်။ ဖုန်းကင်မရာတွေ ခေတ်စားလာချိန်မှာ ပိုမိုအလွယ်တကူ ရိုက်လာနိုင်ပါတယ်။ ဒီအဖြစ်အပျက်မှာလည်း ကလေးလေးကိုချစ်ခင်ကြတဲ့ ဆွေမျိုးတွေဟာ ကလေးကို ဓာတ်ပုံရိုက်ကြတဲ့အခါ ဖုန်း ကင်မရာမီးကို ပိတ်ဖို့မေ့သွားပြီး ကလေးမျက်လုံးနားကပ်ပြီး ရိုက်မိသွားပါတယ်။ ဒီလို မှတ်တမ်းတင်ချင်တဲ့ ရည်ရွယ်ချက်ကြောင့် အမှတ်မထင်ပြုလုပ်လိုက်မိတဲ့ အပြုအမူတစ်ခုကြောင့် ကလေးလေးရဲ့ဘဝဟာ တစ်ဆစ်ချိုး ပြောင်းလဲခဲ့ပါပြီ။ ကလေးတွေရဲ့  မျင်လုံးလေးတွေဟာ့ အလင်းရောင်စူးစူးကို တွေ့တဲ့အခါ ချက်ချင်းတုံ့ပြန်လေ့ရှိတတ်ကြပါတယ်။ ဒီလို တုန့်ပြန်ရာမှာ အလင်းကျရာနေရာဆုံမှတ်မှာရှိတဲ့ မျက်လုံးဆဲလ်လေးတွေ     ပျက်စီးသွားကြပါတယ်။ ဒီလိုပျက်စီးသွားတဲ့ဆဲလ်တွေကို ဘယ်လိုမှပြုပြင်လို့ မရတော့ပါဘူး။ တစ်ခဏတာ အဖြစ်အပျက်အမှားလေး တစ်ခုကြောင့် တစ်ဘဝစာ အမြင်အာရုံချို့ယွင်းသွားရပါတော့တယ်။

          အလင်းရောင်စူးစူးကို ကလေးရဲ့မျက်လုံးက ဘယ်လိုတုန့်ပြန်လဲဆိုတာကို လေ့လာစမ်းသပ်ဆဲ ဖြစ်ပါတယ်။ ဒီကလေးလေးလို အဖြစ်အပျက်မျိုးက ရှားပါးပေမယ့် အလင်းစူးစူးကြောင့် ကလေးမျက်လုံးနုနုလေးတွေ ပျက်စီးသွားနိုင်ကြောင်း ပြသနေပါတယ်။ လူကြီးတွေမှာတော့ ဒီလိုအလင်းစူးစူးတွေကိုတုန့်ပြန်နိုင်ပေမယ့် ကလေးသေးသေးလေးတွေရဲ့ မျက်လုံးတွေဟာ နုနယ်ပါသေးတယ်။ ဒါကြောင့် ကလေးရဲ့အိပ်ခန်း၊ ရေချိုးခန်းနဲ့ ခုတင်ဘေးတွေမှာ အလင်းစူးစူးတွေ မထားမိအောင် သတိပြုသင့်ပါတယ်။ အလင်းရောင်ဖျော့ဖျော့လေးတွေသာ ထားသင့်ပြီး ကလေးမျက်လုံးတည့်တည့်မထိုးမိအောင် သတိထားရပါမယ်။ ဓာတ်ပုံရိုက်တဲ့အခါမှာလည်း ကင်မရာမီးကိုပိတ်ပြီး ကလေးနဲ့ဝေးဝေးကနေသာ ရိုက်ရပါမယ်။

Dr. Mya Phoo Ngon (www.drmyanmar.com)