ကိုယ့်ကို (သို့မဟုတ်) ကိုယ့်ကလေးကို အနိုင်ကျင့်တဲ့သူနဲ့ ကြုံတဲ့အခါ ဘယ်လိုတုန့်ပြန်သင့်သလဲ။

လူရယ်လို့ ရှင်သန်ရုန်းကန်ရတဲ့အခါ လူတိုင်းဟာ ကိုယ့်အပေါ် ကိုယ့်သားသမီးအပေါ် မကြင်နာကြပါဘူး။ အနိုင်ကျင့်ခံရတဲ့အကြိမ်တွေ အများကြီးကြုံခဲ့ရ ကြုံကြရဦးမှာပါ။ ကိုယ့်ကို၊ ကိုယ့်သားသမီးကို အဲဒီလို အနိုင်ကျင့်တဲ့သူနဲ့ ကြုံရတဲ့အခါ ဘယ်လိုကိုင်တွယ်ရမလဲဆိုတာလေး စဉ်းစားကြည့်ရအောင်။

အနိုင်ကျင့်တယ်ဆိုတာမှာ ကိုယ်ထိလက်ရောက် ကျူးလွန်မှ အနိုင်ကျင့်တာမဟုတ်ပါဘူး။ ကိုယ့်ကို မခံနိုင်အောင် စတာ၊ နံမည်ပြောင်အမျိုးစုံခေါ်ပြီး လူကြားထဲမှာ အရှက်ရအောင်လုပ်တာ၊ အင်တာနက်နဲ့ လူမှုကွန်ရက်တွေမှာ ရိုင်းရိုင်းစိုင်းစိုင်း မှတ်ချက်တွေပေးတာ၊ တယ်လီဖုန်းကနေ နောက်ပြောင်တဲ့ ဖုန်းတွေခေါ်တာ၊ ကိုယ့်ခံစားချက်ကို ထိခိုက်နာကျင်စေမယ့် စာတွေပို့တာ စတာတွေလည်း အနိုင်ကျင့်တဲ့အထဲမှာ ပါပါတယ်။

အနိုင်ကျင့်ခံရပြီဆိုရင် ဘာလုပ်ရမယ်ဆိုတာ ကလေးတွေကို သင်ထားပေးပါ။
(၁) ဖြစ်နိုင်ရင် အဲဒီနေရာကနေ အမြန်ဆုံးရှောင်ထွက်သွားလိုက်ပါ။
(၂) ထွက်သွားဖို့မဖြစ်နိုင်တဲ့အခါ စကားကို တည်တည်ငြိမ်ငြိမ်ပြောပါ။ ဥပမာ – မလုပ်ပါနဲ့။ ငါမကြိုက်ဘူး ဆိုတဲ့စကားမျိုးကို ပြတ်သားတဲ့အသံနဲ့ ပြောတတ်ဖို့ သင်ထား လေ့ကျင့်ထားပေးပါ။
(၃) စတဲ့လူရဲ့ မျက်လုံးကို တည့်တည့်ကြည့်၊ တည်တည်ငြိမ်ငြိမ်နဲ့ ပြောတတ်ပါစေ။ အဲဒီလိုပြောလိုက်ခြင်းအားဖြင့် ကိုယ်က ကြောက်တဲ့ပုံ မပေါ်စေတဲ့အပြင် စတဲ့သူကိုလည်း ရွံ့သွားစေပါတယ်။
(၄) ရန်လည်းပြန်မဖြစ်ပါနဲ့။ သူ့ကိုလည်း မခံချင်အောင် စကားလုံးဆိုးတွေနဲ့ ပြန်မစပါနဲ့။ အဲဒီလိုပြောခြင်းအားဖြင့် သံသရာလည်ပြီး မဆုံးနိုင်ဖြစ်တတ်တယ်။

အဲဒီနေရာက ထွက်လာပြီးရင် ဘာဆက်လုပ်ရမလဲ။
(၁) မျိုသိပ်မထားပါနဲ့။ ကိုယ့်သူငယ်ချင်းကို ဖြစ်ခဲ့တဲ့ကိစ္စကို ပြောပြပါ။ အကြံတောင်းပါ။
(၂) လူကြီးကို အမြဲပြောပြဖို့ သင်ထားပေးပါ။ ယုံကြည်ရတဲ့ ဆရာဆရာမ သို့မဟုတ် မိဘဆွေမျိုးကို ပြောပြပါ။ (ကျမက သားလေးကို အမြဲဦးနှောက်ထဲစွဲနေအောင် သင်ထားတယ်။ ဘာဖြစ်ဖြစ် အမှန်အတိုင်းပြောပြ။ သားဘက်က အမြဲရပ်တည်ပေးမယ်။ သားမှားနေရင်လည်း မေမေတို့က အတူတူကူစဉ်းစားပြီး ပြေလည်အောင် ဖြေရှင်းပေးမယ်။ ကိုယ်အမှားလုပ်ခဲ့လို့ ကြောက်ပြီး ဘယ်တော့မှ လိမ်မပြောနဲ့ ဆိုတာ သေချာပြောပြထားတယ်။)

ရေရှည်မှာ ဘယ်လိုနေမလဲ။
(၁) အနိုင်ကျင့်ခံရနိုင်တယ် အစခံရနိုင်တယ်ဆိုတဲ့နေရာတွေကို တတ်နိုင်သလောက်ရှောင်ပါ။ ဒါဟာ ကြောက်လို့မဟုတ်ပါဘူး။ မဖြစ်သေးတဲ့ကိစ္စ မဖြစ်သင့်တဲ့ကိစ္စကို အသိဥာဏ်ရှိရှိနဲ့ ကြိုရှောင်တာဖြစ်ပါတယ်။ မရှောင်နိုင်လို့ ကြုံခဲ့ရင်လည်း သတ္တိရှိရှိနဲ့ ဖြေရှင်းမှာပါပဲ။ တတ်နိုင်ရင် ကိုယ့်ကိုခင်တဲ့ သူငယ်ချင်းတွေနဲ့ အတူတူသွားပါ။ အရေးကြုံရင် တစ်ယောက်တည်းဖြစ်နေတာနဲ့စာရင် လူအများပါလာတဲ့အခါ အနိုင်ကျင့်တဲ့သူက မပြောရဲ မလုပ်ရဲပါဘူး။
(၂) အနိုင်ကျင့်ခံရတဲ့အခါ ဘယ်လိုတုန့်ပြန်မယ်ဆိုတာကို လေ့ကျင့်ထားပါ။ သူငယ်ချင်းနဲ့သော်လည်းကောင်း မိဘနဲ့သော်လည်းကောင်း လေ့ကျင့်ပါ။ အကြိမ်ကြိမ်လေ့ကျင့်ထားရင် တကယ်ကြုံလာတဲ့အခါ ခေါင်းအေးအေးနဲ့ ဖြေရှင်းနိုင်ပါတယ်။
(၃) ကိုယ်ဘယ်လိုခံစားနေရတယ်ဆိုတာကို ဖွင့်ပြောပြဖို့ ဝန်မလေးပါနဲ့။ ဒိုင်ယာရီရေးတတ်ရင် စာအုပ်ထဲမှာ ဖွင့်ချရေးတတ်ဖို့ သင်ထားပေးပါ။ တစ်ယောက်တည်း ကြိတ်မှိတ်မခံစားစေပါနဲ့။ နောက်ဆုံး မခံစားနိုင်လောက်အောင် စိတ်ဖိစီးလာတဲ့အခါ ကိုယ့်အသက်ကို ရန်ရှာတဲ့အထိ ဆိုးသွားနိုင်ပါတယ်။
(၄) ကိုယ့်စိတ်ကို အအားမထားပါနဲ့။ သူငယ်ချင်းအသစ်တွေ ရှာပါ။ ဝါသနာပါတာတစ်ခုခုကို လုပ်ပါ။ ကိုယ်ပျော်မယ့် အရာတစ်ခုခုကို ရှာဖွေပြီး ကိုယ့်စိတ်ကို အဲဒီထဲမှာ နှစ်ပြီး အချိန်ကုန်ပါစေ။ တစ်ယောက်တည်း ဟိုတွေးဒီတွေးမယ့်အချိန်တွေကို နည်းနိုင်သမျှနည်းအောင်နေပါ။ ကလေးတွေကို အခန်းထဲတံခါးပိတ်နေတဲ့အချိန်တွေ များလာပြီဆိုရင် သူတို့နဲ့ စကားပြောပြီး ဘာအခက်အခဲရှိနေတယ်ဆိုတာကို လေ့လာဖို့ မမေ့ပါနဲ့။

ဘဝကြီးက ခက်ခဲကြမ်းတမ်းဦးမှာပါပဲ။ One day at a time အသက်ဝဝရှူပြီး ကျော်ဖြတ်ကြဦးစို့ရဲ့။

မေတ္တာဖြင့်
Wellness Mommy

Ref: http://www.adl.org/assets/pdf/education-outreach/10-Ways-to-Respond-to-Bullying.pdf

Photo courtesy: https://todhigh.wordpress.com/2012/12/18/anit-bullying-campaign-poster-in-national-competition/