ဆုံပိုင်းပြင်ခြင်းဆိုတာဘာလဲ။
ဆုံပိုင်းပြင်ခြင်းဆိုတာဘာလဲ။
ဆုံပိုင်းပြင်တယ်ဆိုတာဗိုက်ထဲကသန္ဓေသားလေးကိုမူမမှန်ပုံစံကနေသင့်တော်တဲ့ပုံစံဖြစ်အောင်အပြင်ကလှည့်ပေးတာကိုခေါ်ပါတယ်။ဒီလိုလှည့်ပေးလိုက်ခြင်းအားဖြင့်ရိုးရိုးမွေးရတာပိုပြီးလွယ်ကူသွားမှာ ဖြစ်ပါတယ်။ချောမွေ့စွာမီးဖွားနိုင်ဖို့အတွက်တင်ပဆုံပိုင်း ဖြစ်နေတဲ့ဒါမှမဟုတ်ကန့်လန့်ဖြစ်နေတဲ့သန္ဓေသားလေးကိုပုံမှန်ဖြစ်တဲ့ခေါင်းပိုင်းဖြစ်သွားအောင်လုပ်ပေးရပါတယ်။ဒီလိုဆုံပိုင်းပြင်တာကိုနေ့စေ့လစေ့မတိုင်ခင်(အများအားဖြင့်ကိုယ်ဝန်၃၇ပတ်လောက်မှာ) လုပ်လေ့ရှိကြသလိုမွေးနေရင်းအချိန်(ရေမွှာမပေါက်ခင်လေးမှာ)မှာလည်းလုပ်တဲ့အခြေအနေတွေရှိပါတယ်။တခုရှိတာကတင်ပဆုံပိုင်းဖြစ်နေလို့လှည့်လိုက်တဲ့အခါမအောင်မြင်ဖူးဆိုရင်တော့ရိုးရိုးမွေးလို့မရတော့ဘဲဗိုက်ခွဲပြီးမွေးရတတ်ပါတယ်။
ဘာတွေကိုစောင့်ကြည့်နေရမလဲ။
ဆုံပိုင်းပြင်တဲ့အခါမေ့မေ့ဗိုက်ထဲကသန္ဓေသားလေးရဲ့အခြေအနေကိုတောက်လျှောက်သတိထားပြီးစောင့်ကြည့်နေရပါမယ်။ဘာတွေနဲ့စောင့်ကြည့်နေရမလဲဆိုတော့
တယ်လီဗေးရှင်းဓာတ်မှန်လို့အရပ်ခေါ် ခေါ်ကြတဲ့ Ultrasound
Ultrasound ကိုသုံးပြီးသန္ဓေသားလေးရဲ့ဗိုက်ထဲမှာရှိနေတဲ့နေရာအနေအထား၊အချင်းရဲ့တည်နေရာနဲ့ရေမွှာရေပမာဏတွေကိုသိနိုင်ပါတယ်။
Electronic heart monitoring
ဆုံပိုင်းမပြင်ခင်၊ပြင်နေတုန်းနဲ့ ပြင်ပြီးတဲ့အချိန်မှာသန္ဓေသားလေးရဲ့နှလုံးခုန်နှုန်းကိုဒီစက်ကလေးကိုသုံးပြီးသိနိုင်ပါတယ်။ကလေးရဲ့နှလုံးခုန်သံက မြန်လာပြီးကလေးလည်းလှုပ်တယ်ဆိုရင်ဒါပုံမှန်ပါ။ကလေးကကျန်းမာတယ်၊ကောင်းတယ်ပေါ့။အဲနှလုံးခုန်သံပုံမမှန်တော့ဖူးဆိုရင်တော့ဆုံပိုင်းပြင်နေတာ(လှည့်နေတာ)ကိုချက်ချင်းရပ်ပစ်ရပါမယ်။
ဘယ်လိုလှည့်မလဲ။
ဆုံပိုင်းမပြင်ခင်(မလှည့်ခင်)မှာကိုယ်ဝန်ဆောင်မေမေကိုဆရာဝန်ကဆေးတမျိုးထိုးပေးပါလိမ့်မယ်။သားအိမ်ညှစ်တာကိုနည်းစေတဲ့၊သားအိမ်ကြွက်သားတွေကိုပျော့စေတဲ့ဆေးတမျိုးပါ။Terbutalineဆိုတဲ့ဆေးလေးကိုပေးလေ့ရှိပါတယ်။ဒီလိုပေးလိုက်ခြင်းအားဖြင့်သားအိမ်ကညှစ်တာ၊တင်းတာလုံးဝမရှိတော့ပါဖူး။ဟုတ်ပြီ၊သားအိမ်ကြွက်သားတွေပြေလျော့သွားပြီဆိုရင်ဆရာဝန်ကသူ့အလုပ်ကိုစ,ပါပြီ။ဆရာဝန်ကသူ့လက်နှစ်ဖက်လုံးကိုအမေရဲ့ဗိုက်ပေါ်တင်လိုက်ပါလိမ့်မယ်။လက်တဖက်ကကလေးရဲ့ခေါင်းနေရာ၊နောက်တဖက်ကကလေးရဲ့တင်ပဆုံပိုင်းနေရာကိုပေါ့။ပြီးရင်မိခင်ရဲ့တင်ပဆုံအရိုးကွင်းဖက်ကိုကလေးရဲ့ခေါင်းလေးလည်သွားစေဖို့(ပုံမှန်အနေအထားဖြစ်သွားစေဖို့) ကလေးကိုတွန်းမယ်၊လှည့်ပါမယ်။ဒီလိုလှည့်နေတဲ့အချိန်အတောအတွင်းမှာအမေအနေနဲ့အနည်းအကျဉ်းနေရထိုင်ရအဆင်မပြေ၊ကသိကအောင့်ဖြစ်တာမျိုးတော့ရှိမှာပါ။ဘယ်လောက်ထိကသိကအောင့်ဖြစ်မလဲဆိုတာကတော့ဆရာဝန်အားဘယ်လောက်သုံးပြီးလှည့်မလဲဆိုတာနဲ့အမေရဲ့ခံနိုင်ရည်ရှိမှုတို့အပေါ်မူတည်ပါတယ်။ဗိုက်အပြင်ကနေအားနဲ့လှည့်နေတဲ့အတွက်သားအိမ်ကညှစ်လာပြီဆိုရင်တော့အမေကနာကျင်မှုကိုပါခံစားလာရပါလိမ့်မယ်။တကယ်လို့လှည့်နေချိန်မှာဗိုက်ထဲကသန္ဓေသားလေးအနေနဲ့ပုံမှန်မဟုတ်တဲ့လက္ခဏာတွေ(ဥပမာ။။နှလုံးခုန်နှုန်း နှေးလာတာ)ပြလာရင်တော့နောက်ဆက်တွဲပြဿနာတွေကိုရှောင်ရှားနိုင်ဖို့အတွက်လှည့်နေတာကိုချက်ချင်းရပ်ပစ်ရပါမယ်။ဆုံပိုင်းလှည့်တာဟာအကြမ်းဖျဉ်းအနေနဲ့စိတ်ချရပြီးအန္တရာယ်မရှိတဲ့လုပ်ဆောင်မှုဖြစ်ပေမယ့် ပြဿနာပေါင်းသောင်းခြောက်ထောင်တက်သွားတဲ့အခြေအနေတွေလည်းရှိပါတယ်။ဒါကြောင့်နားလည်တတ်ကျွမ်းတဲ့ဆရာဝန်တွေနဲ့ပဲလုပ်ရပါမယ်။လှည့်နေရင်းတခုခု ပြဿနာတက်ရင်ကလေးကိုခွဲမွေးဖို့လိုကောင်းလိုမှာ ဖြစ်တဲ့အတွက်ဆေးရုံမှာလုပ်တာအကောင်းဆုံးပါပဲ။တခါတည်းနဲ့လှည့်လို့မအောင်မြင်တဲ့အခြေအနေတွေလည်းရှိပါတယ်။ဒီလိုမျိုးဖြစ်ခဲ့ရင်ကျောရိုးထဲထုံဆေးထိုးပြီးနောက်တကြိမ်ထပ်ကြိုးစားကြည့်ဖို့ဆရာဝန်တွေကအကြံပြုလေ့ရှိပါတယ်။ဒီလိုထုံဆေးထိုးလိုက်တဲ့အတွက်ကိုယ်ဝန်ဆောင်မိခင်အနေနဲ့နာကျင်တာကိုပိုခံနိုင်ရည်ရှိသွားပြီးဆုံပိုင်းလှည့်တာပိုပြီးအောင်မြင်နိုင်ချေရှိသွားပါတယ်။
ဆုံပိုင်းပြင်ပြီးတဲ့အခါဘာတွေဆက်လုပ်ပေးရမလဲ။
ဆုံပိုင်းလှည့်တာအောင်အောင်မြင်မြင်နဲ့ပြီးသွားပြီဆိုရင်မိခင်ရောသန္ဓေသားကိုပါဆရာဝန်ကစောင့်ကြည့်ပါသေးတယ်။အားလုံးအဆင်ပြေတာသေချာပြီဆိုရင်တော့ကိုယ်ဝန်ဆောင်မိခင်အနေနဲ့ပုံမှန်နိစ္စဓူဝလုပ်နေကြကိစ္စတွေကို ပြန်လုပ်နိုင်ပါပြီ။
ရေးသားသူ Dr. Thiha Phyo Myint
ဆေးပညာပိုင်းဆိုင်ရာတည်းဖြတ်သူ Dr. K Zin Thwe.
