မှန်ကန်တဲ့အသက်အရွယ်မှာပဲ စသင်ပါ
ကလေးအများစုက အသက် ၂ နှစ်နဲ့ ၃ နှစ်အတွင်းမှာ သင်လို့၊ စည်းကမ်းပေးလို့ရတာသေချာပါတယ်။တချို့ကျတော့ ဥာဏ်ရည်ဖွံ့ဖြိုးမှုမြန်ဆန်တာကြောင့် လူကြီးတွေပြောသမျှ လုပ်သမျှ ငယ်ကတည်းက နားလည်နေတတ်ပါတယ်။ ဒါ့ကြောင့် မှန်ကန်တဲ့အသက်အရွယ်အပိုင်းအခြားဆိုတာက ကလေးရဲ့ဖွံ့ဖြိုးမှုကိုအဓိကမူတည်နေတာကြောင့် ကိုယ့်ကလေးရဲ့အခြေအနေကိုသာ ဂရုစိုက်ဆုံးဖြတ်သင့်ပါတယ်။
ကလေးရဲ့အပြုအမူပိုင်း တိုးတက်မှုတွေကို အသေးစိတ်လေ့လာပါ
သေးခံဝတ်ဖို့မလိုတော့ဘူးဆိုတာကို ကလေးရဲ့အပြုအမူတွေကဖော်ပြနေမှာပါ။ ကလေးက –
- သင်လုပ်သမျှကို အတုခိုးလာပြီဆိုရင်
- သင် အိမ်သာသွားတဲ့အခါ လိုက်စပ်စုလာပြီဆိုရင်
- လွတ်လပ်ခွင့် လိုလားလာပြီဆိုရင်( ဘာမဆို ကိုယ့်ဘာသာလုပ်ချင်လာတာ)
- သင့်ကို မျက်နှာလုပ်ပြီး ချီးမွမ်းခံချင်လာပြီဆိုရင်
- ဘယ်လိုလုပ်၊ ဘယ်လိုနေဆိုပြီး မိဘကသင်ပေးတဲ့အတိုင်း တစ်ဆင့်ချင်းလိုက်လုပ်တတ်လာပြီဆိုရင်
- ရှူးပေါက်ချင်၊ အင်အင်းပါချင်တယ်ဆိုတာကို ပါးစပ်ကဖြစ်ဖြစ်၊ အမူအရာနဲ့ဖြစ်ဖြစ် ပြောပြနိုင်လာပြီဆိုရင် စည်းကမ်းသင်ပေးလို့ရပါပြီ။
ကလေးရဲ့အမူအကျင့်ကို နားလည်အောင်လုပ်ပါ
ကလေးကို အလေ့အကျင့်စမသင်ခင်မှာ ကိုယ့်ကလေးရဲ့အပြုအမူ၊စိတ်နေစိတ်ထားနဲ့ ပင်ကိုယ်စရိုက်ကို ထည့်စဉ်းစားသင့်ပါတယ်။ တစ်ခုခုသင်ပေးရင် ကလေးကစိတ်ရှုပ်တတ်လား၊ လိုက်သင်ယူလေ့ရှိလား၊ သင်ရလွယ်လား ဆိုတာတွေကို သိထားရပါမယ်။ အထာသိမှ သင်ပေးဖို့ အလွယ်ဆုံးနည်းလမ်းကိုရွေးနိုင်မှာပါ။
လုပ်ကြည့်သင့်တဲ့ အချက်လေးတွေ
- ခွက်လေးနဲ့ ရှူးပေါက်၊ အင်အင်းပါတတ်အောင် ကျင့်ပေးတဲ့အခါ သူတို့မှတ်မိလောက်တဲ့ အသံတစ်ခုခုပြောနေပေးပါ။
- အိမ်သာထဲ သွားနိုင်တဲ့အရွယ်ဆိုလည်း ကိုယ်တိုင် ဆေးကြောသန့်ရှင်းတတ်အောင် သင်ပေးပါ။ ပြီးရင် ဆပ်ပြာနဲ့လက်ဆေးဖို့ပါ သင်ဖို့မမေ့ပါနဲ့။
မလုပ်သင့်တဲ့အချက်တချို့
- သင်လို့မရတာ၊ ကိုယ်ပြောတဲ့အတိုင်း ကလေးကလိုက်မလုပ်နိုင်တဲ့အခါမျိုးဆို ကလေးကို ဆူတာ၊အော်တာ၊ခြိမ်းခြောက်တာ၊ အပြစ်ပေးတာတွေ မလုပ်ပါနဲ့။
- ကလေးကို ခွက် သို့မဟုတ် အိမ်သာမှာ ၇ မိနစ်ထက် ပိုမထိုင်ပါစေနဲ့။ ထပ်ပေကျံမှာစိုးတာကြောင့် အချိန်ကြာအောင် ဆက်ထိုင်နေခိုင်းတာဟာ ကလေးအတွက် စိတ်မသက်သာစရာ အတွေ့အကြုံဖြစ်သွားစေနိုင်ပါတယ်။
- ညစ်ပတ်တယ်၊ ပေကျံကုန်ပြီ၊ ရွံစရာကြီး စတဲ့ စကားလုံးတွေကိုမသုံးပါနဲ့။ (ဒါ့ကြောင့် တော်တော်များများက အော့အော့တွေ ဆိုတဲ့အသုံးနဲ့ ကလေးတွေကို အသိပေးတာဖြစ်ပါတယ်)
- ကလေးကို တခြားကလေးတွေနဲ့ နှိုင်းယှဉ်မပြောပါနဲ့။
- နောက်ဆုံးတစ်ချက်ကတော့ ကလေးကို သင်ပေးတဲ့အခါ နေ့ချင်းညချင်းအဆင်ပြေသွားဖို့ မမျှော်လင့်ပါနဲ့။ စိတ်ရှည်ရှည်နဲ့ လေ့ကျင့်ပေးလို့ ရပါတယ်။
