ကလေးတို့အတွက်ပုံပြင် (၆၇) – အင်္ဂလိပ်စာသမိုင်း (၁)

ကလေးတို့ရေ …

အင်္ဂလိပ်စာဘယ်လိုဖြစ်ပေါ်လာသလဲကလေးတို့တွေးဘူးကြသလားကွယ်။ အင်္ဂလိပ်စာကိုအင်္ဂလိပ်လူမျိုးတွေထွင်ခဲ့တာမဟုတ်ဘူးလို့ဦးဦး ပြောယင်ကလေးတို့အံ့သြသွားမှာလားဟင်။ ပိုအံ့သြစရာကောင်းတာတစ်ခုပြောပြအုန်းမယ်။ အင်္ဂလိပ်စာကိုတစ်ခြားနိုင်ငံကလူတွေအများ အပြားကထွင်ပေးသွားကြတာလို့ပြောယင်ရပါတယ်။ အင်္ဂလန်နိုင်ငံကိုခရစ်တော်မပေါ်မှီသက္ကရာဇ် ၅၅ တွင်ရောမဧကရာဇ် ဂျူးလီးယပ်(စ်) ဆီဇာကစတင်သိမ်းပိုက်အုပ်ချုပ်ခဲ့တာကလေးတို့သိလားကွယ်။ အင်္ဂလန်ကိုရောမတွေအုပ်ချုပ်ခဲ့တာသက္ကရာဇ် ၄၁ဝ အေဒီခန့်အထိပါဘဲ။

ရောမအင်ပါယာကြီးပြိုကွဲသွားတဲ့အခါအင်္ဂလန်နိုင်ငံကိုဂျာမန်လူမျိုးတွေဝင်ရောက်နေထိုင်ခဲ့ကြပြီးထီးနန်းစိုက်ရာမြို့တော်တွေထူထောင်ခဲ့ကြပါတယ်။ သူတို့ယူလာတဲ့ဘာသာစကားက AEnglisc (Old English) ဖြစ်ပါတယ်။ သူတို့နောက်မှာရောက်လာသူတွေကတော့ ဗိုင်းကင်း (Vikings) တွေပါဘဲကွယ်။ ဗိုင်းကင်းတွေဆိုတာအခု ဆွီဒင်၊ နော်ဝေ၊ ဒဲ(န်)မာ့(ခ်)၊ ဖီ(န်)လယ်(န်) နိုင်ငံတွေပူးပေါင်းနေခဲ့တဲ့အချိန်က စကယ်(န်)ဒီနေးဗီးယား လို့ခေါ်တဲ့တိုင်းပြည်ကလူမျိုးတွေဖြစ်ပါတယ်။ အဲဒီအချိန်က စကင်ဒီနေးဗီးယား အင်ပါယာကအင်္ဂလန်နိုင်ငံအပါအဝင် နယ်သာလယ်(န်ဒ်)၊ ဂျာမဏီ၊ ပြင်သစ်ပြည်မြောက်ပိုင်း၊ ယူကရိန်း၊ ရတ်ရှား နှင့် တာ(ရ်)ကီ နိုင်ငံတို့အထိပါဝင်ခဲ့ပါတယ်။ ဝင်သိမ်းပြီးကြာကြာမနေခဲ့တဲ့တိုင်းပြည်တွေလည်းရှိပါသေးတယ်ကွယ်။ မူလဗိုင်းကင်းတွေဟာတွေ့သမျှသတ်ဖြတ်၊ လုယက်ပြီးသူတို့ရဲ့ စကယ်(န်)ဒီနေးဗီးယား တိုင်းပြည်ကိုပြန်လည်ယူဆောင်သွားခဲ့ကြပေမဲ့နောက်ပိုင်းဗိုင်းကင်းတွေကျတော့အင်္ဂလန်နိုင်ငံမှာဘဲအခြေချနေထိုင်ပြီးဒေသခံတွေနဲ့သွေးရောခဲ့ကြပါတယ်။

၁ဝ၆၆ မှာ ဗိုင်းကင်းနန်းသက်ကုန်ခဲ့ပါတယ်။ ဂျာမဏီက ဝီလယမ်(မ်) ဆိုတဲ့ဘုရင်ကအင်္ဂလန်ကိုဝင်ရောက်တိုက်ခိုက်သိမ်းပိုက်ပြီးတစ်ပြည်လုံးကိုစည်းရုံးပူးပေါင်းအုပ်ချုပ်ခဲ့ပါတယ်။ (ကလေးတို့ William the Conqueror နဲ့ The Battle of Hastings အကြောင်းရှာဖတ်၊ ရုပ်သံဆောင်းပါးတွေရှာကြည့်နော်။ အင်္ဂလန်ပြည်မှာသွေးအစွန်းဆုံးစစ်ပွဲပါဘဲကွယ်။ ဝီလျံ(မ်)ဘုရင်ကြီးဘိသိက်ခံခဲ့တဲ့ဘုရားကျောင်းကြီးနဲ့၊ ဘုရင်တွေဘုရင်မတွေနန်းတက်ဘိသိက်ခံတိုင်းထိုင်ရတဲ့ကုလားထိုင် Coronation Chair ဟာလန်ဒန်မြို့က Westmister Abbey ဘုရားရှိခိုးကျောင်းကြီးမှာအခုထိရှိပါသေးတယ်။ ဘုရင်သစ်၊ ဘုရင်မသစ်တက်တိုင်းအဲဒီကုလားထိုင်မှာထိုင်ပြီးဘိသိက်ခံရပါတယ်။ Westmister Abbey မှာကြည့်စရာတွေအများကြီးပါကွယ်။ ကလေးတို့လန်ဒန်ရောက်ယင်ဝင်ကြည့်ဖြစ်အောင်ကြည့်ဘို့တိုက်တွန်းချင်ပါတယ်)

ဝီလျံ(မ်)ရဲ့နန်းသက်နောက်ပိုင်းမှာအဝေးရောက်အင်္ဂလိပ်ဘုရင့်သမီးတော် Matilda က ၁၁၃၉ မှာတစ်ခါနဲ့၊ သူ့သားတော် Henry II တို့က ၁၁၄၉ မှာတစ်ခါသိမ်းပိုက်ခဲ့ပြန်ပါတယ်။ ၁၂၁၆ မှာပြင်သစ်ကသိမ်းလိုက်၊ အင်္ဂလိပ်တွေကပြန်သိမ်းလိုက်နဲ့စစ်တွေဖြစ်ခဲ့တာမနည်းခဲ့ပါဘူးကွယ်။ သူတို့မင်းသားမင်းသမီးတွေကလည်းဥရောပတိုက်ကမင်းသားမင်းသမီးတွေပါ။ လက်ရှိဘုရင်မကြီးရဲ့ကြင်ယာတော်ကလည်းဂရိမင်းသားတစ်ပါးပါ။ ဦးပြောချင်တာတော်ဝင်အိမ်ထောင်ရေးဇတ်လမ်းတွေမဟုတ်ပါဘူးကွယ်။ သူတို့အတွင်းရေးစိတ်လည်းမဝင်စားပါဘူး။ ဆိုလိုတာကအင်္ဂလိပ်နန်းသက်ရာဇဝင်မှာအိမ်နီးနားချင်းဥရောပတိုက်သားတွေနဲ့စပ်ရှက်မှုရှိခဲ့တာ၊ အင်္ဂလန်ထီးနန်းကိုအိမ်နီးချင်းတွေကအကြိမ်ကြိမ်လုယူခဲ့တာတွေရှိခဲ့တယ်ဆိုတာပါဘဲ။

ဒီလောက်ဆိုကလေးတို့ဒီနေ့ပြောနေ၊ ရေးနေတဲ့အင်္ဂလိပ်စာဟာအင်္ဂလန်အနီးအနားတိုင်းပြည်တွေကနေအများကြီးစိမ့်ဝင်လာတာဆိုတာကလေးတို့တွေးမိလောက်မယ်ထင်ပါတယ်။ စာပေတစ်ခုဖြစ်မလာခင်ကအဲဒီနိုင်ငံရဲ့သမိုင်းအကြောင်းကိုအနည်းငယ်သိသင့်ပါတယ်။

ရှေးခေတ်ဘရစ်တိန်နိုင်ငံကလူတွေဟာသူတို့ဒေသအလိုက်သူတို့ဒေသစကားတွေဘဲပြောဆိုခဲ့ကြပါတယ်။ တစ်နေရာနဲ့တစ်နေရာမတူခဲ့ကြပါဘူး။ စာမပေါ်ခင်ထဲကစကားကရှိနေခဲ့ပါတယ်။ တစ်ချို့စကားဟောင်းကြီးတွေဟာဒီနေ့ထိကောင်းစွာရှင်သန်နေဆဲပါ။ ဥပမာဆိုရှေးဟောင်း ဂေးလစ်(က်) Gaelic စကားကိုအိုင်ယာလန်နဲ့စကော့တလန်နိုင်ငံမှာပြောကြတုန်း၊ ရေးကြတုန်းပါဘဲ။ အိုင်ယာလန်နိုင်ငံအနောက်မြောက်ပိုင်း မှာဆိုဂေးလစ်လိုဘဲပြောကြပါတယ်။ ကျောင်းတွေမှာဂေးလစ်လိုဘဲသင်ကြပါတယ်။ သူတို့ရှေးဟောင်းစကားတွေ၊ ရှေးဟောင်းပစ္စည်းတွေ၊ ရှေးဟောင်းသမိုင်းတွေကိုဂုဏ်ယူစွာနဲ့သိတ်တန်ဘိုးထားတာဦးဦးတွေ့ခဲ့ရပါတယ်။

အင်္ဂလိပ်စာလုံးတွေကိုတော့သူတို့နိုင်ငံကိုသိမ်းပိုက်ခဲ့တဲ့ရောမလူမျိုးတွေကထွင်ခဲ့တာပါဘဲ။ ဒီစာလုံးတွေကလည်းခရစ်တော်မပေါ်ခင်နှစ်ပေါင်း ၃ဝဝဝ ကျော်ထဲကအီဂျစ်လူမျိုးတွေထွင်ထားပြီးသားပါ။ ရှေးအီဂျစ်လူမျိုးတွေရဲ့စာကိုအရုပ်လေးတွေနဲ့ရေးရပါတယ်။ ဦးဦးသိသလောက်ဒီလိုအရုပ်တွေနဲ့စာရေးတာရှေးအီဂျစ်တွေရယ်၊ တရုတ်တွေရယ်၊ ၁၉၆ဝ – ၇ဝ ခုနှစ်တွေကလက်ရေးတိုရယ်ဘဲရှိပါတယ်။ အီဂျစ်တွေရေးခဲ့တဲ့စာလုံးတွေကိုခရစ်တော်မပေါ်မှီသက္ကရာဇ် ဘီစီ ၁၅ဝဝ ကနေဘီစီ ၃ဝဝ ထိမြေထဲပင်လယ်အရှေ့ဒေသမှာနေသွားကြတဲ့ ဖနီးရှင်း (Phoenicians) လူမျိုးတွေကပြန်ပြင်ရေးခဲ့ကြပါတယ်။ (Development of the English Alphabets ဆိုတဲ့ဓါတ်ပုံကိုကြည့်နော်)

ဥပမာရှေးအီဂျစ်လူမျိုးတွေက ‘နွား’ လို့ရေးချင်ယင်နွားခေါင်းလေးဆွဲပြကြပါတယ်။ ဖနီးရှင်းတွေလက်ထက်မှာအဲဒါကိုသူတို့ဘာသာနဲ့ ‘အာလက်(ဖ်) – aleph’ လို့ခေါ်ခဲ့ကြပါတယ်။ ဘီစီ ၆ဝဝ လောက်မှာဒီစာလုံးကဂရိတွေလက်ထဲကိုရောက်သွားတဲ့အခါအဲဒီစာလုံးကိုဂရိလို ‘အယ်(လ်)ဖါ – alpha’ လို့ခေါ်ခဲ့ကြပါတယ်။ ခရစ်တော်ပေါ်ပြီးတဲ့သက္ကရာဇ် အေဒီ ၁၁၄ လောက်မှာရောမလူမျိုးတွေက ‘အေ – A’ လို့ခေါ်ခဲ့ကြပါတယ်။

အင်္ဂလိပ်ဘာသာရဲ့ဒုတိယစာလုံးဖြစ်တဲ့ B ဟာမူရင်းကလေးထောင့်တုံးလေးပါ။ ရှေးအီဂျစ်လူမျိုးတွေက ‘အိမ်’ အဖြစ်ဆွဲပြခဲ့ပါတယ်။ ဖနီးရှင်းလူမျိုးတွေရဲ့အရင်ဦးလူမျိုး ‘ဆီးမိုက် – Semiltes’ တွေကသူတို့ဘာသာနဲ့ ‘ဘက်(သ်) – Beth’ လို့ခေါ်ခဲ့ကြပါတယ်။ (ကလေးတို့အသံ ထွက်တွေဂရုစိုက်ကြနော်) ဂရိတွေကသူတို့လက်ထက်မှာအဲဒါကို ‘ဘီတာ-Beta’ လို့ပြန်ခေါ်ခဲ့ကြပါတယ်။

မြန်မာစကားမှာ “ ‘ကကြီးခကွေး’ ကစသင်တယ်” လို့ပြောယင်အခြေခံကစတာကိုပြောတာပါ။ ဒီလိုဘဲဂရိစကား Alpha နဲ့ Beta ကိုပေါင်းလိုက်တော့ Alphabet ဆိုတဲ့စာလုံးပေါ်လာခဲ့ပါတယ်။ အဲဒါဟာ alphabet ဆိုတဲ့စာလုံးမွေးဖွါးခြင်းဘဲပေါ့ကွယ်။ နွားခေါင်းနဲ့အိမ်နဲ့စပ်လိုက်တော့ A to Z စာလုံး ၂၆ လုံးကိုခြုံခေါ်ထားတဲ့ဝေါဟာရသစ်ထွက်လာပါတယ်။
ကလေးတို့ဘာအကြောင်းဘဲလေ့လာလေ့လာ၊ အထူးလေ့လာတဲ့အခါမှာ ‘အင်္ဂလိပ်စာနဲ့ရေးထားတဲ့စာအုပ်ထူကြီးတွေကိုသာကိုင်ရမယ်’ ဆိုတာနောက်တော့တွေ့လာပါလိမ့်မယ်။ အသုံးဝင်တွင်ကျယ်တဲ့တစ်ခြားဘာသာရပ်တစ်ခုကိုလေ့လာသင့်သလို၊ ကိုယ့်မိခင်ဘာသာကိုလည်းမပျောက်မပျက်ရအောင်တန်ဘိုးထားသင့်၊ ပိုလေ့လာသင့်ပါတယ်။

ဒီနေ့တော့ဒီလောက်နဲ့ဘဲရပ်အုန်းမယ်ကွယ်။ နောက်နေ့မှဆက်ကြရအောင်ပါ။
ကလေးတို့ပညာနဲ့ဗဟုသုတကြွယ်ဝတဲ့မိကောင်းဖခင်သားသမီးတွေဖြစ်ကြပါစေကွယ်။

ကလေးတို့ကိုချစ်တဲ့၊
ဦးဦး