မာလာလာယူဆက်(ဖ်)ဇာအီ
မာလာလာယူဆက်(ဖ်)ဇာအီ
ကလေးတို့ရေ …
ဒီနေ့ပြောပြမဲ့ပုံပြင်ကို ကလေးတို့သိပြီးသားဖြစ်နိုင်ပါတယ်ကွယ်။ ဒီနေ့ပုံပြင်ထဲကကလေးမလေးရဲ့နာမယ်ကိုကမ္ဘာမှာမကြားဘူးသူမရှိနိုင်ပါဘူး။ သူ့နာမယ်က မာလာလာယူဆက်(ဖ်)ဇာအီ လို့ခေါ်ပါတယ်။ သူ့အကြောင်းတွေကရှည်လွန်းများလွန်းလို့အတိုချုံးပြီးပြောပြတော့မယ်နော်။
မာလာလာဆိုတဲ့ကလေးမလေးကို ၁၉၉၇ ခုနှစ် ဂျူလိုင်လ ၁၂ ရက်နေ့၊ ပါကစ္စတန်နိုင်ငံအနောက်မြောက်ပိုင်းမှာမွေးဖွါးခဲ့ပါတယ်ကွယ်။ သူ့အောက်မှာမောင်လေးနှစ်ယောက်ရှိပါတယ်။ မာလာလာ ရဲ့ဖခင်ဟာပညာတတ်တဲ့လူတစ်ဦးဖြစ်ပြီး၊ ကိုယ်ပိုင်ကျောင်းအနည်းငယ်ဖွင့်ထားသူလည်းဖြစ်၊ ကလေးသူငယ်တိုင်းပညာသင်ယူခွင့်နဲ့စာပေတတ်မြောက်မှုအဆင့်အတန်းမြင့်ရေးတို့မှာစိတ်အားထက်သန်စွာလှုပ်ရှားသူတစ်ဦးလည်းဖြစ်ပါတယ်။
မာလာလာလေးဟာငယ်စဉ်ထဲကအင်္ဂလိပ်စာအပါအ၀င်ဘာသာစကားသုံးခုကိုကျွမ်းကျင်ခဲ့ပါတယ်။
သူမဟာငယ်ငယ်လေးထဲကညမိုးချုပ်တဲ့အထိသူ့အဖေနဲ့ထိုင်ပြီးနိုင်ငံရေးအကြောင်းတွေပြောလေ့ရှိတယ်တဲ့ကလေးတို့ရေ။ မာလာလာ့အဖေဟာ “ဟဲ့ကောင်မလေး၊ နာရီကြည့်စမ်း။ သွားအိပ်ပါတော့လား” လို့တစ်ခါမှမပြောခဲ့ဘူးထင်တယ်နော်။ ဒါကြောင့်မာလာလာလေးဟာ အသက် ၉ နှစ်အရွယ်မှာထဲကနိုင်ငံရေးစကားတွေစဆွေးနွေးလာခဲ့တယ်တဲ့။
ဒီနေရာမှာကလေးတို့နားလည်အောင်ကာလယန္တယားကြီးစီးပြီး ၂ဝဝ၈ ခုနှစ်က ပါကစ္စတန်အဲ ဒီဒေသကိုသွားကြရအောင်။ ကလေးတို့တွေ့ရမှာကအဲဒီနေရာကို ‘တာလီဘန်’ လို့ခေါ်တဲ့အစ္စလမ်ဘာသာဝင်အစွန်းရောက်အဖွဲ့တွေကသေနတ်ကိုင်ကြီးစိုးနေတာဘဲဖြစ်ပါတယ်။ တာလီဘန်တွေအုပ်ချုပ်နေကြပြီးသူတို့ကိုအာခံတဲ့လူဆိုတစ်မိသားစုလုံးသတ်ဖြတ်ပစ်တတ်တဲ့အချိန်ပါဘဲကွယ်။ လူတွေအားလုံးဟာ တာလီဘန်တို့ကိုကြောက်နေရ၊ ကျီးလန့်စာစားနေရတဲ့အချိန်ပါဘဲ။
ကလေးတို့နောက်ထပ်သိထားရမှာတစ်ခုကဒီဒေသနဲ့ဒီအချိန်ဟာ “မိန်းခလေးတွေပညာ တတ်ဘို့မလိုဘူး” လို့အများတစ်ကာကလက်ခံယူဆနေတဲ့အချိန်ပါဘဲ။
ကလေးတို့ကိုကြိုပြောထားချင်တာတစ်ခုကအဲဒီဥပဒေဟာအဲဒီဒေသကလူနည်းစုတာလီဘန်တို့ ရဲ့ဥပဒေသာဖြစ်ပြီးတစ်ကမ္ဘာလုံးမှာရှိတဲ့အစ္စလမ်ဘာသာဝင်တိုင်းလက်ခံတဲ့ဥပဒေမဟုတ်ဘူး ဆိုတာပါဘဲကွယ်။
အဲဒီတာလီဘန်တို့ရဲ့တင်းကြပ်လှတဲ့ဥပဒေတစ်ခုကအမျိုးသမီးတွေကိုပြင်းထန်စွာနှိမ်ထားခြင်းဘဲဖြစ်ပါတယ်။ မိန်းကလေးတွေကျောင်းနေခွင့်အပိတ်ခံရတာပါဘဲကွယ်။ ယောင်္ကျားလေးတွေဘဲကျောင်းနေခွင့်ရှိပါတယ်။ မာလာလာလေးရဲ့ဖခင်ကိုယ်တိုင်ကလည်းအစ္စလမ်ဘာသာဝင်ဖြစ်ပေမဲ့တာလီဘန်တို့ရဲ့ဥပဒေကိုလက်မခံခဲ့ပါဘူး။ အဖေ့သမီးပြီပြီ မာလာလာလေးလည်းငယ်စဉ်ထဲကမတရားမှုကိုလက်မခံခဲ့ပါဘူး။ ‘တောက်မဲ့မီးခဲတစ်ရဲရဲ’ ဆိုတာလိုသူ့အသက် ၁၁ နှစ်အရွယ်မှာအင်တာနက်ပေါ်တက်ပြီး မာလာလာလေးဟာဆောင်းပါးတစ်စောင်ရေးခဲ့ပါတယ်။ တာလီဘန်တွေအကြောင်းနဲ့မိန်းခလေးတွေပညာသင်ကြားခွင့်အကြောင်း တွေပေါ့ကွယ်။
အဲဒါအပြီးသိတ်မကြာခင်မှာအမေရိကန်ကသတင်းစာကြီးတစ်စောင်ကမာလာလာလေးကိုယ်တိုင်ပါတဲ့ “Class Dismissed” အမည်နဲ့ video ဆောင်းပါးတစ်ခုရိုက်ထုတ်လွှင့်ခဲ့လို့ကမ္ဘာအနှံ့ TV ၊ သတင်းစာ၊ နဲ့မဂ္ဂဇင်းတွေမှာပါလာပါတယ်။ တောင်အာဖရိက ကငြိမ်းချမ်းရေးနိုဘဲလ်ဆုရှင်ဘုန်းတော်ကြီး ဒယ်စမင်တူးတူး ကလည်း ‘အပြည်ပြည်ဆိုင်ရာ ကမ္ဘာ့ခလေးငြိမ်းချမ်းရေးဆု’ အတွက်ထောက်ခံတိုက်တွန်းသွားပါတယ်ကွယ်။ ဒါကြောင့်မို့လို့ မာလာလာလေးဟာလူသိများလာပါတယ်။ သူဟာမိန်းခလေးငယ်လေးဖြစ်ပေမဲ့ တာလီဘန်တို့အတွက်တော့ကြောက်စရာဘီလူကြီးတစ်ကောင်ဖြစ်နေတာပေါ့ကွယ်။ ဒါကြောင့် ‘မာလာလာကိုသတ်မယ်’ ဆိုတဲ့ခြိမ်းချောက်သံတွေလွှင့်ထားသတဲ့။ မာလာလာကတော့တာလီဘန်တွေကိုမကြောက်ဘဲကျောင်းဆက်တက်နေခဲ့ပါတယ်။ အဲဒီအချိန်မှာ မာလာလာလေး ၁၄ နှစ်ဘဲရှိပါသေးတယ်။
၂၀၁၂ အောက်တိုဘာလ ၉ ရက်နေ့မှာ မာလာလာဟာကျောင်းကနေကျောင်းကားနဲ့အိမ်ပြန်အလား၊ ကားထဲမှာ မာလာလာဟာသူ့သူ ငယ်ချင်းနဲ့အတူကျောင်းစာတွေအကြောင်းပြောနေကြပါတယ်ကွယ်။ အဲဒီအချိန်မှာလက်နက်ကိုင်တာလီဘန်နှစ်ဦးက ကားကိုတားပြီး “မာလာလာ ဆိုတာဘယ်သူလဲ” လို့မေးတော့သူ့သူငယ်ချင်းတွေထဲကတစ်ချို့က မာလာလာ ကိုဝိုင်းလှည့်ကြည့်ခဲ့ကြပါတယ်။ သေနတ်သမားဟာမာလာလာဘယ်သူဆိုတာသိသွားလို့သူ့လက်ထဲကပစ္စတိုသေနတ်နဲ့လေးချက်ပစ်ခဲ့တာကြောင့်ကျောင်းသူတစ်ချို့ဒါဏ်ရာရခဲ့ပါတယ်။ တစ်ချက်ကမာလာလာရဲ့ဦးခေါင်းကိုထိမှန်ခဲ့ပါတယ်။ ကားသမားကကားကိုတစ်အားမောင်းပြေးခဲ့ပါတယ်။
မာလာလာလေးသေနတ်ပစ်ခံရတဲ့အချိန်မှာသူ့အသက်ဟာ ၁၄ နှစ်ဘဲရှိပါသေးတယ်။ ဒီသတင်းဟာတစ်ရက်အတွင်းမှာဘဲတစ်ကမ္ဘာလုံးကိုပျံ့နှံ့သွားပါတယ်။ မာလာလာကိုခရိုင်မြို့တော်ရဲ့ဆေးရုံကြီးကိုလေယာဉ်နဲ့ ခေါ်ဆောင်ကုသပေးခဲ့ကြပါတယ်။ အောက်တိုဘာလ ၁၁ ရက်နေ့မှာပါကစ္စတန်နောက်မြို့ကြီးတစ်ခုရဲ့စစ်ဆေးရုံကြီးတစ်ခုကိုပြောင်းရွှေ့ကုသပေးခဲ့ကြပါတယ်။ အောက်တိုဘာလ ၁၃ ရက်နေ့မှာလက်တွေခြေတွေစလှုပ်ရှားစပြုလာပါတယ်။
မာလာလာလေးကိုကမ္ဘာ့တိုင်းပြည်အသီးသီးကလက်ခံကုသပေးဘို့ကမ်းလှမ်းခဲ့ကြပါတယ်။ အောက်တိုဘာ ၁၅ ရက် နေ့မှာမာလာလာလေးကိုအင်္ဂလန်နိုင်ငံမှာဆေးကုသခံယူဘို့ပြောင်းရွှေ့ပေးခဲ့ကြပါတယ်။ သူ့ကိုတင်လာတဲ့လေယာဉ်ဟာ UAE က အာဘူဒါဘီမြို့မှာလေယာဉ်ဆီဝင်ဖြည့်ယုံဘဲရပ်ခဲ့ပါတယ်။ “ကုန်ကျစားရိတ်တွေအားလုံးကိုပါကစ္စတန်အစိုးရကပေးမယ်” လို့အင်္ဂလိပ်အစိုးရကိုပြောခဲ့ပါတယ်။
အင်္ဂလန်ဝန်ကြီးချုပ်ဂေါ်ဒန်ဘရောင်းကဆေးရုံက မာလာလာလေးကိုသွားကြည့် ပြီး “I Am Malala” ဆိုတဲ့လုမှုရေးလှုံ့ဆော်မှု campaign တစ်ခုစခဲ့ပါတယ်။ မာလာလာလေးအောက်တိုဘာ ၁၇ ရက်နေ့မှာသတိပြန်ရလာပြီး ဦးနှောက်ထိခိုက်ပျက်စီးမှုလုံးဝမရှိကြောင်းကြေငြာချက်ထွက်လာပါတယ်။
မာလာလာရဲ့ဖခင်က “ပါကစ္စတန်ကိုမစွန့်ခွါဘူး” လို့ပြောခဲ့ပေမဲ့သူတို့မိသားစုကိုသတ်ဖြတ်ဘို့အားပေးမှုတွေ၊ ခြိမ်းချောက်မှုတွေရှိလာပြန်ပါတယ်။ မာလာလာလေးနဲ့မိသားစုဟာပါကစ္စတန်ကိုမပြန်ရဲတော့ဘဲအင်္ဂလန်မှာအခြေချနေထိုင်ခဲ့ကြပါတယ်။ မာလာလာဟာအင်္ဂလန်မှာဘဲနေပြီးသူ့ရည်ရွယ်ချက်တွေအတွက်ကမ္ဘာလှည့်တိုက်ပွဲဝင်ခဲ့ပါတယ်။
၂၀၁၃ ခုနှစ်သူ့ ၁၆ နှစ်မြောက်မွေးနေ့မှာနယူးယောက်မှာရှိတဲ့ကုလသမဂ္ဂမှာသူမိန့်ခွန်းပြောခဲ့ပါတယ်။ ဒါသူ့အတွက်ပဌမဆုံးလူထုကိုစကားပြောခြင်းပါဘဲခလေးတို့ရေ။ အဲဒီနှစ်မှာဘဲသူဟာအင်္ဂလန်ပြည့်ရှင်ဘုရင်မကြီးရယ်၊ အမေရိကန်ပြည်ထောင်စုသမ္မတရယ်တို့ကိုတွေ့ခဲ့ရပါတယ်။ (စကားမစပ်အမေရိကန်သမ္မတဟာပဌမဆုံးအကြိမ်လူမဲသမ္မတပါဘဲကလေးတို့ရေ)
၂၀၁၄ ခုနှစ်မှာ မာလာလာဟာသူလက်ခံရရှိတဲ့အင်္ဂလိပ်အလှူငွေပေါင်စတာလင် ၃၂ဝဝဝ ကို ပါလက်စတိုင်းဂါဇာကမ်း မြှောင်မှာကျောင်း ၆၅ ကျောင်းဆောက်လုပ်ဘို့လှူဒါန်းခဲ့ပါတယ်ကွယ်။ အဲဒီနှစ်မှာဘဲမာလာလာဟာကမ္ဘာ့ငြိမ်းချမ်းရေးနိုဘဲလ်ဆုကြီးကိုတစ်ခြားဆုရှင်ကြီးတစ်ဦးနဲ့ပူးတွဲလက်ခံရရှိခဲ့ပါတယ်။ ဒီဆုကိုလက်ခံရရှိသူတွေထဲမှာအသက်အငယ်ဆုံးပါဘဲကွယ်။ ရရှိငွေ အမေရိကန်ဒေါ်လာတစ်သန်းကျော်ကိုတစ်ယောက်တစ်ဝက်စီခွဲယူရမှာဖြစ်ပါတယ်။ အဲဒါအပြင်ဆုရှင်တွေကိုဂုဏ်ပြုညစာစားပွဲကြီးတွေနဲ့ဧည့်ခံတာတွေလည်းရှိသေးတယ်ဆိုတာကလေးတို့မမေ့နဲ့အုန်းနော်။
ဒီနေရာမှာကလေးတို့ကိုကြားဖြတ်မေးချင်တာရှိပါတယ်။ မြန်မာပြည်ကနေဒီငြိမ်းချမ်းရေးနိုဘဲလ်ဆုကြီးတစ်ခုရရှိခဲ့ဘူးတယ်ဆိုတာကလေးတို့သိကြ ပါသလား။ ဘယ်သူလဲသိလားကွယ်။ အဲဒီနိုဘဲလ်ဆုရှင်ကတော့နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ပါဘဲကလေးတို့ရေ။ ဒေါ်အောင်ဆန်းစုကြည်အိမ်တွင်းမှာအကျဉ်းကျနေစဉ်အချိန်ကရခဲ့တာပါ။
မာလာလာ အသက် ၁၈နှစ်ပြည့်တဲ့နေ့မှာ လက်ဘနွန်ကဒုက္ခသည်စခန်းတစ်ခုအတွက်ကျောင်းတစ်ကျောင်းဖွင့်ပေးခဲ့ပါတယ်။ အဲဒီနှစ်မှာဘဲ မာလာလာရဲ့အတ္ထုပတ္တိ He Named Me Malala ဆိုတာအမေရိကန်မှာထွက်ပေါ်လာပြီးကမ္ဘာအနှံ့ရုံတင်ပြသဖြန့်ချိခဲ့ပါတယ်။
သိတ်မကြာသေးခင်ကာလကဒေါ်အောင်ဆန်းစုကြည်တောလက်ကျေးရွာတွေကဝ၀ါးအိမ်ကလေးတွေမှာနေကြတဲ့မိသားစုတွေကိုသွားတွေ့တုန်းကဒေါ်စုနဲ့လိုက်ပါလာပြီးကြမ်းပေါ်မှာပုံ့ပုံ့လေးထိုင်နေတဲ့ကမ္ဘာကျော်ရုပ်ရှင်မင်းသမီးအန်ဂျလီနာဂျိုလီကိုခလေးတို့မှတ်မိသလားကွယ်။ သူမဟာကုလသမဂ္ဂဒုက္ခသည်ကယ်ဆယ်ရေးဆိုင်ရာသံအမတ်ကြီးဖြစ်ပါတယ်။ ခလေးရင်း ၃ ယောက်၊ မွေးစား ခလေး ၃ ယောက်နဲ့တစ်ဖက်ကလည်းအောင်မြင်ကျော်ကြားတဲ့ရုပ်ရှင်တွေတစ်ကားပြီးတစ်ကားရိုက်ကူးခဲ့သူဖြစ်ပါတယ်။ အဲဒီအင်ဂျလီနာဂျိုလီက မာလာလာ ရဲ့ ‘မိန်းကလေးများပညာရေးပရဟိတအဖွဲ့’ ကိုအမေရိကန်ဒေါ်လာ ၂ သိန်းလှူခဲ့ပါတယ်။
မာလာလာလေးကိုလုပ်ကြံဘို့ကျိုးစားခဲ့တဲ့လူတွေအားလုံးနီးနီးကိုပြန်လွှတ်ပေးခဲ့ကြပါတယ်။ မာလာလာလေးကတော့ “သူ့ကိုလုပ်ကြံသူတွေကိုသူအမုန်းမထားပါဘူး။ သူ့ရင်ထဲမှာမေတ္တာတရားဘဲထားပါတယ်။ ဒါမှသူရှေ့ကိုခရီးဆက်နိုင်မှာပါ” လို့ပြောခဲ့ပါတယ်။
မာလာလေးကို ဂုဏ်ပြုခဲ့ကြသူတွေအများကြီးပါဘဲကွယ်။ ရရှိခဲ့တဲ့ဆုတွေ၊ ဘွဲ့တွေလည်းမနည်းပါဘူး။ သူ့အကြောင်းရေးပြနေယင်ဝတ္ထုတစ်အုပ်ဖြစ်သွားနိုင်ပါတယ်။
ပုံပြင်လေးကတော့ဒါပါဘဲကွယ်။ ကလေးတို့ဒီပုံပြင်ကနေဘာသင်ခန်းစာတွေရလိုက်ပါသလဲ။ ကလေးတို့ဖေဖေ၊ မေ မေ၊ ဖိုးဖိုး၊ ဖွါးဖွါးတွေနဲ့သာပြန် ဆွေးနွေးကြပေတော့ကလေးတို့ရေ။ မာလာလာလေးဟာသူ့ဖေဖေနဲ့ ၉ နှစ် သမီးအရွယ်မှာထဲကနိုင်ငံရေးဆွေးနွေးနိုင်ခဲ့တယ်နော်။
ကလေးတို့လိမ္မာရေးခြားရှိပြီး၊ ပညာတတ်တဲ့၊ အမျှော်အမြင်ကြီးတဲ့ ကမ္ဘာ့ခေါင်းဆောင်ကြီးတွေဖြစ်လာနိုင်ကြပါစေကွယ်။
