ကြေးမုံပြင်

ကြေးမုံပြင်

ကလေးတို့ရေ …

ဒီပုံပြင်လေးကဥရောပတိုက်ကလာတာပါကွယ်။ စကယ်(န်)ဒီနေဗီးယားတိုင်းပြည်တစ်ခုကလို့ဘဲထင်ပါတယ်။ ကဲပုံပြင်စကြရအောင်နော်။

တစ်ခါတုန်းကလူနှစ်ယောက်ဟာသူတို့အိမ်နှစ်လုံးနဲ့သူတို့ပိုင်သမျှပစ္စည်းတွေကိုရောင်းချပြီးတစ်ခြားမြို့လေးတစ်ခုကိုပြောင်းအခြေချနေထိုင်ဘို့ဆုံးဖြတ်ခဲ့ကြသတဲ့ကွယ်။ ဒါပေမဲ့သူတို့ “ကြိုက်တဲ့အရပ်မှာမှနေကြမယ်၊ မကြိုက်ယင်မနေဘူး” လို့ဆုံးဖြတ်ထားကြသတဲ့။

ဒီလိုနဲ့တစ်ဦးကခရီးထွက်သွားတာဝေးလံတဲ့အရပ်တစ်ခုကမြို့ကလေးကိုရောက်သွားပါတယ်။ မြို့အဝင်မှာတံတားတစ်ခုရှိပြီး၊ အဲဒီတံတားကိုမကူးခင်တံတားနားမှာအိမ်လေးတစ်လုံးရှိသတဲ့။ ဒါနဲ့အဲဒီလူဟာ “မြို့ထဲမဝင်ခင်ဒီအိမ်ကိုအရင်ဝင်ပြီးဒီမြို့ကလူတွေအကြောင်းမေးယင်ကောင်းမယ်” လို့စဉ်းစားမိသတဲ့။ ဒါနဲ့အိမ်တံခါးကိုသွားခေါက်တော့အမေအိုတစ်ဦးတံခါးလာဖွင့်ပေးသတဲ့။

အဲဒီလူက ‘သူဒီကိုပြောင်းရွှေ့နေထိုင်ဘို့စဉ်းစားထားကြောင်း၊ ဒါပေမဲ့ဒီမြို့ကလူတွေအကြောင်းသိလိုကြောင်း’ ပြောပြသတဲ့။ ဒါနဲ့အမေအိုက
“မောင်ရင်တို့မြို့ကလူတွေအကြောင်းအရင်ပြောပြပါအုန်း” လို့မေးသတဲ့။
“ကျွန်တော်တို့မြို့ကလူတွေဟာစိတ်ဓါတ်တွေသိတ်ခက်ထန်ပါတယ်။ ခင်စရာလည်းမကောင်းပါဘူး။ တစ်ဦးကိုတစ်ဦးသံသယတွေလည်းသိတ်များပါတယ်။ ထော်လော်ကန့်လန့်သမားတွေများပါတယ်။ အဆဲကလည်းသိတ်သန်ကြပါတယ်။ အင်မတန်မိုက်ရိုင်းတဲ့လူတွေပါ” ဆိုတော့အမေအိုက၊
“ဒီမြို့ကလူတွေကလည်းမောင်ရင်တို့မြို့ကလူတွေအတိုင်းပါဘဲကွယ်” ဆိုတော့ဟိုလူစိတ်ပျက်သွားလို့အမေအိုကိုနှုတ်ဆက်ပြီးနောက်တစ်မြို့ကိုခရီးဆက်သွားသတဲ့။

ဒုတိယနေ့မှာဒုတိယလူလည်းဒီမြို့လေးကိုရောက်လာပြီးဒီတံတားနားကအမေအိုရဲ့အိမ်မှာရပ်လို့သတင်းမေးပြန်ပါတယ်ကွယ်။
“အမေရေ၊ ကျွန်တော်ခရီးသွားပါ။ ဒီမြို့ကလူတွေအကြောင်းသိပါရစေ” ဆိုတော့အမေအိုက
“မောင်ရင်လာခဲ့တဲ့မြို့ကလူတွေအကြောင်းအရင်ပြောပြပါအုန်း” လို့မေးပြန်သတဲ့။ ဒါနဲ့အဲဒီလူက
“ကျွန်တော်တို့မြို့ကလူတွေကယဉ်ကျေးကြပါတယ်။ တစ်ဦးကိုတစ်ဦးစောင့်ရှောက်တတ်ကြပါတယ်။ ရပ်ရေးရွာရေးမှာအားလုံးအတူပူးပေါင်းဆောင်ရွက်တတ်ပါတယ်” ဆိုတော့အမေအိုက
“ဒီမြို့ကလူတွေကလည်းမောင်ရင်တို့မြို့ကလူတွေအတိုင်းပါဘဲကွယ်” ဆိုတော့အဲဒီလူကဝမ်းသာသွားလို့အဲဒီမြို့မှာဘဲနေထိုင်ဘို့ဆုံးဖြတ်လိုက်သတဲ့။

ပုံပြင်လေးကတော့ဒါပါဘဲကလေးတို့ရေ။ ကလေးတို့ဒီပုံပြင်ကနေဘာသင်ခန်းစာတွေရခဲ့ပါသလဲ။ ကလေးတို့ brainstorm လုပ်ရမယ်နော်။ “စဉ်းစားမှုတွေလုပ်ရမယ်” လို့ပြောတာပါ။ အနောက်နိုင်ငံသားတွေကဘယ်တော့မှဒဲ့ဒိုးမပြောကြဘူးကွဲ့။ သွယ်ကာဝိုက်ကာအရိပ်အမြွက်နဲ့ဘဲပြောတတ်တာမို့အဖြေကိုကိုယ့်ဘာသာတွေးယူရပါတယ်။ ဦးတို့မြန်မာတွေကတော့ပုံပြင်ဆုံးလို့အဖြေမပါယင်မကြိုက်ကြဘူးကွဲ့။ ရုပ်ရှင်ဆိုလည်းမင်းသားနဲ့မင်းသမီးညားမှ။ အရိပ်ပြယင်မကြိုက်ဘူး။ တစ်ကောင်လုံးကြီးမြင်ရမှကျေနပ်တာ။

ဒီပုံပြင်မှာသင်ခန်းစာတွေအများကြီးပါပါတယ်ကွယ်။

ပတ်ဝန်းကျင်ဟာကိုယ်ကြည့်သလိုမြင်ပြီးကိုယ်ဆက်ဆန်သလိုပြန်ဆက်ဆန်ကြပါတယ်။ ကလေးတို့မှန်ပြူတင်းပေါက်ကနေကြည့်တဲ့အခါမှန်သားတွေဖုံတက်ညစ်ပတ်နေယင်မြင်ရတဲ့မြင်ကွင်းကလည်းညစ်ပတ်မဲသဲနေမှာပါဘဲ။

လူတွေမပြောနဲ့တိရစ္ဆာန်တွေတောင်မှသူတို့ကိုစိတ်ကောင်းနဲ့ကြည့်တယ်မကြည့်ဘူးသိပါတယ်ကွယ်။ တစ်ဘက်သားကကိုယ့်ကိုသံသယနဲ့ကြည့်တာ၊ အထက်စီးနဲ့ဆက်ဆန်တာတွေမကြိုက်ယင်ကိုယ်ကလည်းသူများကိုဒီလိုမကြည့်ရ၊ ဒီလိုမပြောရပါဘူး။ အဲဒီလိုပြောမိလုပ်မိယင်ဒီလိုဘဲပြန်ဆက်ဆန်ခံရတတ်ပါတယ်။

ကိုယ့်စိတ်ထဲမှာ Negativity ဆိုတဲ့သံသယတွေ၊ အာဃာတတွေ၊ အကောင်းပြုဘို့ဆန္ဒမရှိတာတွေများနေယင်ကြည့်သမျှအရာရာကိုဒီအတိုင်းဘဲမြင်ရပါတယ်။ လူတွေကိုကောင်းကောင်းဆက်ဆန်ယင်သူတို့ကလည်းဒီလိုဘဲကောင်းကောင်းပြန်ဆက်ဆန်မှာပါ။ လူတွေတင်မဟုတ်ပါဘူးကွယ်၊ ခွေးတစ်ကောင်တောင်လက်ထဲတုတ်ကိုင်ပြီးခေါ်ကြည့်၊ မလာဘူး။

နောက်အဆစ်ကလေးတစ်ခုထပ်ပေးပါရစေကွယ်။ ကလေးတို့အခုနိုင်ငံရပ်ခြားကိုထွက်ပြီးပညာရှာကြ၊ အလုပ်အကိုင်ရှာကြလုပ်လာကြပြီနော်။ အနောက်နိုင်ငံတွေကအင်တာဗျူးတွေမှာလူတွေအပေါ်ထားတဲ့အမြင်တွေ၊ လောကကြီးအပေါ်ထားတဲ့အမြင်တွေကိုမသိမသာမေးတတ်ကြပါတယ်။

ကလေးတို့လူတစ်ယောက်ကိုအလုပ်ခန့်တဲ့အခါသူ့နောက်ဆုံးအလုပ်ရှင်အကြောင်းမကောင်းပြောတဲ့လူဟာကလေးတို့ဆီကထွက်သွားတဲ့တစ်နေ့ကလေးတို့အကြောင်းလည်းမကောင်းမပြောဘူးလို့ထင်သလားကွယ်။ ကျေးဇူးမသိတတ်တဲ့လူနဲ့ကျေးဇူးသိတတ်တဲ့လူဆိုတာဒီလိုကွာတယ်နော်။ လောကကြီးကိုအကောင်းမမြင်တဲ့ဘုဂလန့်သမားနဲ့လောကကြီးကိုအကောင်းမြင်တဲ့ခင်စရာလူတစ်ဦးကလေးတို့ဘေးအိမ်ကိုပြောင်းလာမယ်ဆိုယင်ဘယ်သူ့ကိုလက်ခံချင်မလဲကွယ်။ မှန်မှန်ပြော။ ဒါဆိုကလေးတို့ဒီပုံပြင်ကိုနားလည်သွားပြီ။

လောကကြီးမှာမတရားမှုတွေရှိတာပေါ့ကွယ်။ ဒါကြောင့်လဲထောင်တွေဖြစ်နေကြတာဘဲပေါ့။ ဒါပေမဲ့သောကတွေ၊ ကြောက်ရွံ့မှုတွေ၊ အာဃာတတွေအောက်မှာချည်းဘဲပိမနေသင့်ပါဘူး။ သတိရှိတာကောင်းပါတယ်။ ဒါပေမဲ့ကိုယ့်စိတ်ကို Negativity အဆိပ်အတောက်တွေနဲ့ဖြည့်ပြီးဘုန်းဘုန်းလဲပစ်လိုက်တာမျိုး၊ လူတွေကိုတစ်ချိန်လုံးရန်လိုနေတာမျိုးကတော့မကောင်းဘူးပေါ့ကွယ်။ ကလေးတို့နှလုံးသားလေးတွေထဲမှာအဆိပ်တွေပြည့်လာယင်လောကကြီးတစ်ခုလုံးဟာအဆိပ်တွေနဲ့ပြည့်နေတယ်လို့ဘဲမြင်လာလိမ့်မယ်။

ကလေးတို့မနက်အိပ်ယာနိုးတိုင်းအပြုံးလေးတွေနဲ့ထနိုင်ပါစေကွယ်။