ဆမယ်(န်)သာ ရိ(ဒ်) စမစ်(သ်)

ကလေးတို့ရေ …

အရင်အပတ်တွေတုန်းကခလေးလေးတစ်ယောက်ဟာသူ့တိုင်းပြည်ကိုရော၊ ကမ္ဘာကြီးကိုရောပိုကောင်းလာအောင်ပြောင်းနိုင်စွမ်းရှိတယ်ဆိုတာကို ဥပမာတွေနဲ့တင်ပြခဲ့တယ်နော်။ ဒီကနေ့ပြောပြမဲ့ပုံပြင်ကကလေးလေးတစ်ယောက်ဟာစစ်အေးကြီးတစ်ခုကိုဘယ်လိုရပ်နိုင်ခဲ့တယ်ဆိုတာပါဘဲကွယ်။

ဒုတိယကမ္ဘာစစ်ကြီးပြီးသွားတဲ့အခါမှာဆိုဗီယက်နဲ့သူ့မဟာမိတ်တိုင်းပြည်တွေကတစ်ဖက်၊ အမေရိကန်ပြည်ထောင်စုနဲ့သူ့မဟာမိတ်တိုင်းပြည်တွေကတစ်ဖက်၊ စစ်အင်အားတွေပြိုင်ဆိုင်၊ လက်နက်တွေရောအနုမြူဒုံးပျံတွေပြိုင်ဆိုင်ကြ၊ ဒီနိုင်ငံကြီးနှစ်ခုဟာတစ်ခြားတိုင်းပြည်လေးတွေကိုဝင်ရောက်စွက်ဖက်လွှမ်းမိုးနဲ့၊ အမေရိကန်ပြည်ထောင်စုနဲ့ဆိုဗီယက်ပြည်ထောင်စုတို့တင်းမာမှုဟာမြင့်သည်ထက်သာမြင့်လာကြပါတယ်။ အဲဒါစစ်အေးပါဘဲကွယ်။

ဒီနှစ်နိုင်ငံလုံးရဲ့သမ္မတတွေသာတစ်ယောက်ပြီးတစ်ယောက်ပြောင်းသွားကြတယ်၊ ဒီတင်းမာမှုကြီးကတော့လျော့မသွားပါဘူးကွယ်။ ဆိုဗီယက်သမ္မတ မီခါးလ် ဂိုဗါချော့(ဗ်) နဲ့ အမေရိကန်သမ္မတ ရော်နယ်(လ်) ရီဂယ်(န်) တို့အထိပါဘဲ။ ဘယ်လောက်အထိဖြစ်လာခဲ့သလဲဆိုယင်ဒီနှစ်နိုင်ငံအကြားမှာ ‘အာကာသတိုက်ပွဲ’ လို့ခေါ်တဲ့ Star Wars တွေအထိပြင်ဆင်ခဲ့ကြပါတယ်ကွယ်။ “မိုးပေါ်ကနေဘယ်အချိန်အနုမြူဒုံးကျည်ကြီးတစ်ခုကျလာပြီးတစ်မြို့လုံးပြာကျသွားမလဲ” လို့လူတွေတစ်ထိတ်ထိတ်နဲ့နေခဲ့ရတဲ့အချိန်ပါဘဲကွယ်။

အဲဒီအချိန်မှာကမ္ဘာကြီးငြိမ်းချမ်းရေးပေါ်လာအောင်စလုပ်ပေးနိုင်ခဲ့တဲ့ကယ်တယ်ရှင်တစ်ဦးပေါ်လာပါတယ်။ အဲဒါကလေးတို့ကြည့်ဘူးတဲ့ရုပ်ရှင်ထဲကစူပါးမင်းမဟုတ်ပါဘူး။ မိုးပေါ်ကသိကြားမင်းကြီးလည်းမဟုတ်ဘူးကလေးတို့ရေ။ ဆယ်နှစ်သမီးလေးတစ်ဦးဘဲဖြစ်ပါတယ်ကွယ်။ သူ့နာမယ်ဟာ ဆမယ်(န်)သာ ရိ(ဒ်) စမစ်(သ်) ပါဘဲ။ သူဟာအမေရိကန်နိုင်ငံသူကလေးပါ။

၁၉၈၂ ခုနှစ်မှာ စမယ်(န်)သာ ဟာဆိုဗီယက်ပါတီအတွင်းရေးမှူးချုပ်အသစ်ဖြစ်လာတဲ့ ယူရီ အန်ဒရိုပေါ့(ဗ်) ဆီကိုဒီလိုစာရေးခဲ့သတဲ့ကွယ်။

“ကျွန်မနာမယ် ဆမယ်(န်)သာ စမစ်(သ်) ပါ။ ကျွန်မအသက်က ၁ဝ နှစ်ပါ။ သင်ဒီရာထူးအတွက်အရွေးခံရတာကိုကျွန်မဂုဏ်ပြုချီးကျူးစကားဆိုပါတယ်။ ရတ်ရှားနဲ့အမေရိကန်ပြည်ထောင်စုတို့အနုမြူစစ်ပွဲကြီးဖြစ်လာမှာကိုကျွန်မစိုးရိမ်လျက်ရှိပါတယ်။ ဒီစစ်ပွဲကြီးဖြစ်လာဘို့၊ မဖြစ်လာဘို့ကိုရှင်တို့မဲခွဲကြမှာလား။ မဲမခွဲဘူးဆိုယင်ဒီစစ်ပွဲကြီးဖြစ်မလာအောင်ရှင်တို့ဘယ်လိုကူညီမှာလဲဆိုတာကျွန်မကိုအသိပေးပြောပြပါ။ အခုမေးမဲ့မေးခွန်းကိုရှင်တို့ဖြေစရာမလိုပါဘူး၊ ဒါပေမဲ့ကျွန်မသိတော့သိချင်ပါတယ်။ ရှင်တို့ကမ္ဘာကြီးကိုဒါမှမဟုတ်အနည်းဆုံးကျွန်မတို့တိုင်းပြည်ကိုဘာဖြစ်လို့သိမ်းပိုက်ချင်ရတာလဲ။ ကျွန်မတို့အားလုံးဒီကမ္ဘာကြီးမှာငြိမ်းချမ်းစွာအတူတကွနေထိုင်ကြဘို့အတွက်ဒီကမ္ဘာကြီးကိုဘုရားသခင်ကဖန်ဆင်းထားတာပါ။ ရန်ဖြစ်ဘို့မဟုတ်ပါဘူး။
လေးစားစွာဖြင့်၊ ဆမယ်(န်)သာ ရိ(ဒ်) စမစ်(သ်)”

အဲဒါ ၁ဝ နှစ်သမီးလေးကဆိုဗီယက်ပြည်ထောင်စုခေါင်းဆောင်ကြီးဆီရေးလိုက်တဲ့စာပါဘဲ။
ဆိုဗီယက်ခေါင်းဆောင်ကြီးလည်းမနေသာတော့ဘဲ ဆမယ်(န်)သာ လေးဆီစာပြန်ရတော့တာပါဘဲကွယ်။ သူ့စာကရှည်လို့ဘာသာပြန်မပေးတော့ပါဘူးကွယ်။ အသေးစိတ်သိချင်ယင် ဖေဖေ၊ မေမေ၊ ဖိုးဖိုး၊ ဖွါးဖွါးတို့ကိုမေးကြနော်။ ကမ္ဘာ့အကြီးဆုံးတိုင်းပြည်ကြီးတစ်ခုရဲ့သမ္မတကြီး၊
ယောင်္ကျားရင့်မကြီးတစ်ယောက်ကကလေးမလေးတစ်ဦးဆီရေးလိုက်တဲ့စာဟာအင်မတန်ရိုးသား၊ အင်မတန်ပွင့်လင်းပြီးအင်မတန်နူးညံ့လှပါတယ်ကွယ်။ အင်္ဂလိပ်လိုဆိုယင်တော့ very touching လို့ဆိုရပါမယ်။

နွေရာသီရောက်ယင်ဆိုဗီယက်ပြည်ထောင်စုကိုလာလည်ဘို့ဆိုဗီယက်ခေါင်းဆောင်ကြီးကစာအဆုံးမှာ စမယ်(န်)သာ လေးကိုဖိတ်ကြားထားပါတယ်။ ဒါဟာဆိုဗီယက်သမိုင်းမှာပဌမဆုံးဘဲကွဲ့။ ခလေးတို့ကိုထိပ်တန်းလျှို့ဝှက်ချက်ကြီးတစ်ခုပြောပြမယ်နော်။ လာ…ဒီနားတိုးပြီးကပ်နားထောင်။ လူကြီးတွေဟာတစ်ခါတစ်လေမှာတစ်ခြားလူကြီးတစ်ဦးကပြောယင်နားမထောင်ပေမဲ့ခလေးတစ်ဦးကပြောယင်တော့နားထောင်တတ်တယ်ကွဲ့။ ဒါကြောင့်ခလေးတို့ကိုယ့်အရည်အချင်းကိုကိုယ်အထင်မသေးရဘူးနော်။

ဒီခလေးမလေးဆိုဗီယက်ပြည်ထောင်စုကိုရောက်သွားတဲ့အချိန်မှာတော့ဆိုဗီယက်ခေါင်းဆောင်ကြီးနဲ့မတွေ့ခဲ့ရပါဘူးကွယ်။ ခေါင်းဆောင်ကြီးအသဲအသန်နေမကောင်းဖြစ်နေလို့ပါ။ ဒါပေမဲ့သူတို့နှစ်ဦးတယ်လီဖုန်းတော့ပြောခဲ့ရပါတယ်။ ခလေးတို့သိထားရမှာကအဲဒီတုန်းကခုလိုလက်ကိုင်ဖုန်းလေးတွေမပေါ်သေးဘူးနော်။ စမယ်(န်)သာလေးနောက်ထပ်စကားပြောခဲ့ရသူတစ်ဦးကတော့ကမ္ဘာကိုအာကာသယာဉ်နဲ့ပတ်ခဲ့တဲ့ပဌမဆုံးဆိုဗီယက်အမျိုးသမီးအာကာသယာဉ်မှူးဘဲဖြစ်ပါတယ်။ ရတ်ရှင်နာမယ်တွေကခက်လို့အဲဒီအမျိုးသမီးနာမယ်ကိုမရေးပေးတော့ဘူးနော်။

စမယ်(န်)သာ လေးဟာအမေရိကန်ကိုပြန်လာတော့ “ဆိုဗီယက်ပြည်ထောင်စုခရီးစဉ်” ဆိုတဲ့စာအုပ်ကိုရေးခဲ့ပါတယ်ကွယ်။ သူ့စာအုပ်ထဲမှာ ‘ဆိုဗီယက်ပြည်ထောင်စုကလူတွေဟာစစ်ကိုလိုလားသူတွေမဟုတ်ဘဲငြိမ်းချမ်းရေးကိုသာအလိုရှိသူတွေဖြစ်ကြောင်း၊ သူတို့လည်းအမေရိကန်ကလူတွေလိုဘဲဘာမှမခြားနားတဲ့အကြောင်း’ တွေကိုစာအုပ်ရေးခဲ့သတဲ့။ အဲဒီစာအုပ်ဟာအမေရိကန်ပြည်ထောင်စုသာမကဘဲကမ္ဘာအနှံ့ရောင်းခဲ့ရပါတယ်ကွယ်။

၁၉၈၃ ခုနှစ်မှာ စမယ်(န်)သာ ဟာငြိမ်းချမ်းရေးတွေတိုးမြှင့်လုပ်ဆောင်ဘို့၊ စစ်ကိုတားမြစ်ကြဘို့ ဂျပန်ကိုဆယ်ရက်ကြာခရီးထွက်ခဲ့ပါတယ်ကွယ်။ ဂျပန်မှာအပြည်ပြည်ဆိုင်ရာကလေးများစာတန်းဖတ်ပွဲမှာမိန်းခွန်းပြောခဲ့ပါတယ်။ ဂျပန်ဝန်ကြီးချုပ် နာကာဆိုနီနဲ့လည်းတွေ့ခဲ့ပါတယ်။ ဂျပန်ပြည်လူထုကိုလည်းမိန့်ခွန်းတွေအများကြီးပေးခဲ့ပါတယ်ကွယ်။ ဂျပန်ပြည် ကိုဘေးမြို့ ကိုရောက်တုန်းမှာ “တိုင်းပြည်တွေဟာနှစ်တိုင်းမှာမြေးမိန်းခလေးတွေချစ်ကြည်ရေးဖလှယ်တဲ့အနေနဲ့နှစ်ပတ်ကြာအပြန်ပြန်အလှန်လှန်လည်ပတ်သင့်တယ်” လို့အကြံပြုခဲ့ပါတယ်။ “ဘာဖြစ်လို့လဲလို့ဆိုယင်သူ့မြေးမလေးရှိနေတဲ့တိုင်းပြည်တွေကိုသမ္မတကြီးတွေဟာဗုံးတွေလွှတ်မှာမဟုတ်ပါဘူး” တဲ့လေ။ ခလေးတွေးတွေးတယ်ဆိုပေမဲ့သူပြောတာလည်းဟုတ်တာဘဲနော်။ ဘယ်သမ္မတကကိုယ့်မြေးလေးရောက်နေတဲ့တိုင်းပြည်ကိုဗုံးကြဲချင်မှာလဲကွယ်။

စမယ်(န်)သာလေးဟာဂျပန်ကနေအမေရိကန်ကိုပြန်လာတော့တစ်ခြားမြို့တွေကိုလည်းလှည့်ပြီးမိန့်ခွန်းတွေပြောခဲ့ပါသေးတယ်။ ၁၉၈၅ ခုနှစ်သြဂုတ်လ ၂၅ ရက်နေ့မှာ စမယ်(န်)သာ နဲ့သူ့ဖေဖေဟာခရီးသည် ၁၇ ဦးစီးလို့ရတဲ့ လေယာဉ်အသေးလေးတစ်စီးနဲ့သူတို့မြို့ကိုပြန်လာကြပါတယ်။ လေယာဉ်ပြေးလမ်းကိုအဆင်းမှာသစ်ပင်တွေကိုဝင်တိုက်မိပြီးလေယာဉ်ပျက်ကျခဲ့လို့လေယာဉ်ပေါ်ပါခရီးသည် ၆ ဦးနဲ့လေယာဉ်အမှုထမ်း ၂ ဦးတို့သေဆုံးခဲ့ကြပါတယ်။ စမယ်(န်) သာလေးနဲ့အရပ်တူကိုယ်လုံးတူကြေးရုပ်တစ်ခုကိုသူ့မြို့မှာလုပ်ပြီးဂုဏ်ပြုခဲ့ကြပါတယ်ကွယ်။

စမယ်(န်)သာလေးရဲ့မေမေကသူ့သမီးနာမယ်နဲ့ Samantha Smith Foundation ဆိုပြီးတည် ထောင်ခဲ့ပါတယ်။ သူ့သမီးလေးဆန္ဒရှိခဲ့တဲ့အတိုင်းဆိုဗီယက်ပြည်ထောင်စုနဲ့အမေရိကန်ပြည်ထောင်စုတို့ကမြေးမိန်းခလေးတွေတိုင်းပြည်နှစ်ခုကြားအပြန်အလှန်လည်ပတ်နိုင်ကြအောင်ပေါ့ကွယ်။ နောက်တော့တစ်ခြားတိုင်းပြည်တွေကိုပါဒီစံနစ်ဟာပြန့်နှံ့သွားပါတယ်။ အခုဆိုယင်မိန်းခလေးတွေချည်းမဟုတ်တော့ပါဘူး။ ကိုယ်ကသူ့ခလေးကိုနှစ်ပတ်လက်ခံထားယင်သူကလည်း ကိုယ့်ခလေးကိုနှစ်ပတ်လက်ခံထားတာမျိုးပေါ့ကွယ်။ ကျောင်းသားကျောင်းသူလေးတွေ ၂ ပတ်ကြာအပြန်အလှန်လည်ပတ်တဲ့စံနစ်ဟာနိုင်ငံတော်တော်များများကိုပြန့်နေပါပြီ။ ကလေးတို့ဆီကိုရောရောက်နေပြီလားကွယ်။

ဆိုဗီယက်ပြည်ထောင်စုမှာ စမယ်(န်)သာ လေးပုံနဲ့တံဆိပ်ခေါင်းကိုတစ်ခုထုတ်ဝေခဲ့၊ စမယ်(န်) သာ နာမယ်နဲ့သဘောင်္ငယ်တစ်စီးဆောက်ခဲ့ပါတယ်။ ၂ဝဝ၈ ခုနှစ်မှာ ဆိုဗီယက်ပြည်ထောင်စုနဲ့အမေရိကန်ပြည်ထောင်စုတို့ရဲ့ပြည်သူတွေကြားကနားလည်မှုတိုးအောင်လုပ်ခဲ့တဲ့ငြိမ်းချမ်းရေးသတ္တိဆုကိုရရှိခဲ့ပါတယ်။ သူကွယ်လွန်ပြီး ၂၃ နှစ်ကြာမှရတဲ့ဆုနော်။

နိဂုံးချုပ်ကလေးတစ်ခုပြောရယင်တော့ဒီတိုင်းပြည်ကြီးနှစ်ခုဟာစစ်သွေးကြွနေတာတွေ၊ စောင်နေတာတွေ၊ ဗုံးတွေကိုလွှတ်ဘို့လက်တွေကခလုတ်ပေါ်အမြဲရှိနေတာတွေကနေ၊ အနုမြူလက်နက်ကန့်သတ်ရေး၊ လျှော့ချရေး၊ နောက်ဆုံးဖျက်ပစ်ရေးတွေဖြစ်လာခဲ့ကြပါတယ်။ အခုနအာကာသတိုက်ပွဲ Star Wars အစီအစဉ်ကိုလည်းဖျက်ပစ်လိုက်ကြပါတယ်။ နောက်ဆက်တွဲအနေနဲ့တော့ ဆိုဗီယက်သမ္မတ ဂေါ်ဘာချော့(ဗ်) က ၁၉၈၇ ခုနှစ်မှာအမေရိကန်ကိုသွားလည်၊ ၁၉၈၈ ခုနှစ်မှာအမေရိကန်သမ္မတ ရော်နယ်ရီဂန်က ဆိုဗီယက်ပြည်ထောင်စုကိုသွားလည်ခဲ့ကြတာပါဘဲကွယ်။ ကမ္ဘာကြီးလည်းအရင်လိုဘယ်နေ့စစ်ကြီးဖြစ်တော့မှာလဲဆိုတဲ့ပူပန်မှုတွေကနေလွတ်ကင်းခဲ့ပါတယ်။ ရန်စောင်နေခဲ့ကြတဲ့တိုင်းပြည်ကြီးနှစ်ခုကသမ္မတတွေရင်းနှီးစွာအပြန်အလှန်လည်ပတ်ကြတဲ့မြင်ကွင်းဟာအင်မတန်အေးချမ်းတဲ့မြင်ကွင်းပါဘဲ။ ၁၉၉ဝ ခုနှစ်မှာသမ္မတကြီးဂိုဗါချက်(ဗ်) ကမ္ဘာ့ငြိမ်းချမ်းရေးနိုဘဲ(လ်)ဆုကြီးရခဲ့ပါတယ်ကွယ်။

အဲဒါတွေဟာသတ္တိရှိတဲ့ကြားနေပွဲစားလေးတစ်ယောက်ကမျိုးစေ့ချ၊ စိုက်ပေးသွားခဲ့တဲ့အပင်ကြီးကသီးလာတဲ့အသီးတွေပါဘဲကလေးတို့ရေ။

အနောက်နိုင်ငံတွေမှာတော့မူလတန်းကျောင်းကခလေးတွေကိုတစ်ခြားနိုင်ငံတွေကခေါင်းဆောင်တွေဆီကမ္ဘာ့ငြိမ်းချမ်းရေး၊ ကမ္ဘာကြီးသာယာဝပျောရေးအတွက်စာရေးခိုင်းတတ်တဲ့ဓလေ့ရှိတာကလေးတို့သိကြပါသလားကွယ်။

တိုင်းပြည်တစ်ခုကကလေးတွေဒီလိုစုပေါင်းညီညာလက်တွဲကြ၊ ကမ္ဘာကြီးက ကလေးတွေဒီလို စုပေါင်းလက်တွဲအလုပ်လုပ်ကြမဲ့ ‘နေ့တစ်နေ့’ ဟာကလေးတို့လက်ထဲမှာဘဲရှိပါတယ်။

ဒီကနေ့ပုံပြင်လေးကတော့ဒါပါဘဲကွယ်။ ကလေးတို့လည်း စမယ်(န်)သာ လေးလိုဘဲငြိမ်းချမ်းတဲ့ကမ္ဘာကြီးတည်ဆောက်ရေးမှာအုဋ်တစ်ချပ်၊ သဲတစ်ပွင့်ပါဝင်နိုင်တဲ့သားကောင်းသမီးကောင်းလေးတွေဖြစ်ကြပါစေကွယ်။