သြတစ်(စ)တစ် (Autistic) ကလေးများ စားသင့်သော အစာများ (၁)

သြတစ်(စ)တစ် (Autistic) ကလေးများစားသင့်သောအစာများ (၁)

ဒေါက်တာအိအိခင် (ကလေး)

သြတစ်(စ)တစ် ကလေးများရောဂါသက်သာစေဖို့ အထောက်အကူပြု အစားအသောက်နှင့် ကုသချက်များ –
သြတစ်(စ)တစ်ရောဂါဖြစ်သောကလေးများသည် ဂလူတင် (Gluten) နှင့် ကေစင်း (Casein) ပါသောအစာများမှထွက်သောဓာတ်နှင့် မတည့်၍ ရောဂါ ပိုဆိုးစေနိုင်သည်။

ဂလူတင်နှင့် ကေစင်းပါဝင်သောအစားအစာများမှ မကျေညက်သည့် အစာများမှထွက်သည့် ဓာတ်တစ်မျိုးသည် အူမှတစ်ဆင့် သွေးထဲရောက်ရှိပြီးကလေးဦးနှောက်အတွင်းရှိမှိန်းစေနိုင်သောလက်ခံပစ္စည်း (Opiate Accepter)နဲ့ ပေါင်းပြီးကလေးများကိုဆေးစွဲသကဲ့သို့ ဖြစ်စေနိုင်သောကြောင့် ၄င်းဂလူတင်နှင့် ကေစင်းပါသောအစာများစားက သြတစ်(စ)တစ်ကလေးများဘိန်းမှိန်းသကဲ့သို့ ငြိမ်သက်ကာသူတို့ ကမ္ဘာထဲယစ်မူးနေတတ်သည်။ ကလေးသဘာဝသွက်လက်မှုမရှိ၊ ပတ်ဝန်းကျင်နှင့် အဆက်အသွယ် ပြတ်နေတတ်ပါသည်။
ထို့ကြောင့် သြတစ်(စ)တစ်ရောဂါဖြစ်နေသောကလေးများသည် ဂလူတင်နှင့် ကေစင်းပါသောအစာများမစားသင့်ပါ။

ဂလူတင် (Gluten) ပါဝင်သောစားစရာများမှာ
(၁) အစေ့အဆန် အစာအုပ်စုဖြစ်တဲ့ ဂျုံ၊ အုတ် (Oak)၊ဘာလီတို့နှင့် ပြုလုပ်ထားသောစားစရာ၊ ဥပမာ – ဂျုံနှင့် လုပ်ထားသည့် ပေါင်မုန့်၊ ခေါက်ဆွဲအစို၊ အခြောက်၊ ပေါက်စီ၊ အီကြာကွေး၊ ဘီစကစ်၊ ကိတ်မုန့်၊ ပလာတာ၊ နံပြား။
(၂) အုတ်-ဘာလီ၊ မုယောတို့ ပါဝင်သောဟောလစ်၊ မိုင်လို၊ အိုဗာတင်းမောမစ် (Ovaltine Molted Milk)၊ကွေကာအုတ်။
(၃) အသင့်ပြုလုပ်ထားသောအသားပြား၊ အသားလုံး၊ ငါးလုံး၊ ကြက်အူချောင်း၊ ဝက်အူချောင်းတို့ကိုတာရှည်ခံအောင် ဂျုံနဲ့လုံးထားတာမို့ ဂလူတင် ပါပါသည်။
ကေစင်း (Casein) ပါဝင်သောအစားအစာများမှာ –
နို့နှင့် နို့ထွက်ပစ္စည်းများ၊ ဥပမာ – နို့၊ ဒိန်ချဉ်၊ နို့မှုန့်၊ ထောပတ်၊ ချိစ်၊ ရေခဲမုန့်၊ ဖာလူဒါ၊ နို့ဆီ၊ ထောပတ်ထမင်း၊ ဒန်ပေါက်၊ နို့မလိုင်ခဲ၊ မလိုင်မုန့် စသည်တို့ဖြစ်သည်။
နို့ပေါင်မုန့်၊ တူနာငါး၊ ပဲပိစပ်ချိစ်တို့တွင်လည်းကေစင်းပါသည်။

သြတစ်(စ)တစ်ကလေးများကိုကျွေးရန် အစားအစာဝယ်လျှင် မိဘများ ၄င်းအစားအစာတွင် ဂလူတင်နှင့် ကေစင်းဓာတ် ပါဝင်မှုရှိမရှိဖတ်ကြည့်ပြီးမှ ၄င်းဓာတ်စာများမပါဝင်သော အစားအစာများကိုသာရွေးချယ်ဝယ်ယူသင့်ပါသည်။

သြတစ်(စ)တစ်ကလေးများကိုဘယ်လိုအစားအစာကျွေးသင့်သလဲ ?
သြတစ်(စ)တစ်ကလေးများကို နို့မပါဝင်သောအစားအစာများကျွေးသင့်သည်။ ဥပမာ- ထမင်းရည်၊ ဆန်ပြုတ်၊ ဆန်နှင့် ပဲမှရသောပဲနို့များကျွေးနိုင်သည်။
– ဟင်းသီးဟင်းရွက်နှင့် ၄င်းပြုတ်ရည်များ
– ဆန်၊ ပြောင်း၊ အာတာလွတ်၊ မြေပဲနှင့် ပဲကရသောမုန့်များ (ဥပမာ – ဘယာကြော်၊ မတ်ပဲကြော်၊ အာလူးကြော်၊ မြေပဲလှော်၊ မြေပဲပြုတ်၊ ပြောင်းဖူးမုန့်၊ ပြောင်းဖူးကြော်၊ ပြောင်းဖူးပြုတ်၊ အာတာလွတ်ဥပြုတ်၊ အာတာလွတ်မုန့်ပေါင်း)
– ပီလောပီနံနှင့် လုပ်ထားသောမုန့်၊ ပီလောပီနံမုန့်ပေါင်း
– ဆန်၊ ကောက်ညှင်း၊ ပဲပိစပ်နှင့်လုပ်ထားသောမုန့် (ဥပမာ – ကောက်ညှင်းပေါင်း၊ ကောက်ညှင်းဆီထမင်း၊ မုန့်စိမ်းပေါင်း၊ မုန့်ပြားသလပ်၊ မုန့်အုပ်ကလေး၊ မုန့်ကျွဲသဲ၊ ရေမုန့်၊ မုန့်တိုဆန်၊ မုန့်ဆီကြော်၊ မုန့်ပိန္တွဲစေ့၊ မုန့်ဖတ်ထုပ်၊ ပြာရေထုပ်၊ တို့ဟူးကြော်၊ တို့ဟူးနွေး၊
– ဆန်နှင့်လုပ်ထားသောအစာ၊ ထမင်း၊ ထမနဲ၊ ပဲထမင်း၊ အုန်းထမင်း၊ မုန့်ဟင်းခါး၊ ရခိုင်မုန့်တီ၊ နန်းကြီးသုပ်၊ ကြာဆံကြေးအိုး၊ ကြာဆံဆီချက်၊ ကြာဆံဟင်းခါး၊ ကြာဇံကြော် (ပဲကြာဆံ၊ ဆန်ကြာဆံ)
– အခြားအစားအစာများမှာအုန်းနို့ကျောက်ကျော၊ အုန်းနို့သာကူ၊ သာကူပြင်၊ ကုလားပဲချောင်း၊ အာလူးချောင်း၊ စာကလေးခွေ၊ ခေါက်မုန့်၊ မုန့်လက်ဆောင်း

ကေစင်း (Casein) မပါသောအစာများမှာ –
ဆန်မှရသော နို့၊ ထမင်းရည်၊ အုန်းနို့၊ အခွံမာသီးမှရသောနို့၊ ပဲပိစပ်မှရသောပဲနို့၊ ကော်ဖီ၊ လက်ဖက်ရည် (နို့မပါ) သစ်သီးဖျော်ရည်
ပဲပိစပ်ကိုအခြေခံထားသောကလေးအာဟာရမှုန့်ကိုကျွေးနိုင်သည်

သြတစ်(စ)တစ်ကလေးများစားနိုင်တဲ့ဆေးများမှာ –
– ဗီတာမင် A, C, D, B6, B12
– သတ္တုဓာတ်၊ ကယ်လ်ဆီယမ်၊ မဂ္ဂနီဆီယမ်၊ ဇင့်၊ ဆီလီနီယမ်
– ငါးကြီးဆီ (Essential Fatty Acid)
– အမိုင်နိုအက်ဆစ် (Amino Acid)
– အမွှေးနံ့သာ၊ ပန်း၊ အတုံး (ဥပမာ – lavender, chamomile, melatonin)
– သြတစ်(စ)တစ်ကလေးများတွင် yeast များနေတတ်၏။ ၄င်း yeast မှ ထွက်သောဓာတ်တစ်မျိုးကြောင့် ကလေး၏ အမူအကျင့်ပြောင်းရတာဖြစ်တယ်။ ၄င်း yeast များမပေါက်ဖွားရန် Antifungal Nystain, Probiotic, Low Sugar diet အချိုနည်းသောအစားအစာများကျွေးသင့်သည်။
သြတစ်(စ)တစ်ကလေးများကိုဂလူတင်မပါ၊ ကေစင်းမပါသောအစားအစာများကို “တစ်သက်လုံး” ကျွေးရမှာ ဖြစ်ပါတယ်။
သြတစ်(စ)တစ်ကလေးများအတွက် အစားအစာဝယ်ယူလျှင် ၄င်းအစားအစာတွင် ဘယ်လိုပစ္စည်းများ ပါဝင်ပါသလဲ သေချာဖတ်ပြီးမှ ၀ယ်ယူရမည်။

ဒေါက်တာ အိအိခင် (ကလေး)