ဘယ်သူအရူးလဲ

ကလေးတို့အတွက်ပုံပြင်

ကလေးတို့ရေ …

ဒီကနေ့ပြောပြမဲ့ပုံပြင်ကလေးကအသစ်မဟုတ်ပါဘူးကွယ်။ မနှစ်ကဦးဦးတင်ခဲ့ဘူးပါတယ်။ ကလေးတို့မဖတ်ရသေးယင်ဖတ်ရအောင်နည်းနည်းပြန်ပြင်ရေးပေးလိုက်ပါတယ်။

ဟိုးရှေးရှေးတုန်းကအိန္ဒိယပြည်ကကျေးရွာလေးတစ်ခုမှာပုဏ္ဏားကြီးတစ်ဦးရှိခဲ့ပါတယ်ကွယ်။ တစ်နေ့တော့သူ့အိမ်မှာမွေးထားတဲ့ဆိတ်ကြီးကိုရောင်းဖို့ကြိုးနဲ့ဆွဲပီးမြို့ကိုလျှောက်လာပါတယ်။ ဒါကိုအရက်သမားလေးယောက်ကလှမ်းမြင်လိုက်တော့ဆိတ်သားစားချင်လို့အကြံအစည်တစ်ခုပြုခဲ့ကြပါတယ်။
ပုဏ္ဏားကြီးဟာဆိတ်ကြီးကိုဆွဲလို့လျှောက်လာယင်းလမ်းမှာလူတစ်ယောက်နဲ့တွေ့တော့အဲဒီလူက

“ပုဏ္ဏားကြီး။ ခင်ဗျားဒီခွေးကြီးကြိုးနဲ့ဆွဲပြီးဘယ်ခေါ်သွားမလို့တုံးဗျ” လို့မေးတော့ပုဏ္ဏားကြီးက
“ဟေ့ကောင်။ မင်းမျက်လုံးကန်းနေသလား။ မင်းခွေးမှန်း၊ ဆိတ်မှန်းတောင်မသိဘူးလား” ဆိုတော့
“ဟုတ်ပါတယ်ဗျာ။ အင်မတန်လှလိုက်တဲ့ဆိတ်ကြီးပါဘဲ။ ဟီးဟီးဟီး” ဆိုပြီးထွက်သွားပါလေရောကွယ်

အဲဒီလိုနဲ့ဆက်လျှောက်လာယင်းခပ်လှမ်းလှမ်းကိုရောက်လာတော့နောက်လူတစ်ယောက်နဲ့တွေ့လို့အဲဒီလူကပုဏ္ဏားကြီးကို
“ပုဏ္ဏားကြီး။ ခင်ဗျားဒီခွေးကြီးနဲ့ဘယ်သွားမလို့လဲ” လို့မေးတော့ပုဏ္ဏားကြီးက၊
“လာပြန်ပြီနောက်တစ်ယောက်။ မင်းမျက်လုံးကန်းနေသလား။ မင်းခွေးမှန်း၊ ဆိတ်မှန်းတောင်မသိဘူးလား” ဆိုတော့အဲဒီလူက၊
“ကျုပ်သိပါတယ်ဗျာ။ ခင်ဗျားသာမသိတာ” ဆိုပြီးမျက်နှာကြီးဆူပြီးထွက်သွားပါလေရောကွယ်။

ဒီလိုနဲ့ဆက်လျှောက်လာယင်းနောက်တစ်နေရာမှာနောက်လူတစ်ယောက်နဲ့တွေ့တော့အဲဒီလူက၊
“ပုဏ္ဏားကြီး။ ခင်ဗျားဒီခွေးကြီးကြိုးနဲ့ဆွဲပြီးဘယ်ခေါ်သွားမလို့တုံးဗျ” လို့မေးတော့ပုဏ္ဏားကြီးက
“ဟေ့၊ မင်းတို့ဘာဖြစ်နေကြသလဲကွဟေ။မင်းတို့အားလုံးရူးနေကြပြီလား” လို့မေးတော့
“ကျုပ်မရူးပေါင်ဗျာ။ ခင်ဗျားသာဆိတ်မှန်းမသိ၊ ခွေးမှန်းမသိနဲ့။ ခင်ဗျားကြောင့်ခင်ဗျားတို့ပုဏ္ဏားတွေနာမယ်ပျက်တော့မှာဘဲ” ဆိုပြီးလှည့်ထွက်သွားပါလေရောကွယ်။

ပုဏ္ဏားကြီးလည်းဆိတ်ကိုဆွဲပြီးဆက်လျှောက်လာတာနောက်လူတစ်ယောက်နဲ့လမ်းမှာတွေ့တော့အဲဒီလူက
““ပုဏ္ဏားကြီး။ ခင်ဗျားခွေးကြီးတယ်လှပါလားဗျ” လို့ဆိုတော့ပုဏ္ဏားကြီးကဒီလိုစဉ်းစားမိသတဲ့။

“အင်းအရင်လူသုံးယောက်ကလည်း ‘ခွေး’ လို့ပြောသွားပြီးပြီ။ သူတို့ကသုံးယောက်၊ ငါကတစ်ယောက်ထဲ။ အများစကားဘဲမှန်တတ်တာ။ ဧကန္တငါ့မျက်လုံးတွေကိုအပင်းစီးထားတာဘဲဖြစ်မှာဘဲ” ဆိုပြီး
“သြော်၊ အိမ်မှာအလုပ်ရှုပ်လွန်းလို့ဒီခွေးကြီးကိုတောထဲသွားပစ်မလို့ပါမောင်” ဆိုတော့အဲဒီလူက
“ဟား၊ ခင်ဗျားအဲဒါဆိုကျုပ်နဲ့တွေ့တာကံကောင်းတယ်။ ကျုပ်ကခွေးသိတ်ချစ်တတ်တာ။ ကျုပ်ကိုပေး။ ကျုပ်ကောင်းကောင်းစောင့်ရှောက်ပေးမယ်” ဆိုတော့ပုဏ္ဏားကြီးလည်းဝမ်းမြောက်ဝမ်းသာနဲ့ပေးလိုက်ပါလေရောကွယ်။

အဲဒီလူလည်းဆိတ်ကိုဆွဲပြီးတောထဲဝင်၊ တောထဲမှာသူ့ကိုစောင့်နေတဲ့စောစောလူသုံးယောက်ယောက်နဲ့ပြန်ဆုံ၊ ဆိတ်ကိုသိတ်စားပြီးအရက်နဲ့မြည်းယင်းပုဏ္ဏားကြီးအကြောင်းကိုပြောပြောပြီးရယ်ကြသတဲ့။

ပုဏ္ဏားကြီးခမျာ ‘ငါ့ခွေးကြီးတော့ခွေးချစ်တတ်သူလက်ထဲရောက်သွားပြီ” လို့တွေးပြီးအိမ်ကိုကြည်နူးစွာပြန်လာသတဲ့။

ပုံပြင်ကလေးကတော့ဒါပါဘဲကွယ်။ ဒီပုံပြင်ကနေ ကလေးတို့ဘာသင်ခန်းစာတွေရခဲ့ပါသလဲ။ စဉ်းစားနော်။ သင်ခန်းစာတွေမှအများကြီးဘဲ။

သိုးဆောင်းစကားပုံကလေးတစ်ခုရှိပါတယ်ကွယ်။ “နားတွေကသူများတွေကိုယုံပြီး၊ မျက်လုံးတွေကကိုယ့်ကိုယ်ကိုယုံတယ်” တဲ့။ အခုခေတ်မှာတော့ကွန်ပြူတာပညာအရမ်းထွန်းကားလာလို့ဒီစကားပုံနဲ့မလောက်တော့ပါဘူးကွယ်။ မဖြစ်နိုင်တဲ့ဓါတ်ပုံတွေ၊ ဗီဒီယိုတွေကိုဖန်တီးရတာအင်မတန်လွယ်နေပါပြီ။ အဲဒါတွေမရှိခင်ထဲကမျက်လုံးတွေကိုအရူးလုပ်တဲ့နည်းတွေရှိခဲ့ပါတယ်။ လုပ်ဇတ်အမျိုးမျိုးခင်းပြပြီးယုံအောင်လုပ်တဲ့နည်းတွေပါ။ ဒါကြောင့်ဒီခေတ်မှာ “နားတွေကိုရော၊ မျက်လုံးတွေကိုရောမယုံရတော့ဘူး” လို့ပြင်ရေးရပါမယ်ကွယ်။ နားနဲ့နားမထောင်ဘဲဦးနှောက်နဲ့နားထောင်၊ မျက်လုံးနဲ့မကြည့်ဘဲဦးနှောက်နဲ့ကြည့်ပါ။ ဦးနှောက်ဟာနားတွေထက်ရော၊ မျက်လုံးတွေထက်ရောပိုမြင့်တဲ့နေရာမှာနေရာယူထားလို့သူ့ကိုဦးစားပေးသင့်တာသဘာဝကျပါတယ်နော်။

ကလေးတို့ “တိန့်ရှောက်ဖိန်” ဆိုတဲ့နာမယ်ကြားဘူးကြသလားကွယ်။ မသိယင်နည်းနည်းလေးပြောပြမယ်နော်။ တရုတ်ပြည်ကို ‘သံမဏိလက်သီး’ နဲ့အုပ်ချုပ်ခဲ့တဲ့မော်စီတုန်းသေတော့ တိန့်ရှောက်ဖိန်ဟာခေါင်းဆောင်ဖြစ်လာပါတယ်။ ဒီကနေ့တရုတ်ပြည်တံခါးဖွင့်စီးပွါးရေးဝါဒနဲ့တင်းကြပ်တဲ့ဥပဒေဖြေလျှော့မှုတော်တော်များများကိုသူကစခဲ့တာပါဘဲ။ အခုတော့မရှိရှာတော့ပါဘူး။ ခလေးတို့ရှာဖတ်သင့်တဲ့ပုဂ္ဂိုလ်ကြီးတစ်ဦးပါဘဲကွယ်။

တိန့်ရှောက်ဖိန်ကပြောခဲ့ဘူးတယ်ကွဲ့။ “ကြောင်ဟာကြွက်ကိုအစာအဖြစ်ဘဲမြင်တယ်။ ကြွက်အဖြူလား၊ ကြွက်အမည်းလားမစဉ်းစားဘူး” တဲ့။

ကဲ… ဒီကနေ့တော့ဒီလောက်ပါဘဲကလေးတို့ရေ။ ကလေးတို့အလိမ်ခံရခြင်းနဲ့လိမ်ညာခြင်းမှကင်းကြပါစေကွယ်။