ကလေးတို့အတွက်ပုံပြင် – မျိုးစေ့သုံးခု

ကလေးတို့အတွက်ပုံပြင်  – မျိုးစေ့သုံးခု

ကလေးတို့ရေ …

ကလေးတို့အတွက်ပုံပြင်အချိန်ကျလာပြန်ပြီကွဲ့။ တစ်ခါတုန်းကတိုင်းပြည်ကြီးတစ်ခုမှာဘုရင်ကြီးတစ်ပါးရှိခဲ့သတဲ့။ တစ်နေ့မှာဘုရင်ကြီးကသူ့သားတော်သုံးပါးကိုသူ့ရှေ့ခေါ်ပြီ

“သားတော်တို့၊ ဖခမည်းတော်လည်းသက်တော်ကြီးပြီ။ ဒါကြောင့်ထီးနန်းကို လွှဲပြောင်းပေးဘို့အချိန်ကျပြီ။ ဟောဒီမှာမျိုးစေ့တစ်စေ့စီယူပြီးအိုးထဲထည့်စိုက်ကြ။ သားတို့ကုသိုလ်ကံကြောင့်နှစ်လပြည့်တဲ့အချိန်မှာအလှဆုံးပန်းပွင့် သူကိုရွေးမယ်” ဆိုပြီးမျိုးစေ့သုံးစေ့ပေးလိုက်ပါတယ်ကွယ်။

သားတော်သုံးပါးလည်းမျိုးစေ့တွေကိုအိုးနဲ့ထည့်စိုက်ကြတော့တာပေါ့။ တစ်လပြည့်တဲ့တိုင်သားတော်အငယ်ဆုံးရဲ့အိုးထဲမှာဘာအညှောင့်မှထွက်မလာခဲ့ပါဘူးကွယ်။ သားတော်လေးလည်းရေမှန်မှန်လောင်းပေး၊ နေပူထဲပြပေးနဲ့ကျိုးစားပေမဲ့ဘာမှအရာမထင်ခဲ့ပါဘူး။ နောင်တော်ကြီးနှစ်ပါးရဲ့ပန်းအိုးတွေထဲမှာတော့အင်မတန်လှပတဲ့ပန်းနှစ်မျိုးပွင့်နေတာမြင်တော့ပိုတောင်စိတ်ဓါတ်ကျသွားပါတယ်ကွယ်။

နှစ်လပြည့်တဲ့နေ့ကျတော့ဘုရင်ကြီးကသားတော်တွေကိုသူတို့ရဲ့ပန်းအိုးတွေဆက်သကြဘို့ခေါ်ယူခဲ့ပါတယ်။ ပန်းအိုးတွေယှဉ်လိုက်တဲ့အခါသားငယ်လေးအိုးထဲမှာဘာမှမရှိတော့အကိုကြီးနှစ်ဦးက

“စိတ်မပျက်ပါနဲ့ညီတော်။ တစ်နေ့တော့ပေါက်လာမှာပါ။ စောသေးလို့နေမှာပါ” လို့လှောင်ကြသတဲ့။

ဘုရင်ကြီးကသားတော်တွေကိုအနားခေါ်ယူပြီး

“သားတော်တို့၊ သားတော်တို့ကိုမျိုးစေ့တွေပေးလိုက်စဉ်ကခမည်းတော်ပြော ခဲ့တယ်။ ‘သားတော်တို့ကုသိုလ်အတိုင်းပန်းတွေပွင့်လိမ့်မယ်’ လို့ပြောခဲ့တယ်။ သားတော်တို့ကိုပေးလိုက်တဲ့မျိုးစေ့သုံးခုကမျိုးမအောင်တဲ့မျိုးစေ့အသေတွေသာဖြစ်ပါတယ်။ သားတော်ကြီးနှစ်ပါးကအဖေကိုလိမ်တယ်။ သူတို့ဟာထီးနန်းမရမှာစိုးလို့တစ်ခြားမျိုးစေ့တစ်ခုနဲ့အစားထိုးစိုက်ခဲ့ကြတယ်” လို့ပြောတော့သားတော်ကြီးနှစ်ဦးဟာဇက်ကြီးတွေကျိုးကျနေကြပါတယ်။

“တိုင်းပြည်အုပ်ချုပ်မင်းလုပ်မဲ့လူဟာရိုးသားမှုရှိဘို့အလိုအပ်ဆုံးဂုဏ်ရည်တစ်ရပ်ဘဲ။ဘုရင်ကစမရိုးသားယင်ဒီတိုင်းပြည်ပျက်စီးဘို့ဘဲရှိတယ်” ဆိုပြီး သားတော်ငယ်လေးကိုထီးနန်းလွှဲပေးခဲ့ပါတယ်။

ပုံပြင်ကလေးကတော့ဒါပါဘဲကွယ်။ ကလေးတို့ဘယ်တော့မှမလိမ်ကြနဲ့နော်။ လိမ်တဲ့လူကိုဘယ်သူမှအယုံအကြည်လည်းမရှိ၊ အထင်လည်းမကြီးတဲ့အပြင်တစ်နေ့မှာအရှက်ပါရတတ်ပါတယ်။

ကလေးတို့လိမ်မာရေးခြားရှိတဲ့မိကောင်းဖခင်သားသမီးများဖြစ်ကြပါစေကွယ်။