ဆင်နဲ့ဝက်

ကလေးတို့အတွက်ပုံပြင်  – ဆင်နဲ့ဝက်

ကလေးတို့ရေ …

တစ်ခါတုန်းကဆင်ကြီးတစ်ကောင်ဟာမြစ်ထဲမှာရေချိုးပြီးလမ်းကျဉ်းကလေးတစ်ခုအတိုင်းပြန်လာသတဲ့။ အဲဒီအချိန်မှာသူနဲ့ဆန့်ကျင်ဘက်အရပ်ကနေဝက်တစ်ကောင်ဟာဗွက်အိုင်ထဲမှာလူးပြီးပြန်လာသတဲ့။ ဒီလမ်းကလေးဟာတိရစ္ဆာန်နှစ်ကောင်အတူမလျှောက်နိုင်အောင်ကျဉ်းပါတယ်ကွယ်။

ဝက်ဟာအရှက်မရှိမျက်နှာပြောင်တိုက်ပြီးလမ်းမပေးဘဲနဲ့ဆက်လျှောက်လာပါတယ်ကွယ်။ အဲဒီတော့အခုလေးတင်ရေချိုးလာတဲ့ဆင်ကြီးကလမ်းဖယ်ပေးလိုက်ပါတယ်။ ဝက်ကတော့ခေါင်းကလေးထောင်ပြီး ‘ကျော့ကျော့-ကျော့ကျော့’ နဲ့အရှက်မရှိဆက်လျှောက်သွားယုံမကဘဲတစ်ခြားတိရစ္ဆာန်တွေကိုပါလျှောက်ပြောသတဲ့။

“တွေ့လား။ ဆင်ကြီးကငါ့ကိုကြောက်လို့လမ်းဖယ်ပေးရတာ။ မြင်ပြီလား” နဲ့လျှောက်ပြောနေပါတယ်။ တစ်ခြားတိရစ္ဆာန်တွေကလည်းမ ‘အ’ ကြပါဘူးကွယ်။

“မင်းလိုဝက်ကိုများဟိုကကြောက်မယ်ထင်နေသလား။ ငါတို့ကိုလာမပတ်စမ်းပါ
နဲ့” လို့ပြန်ပြောကြပါတယ်ကွယ်။

ဝက်ကလည်းပြုံးစေ့စေ့နဲ့ “မင်းတို့မျက်စေ့နဲ့မြင်တဲ့အတိုင်းဘဲလေ” လို့ပြောပြီးလှောင်ပြုံးလေးတစ်ချက်နဲ့ထွက်သွားပါတော့တယ်။ တိရစ္ဆာန်တွေကဆင်ကြီးကိုပြေးပြီးမေးကြပါတော့တယ်။

“ဆင်ကြီး၊ ခင်ဗျားကဘာဖြစ်လို့ဆင်ဖြစ်ပြီးဝက်ကိုကြောက်နေရတာလဲ”
“ငါမကြောက်ပါဘူးကွ”
“ခင်ဗျားဝက်ကိုလမ်းဖယ်ပေးတာမြင်တဲ့အကောင်တွေကမြင်တယ်။ ခင်ဗျားဆင်ကြီးလုပ်နေပြီးသတ္တိမရှိဘူး။ ခင်ဗျားဝက်ကိုခြေထောက်နဲ့တစ်ချက်ကန်ပြီးလမ်းရှင်းလိုက်ယင်ရတာဘဲ”
“အဲဒါဆိုငါ့ခြေထောက်ညစ်ပတ်သွားမှာပေါ့ကွ။ ဝက်ကလေးတစ်ကောင်အတွက်ငါ့ခြေထောက်အညစ်ပတ်မခံနိုင်ပါဘူးကွာ” လို့ဆင်ကြီးကပြန်ပြောလိုက်သတဲ့။

ပုံပြင်ကလေးကတော့ဒါပါဘဲကွယ်။ ကလေးတို့ဒီပုံပြင်ကနေဘာသင်ခန်းစာတွေရခဲ့ပါသလဲကွယ်။ စဉ်းစားလို့ရသလောက်စဉ်းစားကြည့်ပြီးမှအဖြေကိုကြည့်နော်

ဒီအဖြေဟာကလေးတို့ထင်တာထက်နက်ပါတယ်ကွယ်။ ကလေးတို့ဘဝမှာတစ်ခါတစ်ခါကျယင်သူများတွေကဝိုင်းပြီးကဲ့ရဲ့ကြတာတွေ၊ ဝိုင်းပြီးမြှောက်ပေးကြတာတွေကိုကြုံတွေ့လာရပါလိမ့်မယ်ကွယ်။

“ရှင်းပစ်လိုက်ပါလား” …
“ဘာဖြစ်လို့ကြောက်နေတာလဲ” ….
စတဲ့စကားတွေကြားလာရပါလိမ့်မယ်ကွယ်။

သူများတွေဆိုင်းတီးပေးတိုင်းကလေးတို့ထ ‘က’ ယင်ပိုဒုက္ခရောက်ရမှာက ကလေး တို့ပါဘဲ။ မြှောက်ပေးတဲ့လူတွေကပြသနာပေါ်ပြီဆိုတာနဲ့အရင်ဆုံးလစ်ကြမှာပါဘဲကွယ်။

ပိုဆိုးတာကသေသေချာချာမစဉ်းစားဘဲနဲ့အလွယ်တကူဆုံးဖြတ်ပြီးလုပ်လိုက်တဲ့အလုပ်တစ်ခုမှာအမှားတွေအများကြီးပါတတ်ပါတယ်။ ဒါကြောင့်သူများတွေ ‘ဝိုင်းပေးတဲ့ဖိအား’ အောက်မှာကလေးတို့မယိုင်လဲမိအောင်သတိပြုကြပါ ကွယ်။ ကိုယ့်ဘေးမှာပါးစပ်ပေါင်းတစ်ထောင်ရှိပေမဲ့မှန်တဲ့စကားကိုမှရွေးပြီးနားထောင်ဘို့အရေးကြီးပါတယ်။

ကလေးတို့သတ္တိရှိတဲ့၊ နားမယောင်တတ်တဲ့၊ အဆင်အခြင်၊ အမျှော်အမြင်ရှိတဲ့မိကောင်းဖခင်သားသမီးတွေဖြစ်ကြပါစေကွယ်။

(မျှဝေနိုင်ပါသည်)