ကလေးလေးတွေမှာ သွားပြဿနာရှိရင် ဘာတွေဖြစ်မလဲ

သားသားမီးမီးလေးတွေမှာ လက်မစုပ်ခြင်းဆိုတာ ဖြစ်လေ့ဖြစ်ထရှိပါတယ် (photo: Breastfeeding Support)

မေမေတို့ရေ သားသားမီးမီးလေးတွေမှာ ဖြစ်တတ်တဲ့ ရောဂါဝေဒနာတွေက များတော့များပါတယ်။ ဒီထဲမှာ သွားပြဿနာဝေဒနာတွေလည်း ပါဝင်ပါတယ်။ မေမေတို့ သားသားမီးမီးလေးတွေမှာ ဖြစ်တတ်တဲ့ သွားပြဿနာတွေကို သိထားသင့်ပါတယ်။

လက်မစုပ်တာတွေ၊ နှုတ်ခမ်းသပ်တာတွေကို ရပ်ခိုင်းပါနော်  (photo: Breastfeeding Support)

လက်မစုပ်ခြင်း

မေမေတို့ရေ သားသားမီးမီးလေးတွေမှာ လက်မစုပ်ခြင်းဆိုတာ ဖြစ်လေ့ဖြစ်ထရှိပါတယ်။ ပုံမှန်အားဖြင့်တော့ အရမ်းမစိုးရိမ်ရပါဘူး။ မေမေ့ကလေးလေး အသက်(၄)  နှစ်ကျော်တဲ့အထိ လက်မစုပ်နေမယ်ဆိုရင်နေတော့ ကြီးသွားပေါက်တဲ့အချိန်မှာ ပြဿနာ ဖြစ်နိုင်ပါတယ်။ လက်မစုပ်တာဟာ သွားစီစီရီိရီရှိမှု၊ မေးရိုးများ၊ပါးစပ်ရဲ့အာခေါင်ဖြစ်ပေါ်လာပုံ ၊စကားပြောခြင်းတွေမှာ အနှောင့်အယှက် ဖြစ်စေနိုင်ပါတယ်။ ဒါ့အပြင် သွားဖုံမောက်တာတွေလည်း ဖြစ်နိုင်ပါတယ်။

နှုတ်ခမ်းသပ်ခြင်း

နှုတ်ခမ်းသပ်တယ်ဆိုတာကိုတော့ မေမေတို့ သိထားပြီးသား ဖြစ်မှာပါ။ အောက်နှုတ်ခမ်းကို အပေါ်သွားနဲ့ အောက်သွားကြားမှာ ထားပြီး နှုတ်ခမ်းကို လျက်ခြင်းပါ။ နှုတ်ခမ်းသပ်ခြင်းအားဖြင့် သွားများညီညာမှုမရှိတော့ဘဲ စကားပြောရာမှာ အနှောက်အယှက် ဖြစ်စေနိုင်ပါတယ်။

လျှာထုတ်ခြင်း

မေမေတို့ ကလေးလေး လျှာထုတ်ခြင်းက နှုတ်ခမ်းသပ်ခြင်း၊  လက်မစုပ်ခြင်းတွေလိုမျိုး အဖြစ်များပါတယ်။ လျှာထုတ်တာကြောင့် သွားတွေမညီညာဘဲ သွားခေါခြင်း၊ သွားဖုံးမောက်ခြင်းများဖြစ်စေနိုင်ပါတယ်။

သွားကျိုးလွယ်ခြင်း

မေမေတို့ရေ သားသားမီးမီးလေးတွေ သွားလေးတွေကျိုးရင် “သကျိုးလေး” ဆိုပြီး ချစ်ကြစကြတာ ရှိပါတယ်။ ဒါဟာ ကျန်းမာရေးအရတော့ မကောင်းပါဘူး။ ကလေးလေးတွေမှာ သွားပိုးစားခြင်းတွေကြောင့် သွားကျိုးနိုင်ပါတယ်။ ကြီးသွားတွေ မပေါက်မီ ငယ်သွားတွေ ကျိုးခြင်းက အနီးအနားရှိသွားများ ယိုင်တာတွေ၊ စောင်းတာတွေ ဖြစ်နိုင်ပါတယ်။ ဒီအခါမှာ ကြီးသွားတွေ ပေါက်လာရင်လည်း မညီညာတာတွေ ဖြစ်နိုင်ပါတယ်။ သွားများရွဲ့စောင်းခြင်း၊ သွားထပ်များပေါက်ခြင်းများ ဖြစ်ပွားစေနိုင်ပါတယ်။

မေမေ့ကလေးလေးမှာ သွားပြဿနာတွေ ကင်းဝေးစေပြီး ညီညာလှပတဲ့ သွားလေးတွေရရှိစေချင်တယ်ဆိုရင်တော့ အပေါ်မှာ ဖော်ပြထားတဲ့ လက်မစုပ်တာတွေ၊ နှုတ်ခမ်းသပ်တာတွေကို ရပ်ခိုင်းပါနော်။