အော်တစ်ဇင်(Autism)အကြောင်းသိကောင်းစရာ

အော်တစ်ဇင်(Autism)အကြောင်းသိကောင်းစရာ
===========================(ကလေးဦးနှောက်အာရုံကြောရောဂါကုဌာန ရန်ကုန်ကလေးဆေးရုံကြီး မှပြုစုသည်။)

အော်တစ်ဇင်ဆိုသည်မှာကလေးတစ်ဦး၏ဘ၀တစ်လျှောက်လုံး၌အပြန်အလှန်ပြောဆိုဆက်သွယ်ခြင်း၊ ပေါင်းသင်းဆက်ဆံခြင်း စသည်တို့ပုံမှန်မဟုတ်သောအခြေအနေတစ်မျိုးဖြစ်ပါသည်။

အော်တစ်ဇင်သည် စိတ်ရောဂါတစ်မျိုးမဟုတ်ပါ။ လူမျိုး၊ ဘာသာ၊ နေရာ၊ ဒေသမရွေးတစ်ကမ္ဘာလုံးတွင် ဖြစ်နိုင်ပြီးယောက်ျားလေးများသည် မိန်းကလေးများထက် (၄) ဆပို၍ ဖြစ်တတ်ပါသည်။ (ကျား : မ = ၄ : ၁ )

“အော်တစ်ဇင်” ဖြစ်ရသောအကြောင်းရင်း
======================

ထင်မြင်ယူဆချက်အမျိုးမျိုးရှိသော်လည်းယခုအချိန်အထိမည်သည့် အကြောင်းကြောင့်ဖြစ်ကြောင်းခိုင်ခိုင်မာမာသက်သေမပြနိုင်သေးပါ။တစ်ချို့သုတေသနများမှ မျိုးရိုးဗီဇသည် အော်တစ်ဇင် ဖြစ်ရခြင်းနှင့် ဆက်စပ်မှုရှိသည်ဟုတွေ့ရှိခဲ့သော်လည်းမျိုးရိုးလိုက်သည်ဟုတိတိကျကျ မပြောနိုင်ပါ။ ကာကွယ်ဆေးများ၊ဗီတာမင်ဓာတ်ချို့တဲ့ခြင်းများ စသည်တို့နှင့်လည်း လုံးဝမသက်ဆိုင်ပါ။

“အော်တစ်ဇင်” လက္ခဏာများ
===============

အော်တစ်ဇင်တစ်ဦးနှင့်တစ်ဦးလက္ခဏာများထပ်တူထပ်မျှမတူညီကြပါ။ သို့သော်အတွေ့များသောလက္ခဏာများမှာ

စကားပြောနောက်ကျခြင်း၊ တတ်ပြီးသားစကားအချို့မပြောတော့ခြင်း၊ အဓိပ္ပါယ်ဖော်မရသော အသံများထွက်ခြင်း၊ သံယောင်လိုက်ခြင်း

တစ်ယောက်တည်းအထီးကျန်နေတတ်ပြီး၊ အခြားသူများနှင့်ပေါင်းသင်းဆက်ဆံရာတွင် အခက်အခဲရှိခြင်း

လူအများနားလည်သောကိုယ်ဟန်အမူအရာ၊ မျက်နှာအမူအရာ၊ အသံနေအသံထားတို့ကိုနားမလည်ခြင်း၊မိမိကိုယ်တိုင်လည်းအမူအရာမပြတတ်ခြင်းဥပမာ – လက်ညှိုးထိုးမပြတတ်ခြင်း၊

အခြားကလေးများနှင့်အတူတကွ ပါဝင်မကစားခြင်း၊ စိတ်ကူးပုံဖော်ရသောကစားနည်းများ၊ စဉ်းစားတွေးခေါ်ရသောကစားနည်းများကိုမကစားနိုင်ခြင်း၊ ကစားနည်းတစ်ခုတည်းကိုသာထပ်ခါထပ်ခါ ကစားနေတတ်ခြင်း

အသံ၊ အရသာ၊ အထိအတွေ့ အစရှိသောအာရုံခံစားမှုများပုံမှန်မဟုတ်ခြင်း
အစွဲအလန်းကြီးခြင်းဥပမာ – ပစ္စည်းတစ်ခုခု (အ၀တ်အစား/အသုံးအဆောင်) အစားအသောက် စသည်တို့ကိုပြောင်းလဲ၍မရခြင်း

အော်တစ်ဇင် ဖြစ်ကြောင်းစစ်ဆေးခြင်း
====================

အော်တစ်ဇင် ဖြစ်ကြောင်းသွေးစစ်ခြင်း၊ ဓာတ်မှန်ရိုက်ခြင်းစသည်တို့ ပြုလုပ်၍မသိရှိနိုင်ပါ။ အော်တစ်ဇင် ဖြစ်ခြင်း၊ မဖြစ်ခြင်းကို ကျွမ်းကျင်သူပညာရှင်များမှ ကလေး၏လက္ခဏာ၊ အမူအကျင့်၊ အခက်အခဲများကိုခြုံငုံသုံးသပ်ပြီး နိုင်ငံတကာမှသတ်မှတ်ထားေ သာအော်တစ်ဇင်လက္ခဏာများနှင့် တိုက်ဆိုင်စစ်ဆေးသိရှိနိုင်ပါသည်။ အော်တစ်ဇင်လက္ခဏာများမှာ ကျယ်ဝန်းလှပါသည်။ အပြင်း-အပျော့ ပေါ်မူတည်၍လည်းကွဲပြားခြားနားပါသည်။ကလေးတစ်ယောက်ထဲတွင်ပင် အချိန်ကြာလာသည်နှင့်အမျှ လက္ခဏာအပြောင်းအလဲရှိနိုင်ပါသည်။

ကုသခြင်း
=====

လုံးဝပျောက်ကင်းသည့် ကုသနိုင်သည့်နည်းလမ်း၊ ဆေးဝါးမရှိသေးပါ။ သို့သော် အော်တစ်ဇင်ဖြစ်ကြောင်းစောစီး စွာဖော်ထုတ်သိရှိပြီး မှန်ကန်သောလေ့ကျင့်သင်ကြားမှုများစနစ်တကျ ပြုလုပ်နိုင်ပါက သိသိသာသာတိုးတက်လာနိုင်ပြီးသူတစ်ပါးအပေါ်နှင့် မိသားစုအပေါ် အမှီအခိုနည်းနည်းဖြင့် ရပ်တည်နိုင်စွမ်းရှိလာပါမည်

အော်တစ်ဇင် ဖြစ်ကြောင်းသံသယရှိလျှင်
=====================

အော်တစ်ဇင်အကြောင်းနားလည်သည့် အထူးကုဆရာဝန်တစ်ဦးဦးနှင့် ပြသစစ်ဆေး၍ညွှန်ကြားချက်အတိုင်းလိုက်နာရပါမည်။

အော်တစ်ဇင်ကလေးများကိုလေ့ကျင့်သင်ကြားပေးနိုင်သောကျောင်းများသည် ယခုအခါရန်ကုန်၊ မန္တလေး၊ နေပြည်တော်၊ မော်လမြိုင် စသော မြို့များတွင်ရှိပါသည်။

အော်တစ်ဇင်ကလေးများတွင် အတက်ရောဂါ၊ အလွန်အမင်းဂဏာမငြိမ်ခြင်း၊ မအိပ်ခြင်းစသည်တို့နှင့် တွဲ၍ဖြစ်လာပါက ဆေးဝါးများလိုအပ်နိုင်ပါသည်

*******************
ဒေါက်တာကျော်လင်း
ကလေးအထူးကုဆရာဝန်ကြီး
ပါမောက္ခ၊ ကလေးအာရုံကြောပညာ
ကလေးဆေးရုံကြီး၊ ရန်ကုန်မြို့၏ Facebook မှကူးယူဝေမျှပါသည်။