သားသားမီးမီးတို့ အတွက် မွေးစကနေ တစ်နှစ်အောက်ထိ ထိုးရမယ့် ကာကွယ်ဆေးများ

တစ်နှစ်အောက် သားသားမီးမီးတွေမှာ ဒီရောဂါ ဖြစ်ပွားခဲ့ရင် အသေအပျောက်များတတ်လို့  ကာကွယ်ဆေး ထိုးပေးထားဖို့ အထူးလိုအပ်ပါတယ်။

မေမေတို့ရေ သားသားမီးမီးတို့ကို ရောဂါခြောက်မျိုးမှ ကာကွယ်ပေးမယ့် ကာကွယ်ဆေးများကို မွေးစကနေ အသက်တစ်နှစ် အတွင်း ထိုးပေးရမှာ ဖြစ်ပါတယ်။ ရောဂါခြောက်မျိုးကတော့ တီဘီ ( BCG )၊ ဆုံဆို့၊ ကြက်ညှာ၊ မေးခိုင် ( DPT )၊ ပိုလီယို နဲ့ ဝက်သက်ရောဂါ ကာကွယ်ဆေးတို့ပဲ ဖြစ်ပါတယ်။ အသည်းရောင်အသားဝါဘီပိုး ကာကွယ်ဆေးကို သားသားမီးမီးလေးတို့တွေ မွေးမွေးပြီးခြင်းမှာ တစ်ကြိမ်ထိုးပေးပါတယ်။ နောက်တစ်အကြိမ် အသည်းရောင်အသားဝါဘီပိုး ကာကွယ်ဆေးကိုပဲ မွေးပြီး တစ်လအကြာမှာ ထပ်ထိုးပေးရပါမယ်။ ဒီ့နောက် ငါးလအကြာတကြိမ် ထပ်ထိုးပေးရမှာ ဖြစ်ပါတယ်။

သားသားမီးမီးတို့အတွက် အဓိကထိုးပေးရမယ့် ကာကွယ်ဆေးကတော့ ဆုံဆို့၊ ကြက်ညှာ၊ မေးခိုင် ကာကွယ်ဆေးများ ဖြစ်ပါတယ်။ နှစ်လခွဲ နဲ့ သုံးလခွဲ အရွယ်တွေမှာ ထိုးပေးရမှာဖြစ်ပြီး တစ်နှစ်အတွင်း ထိုးပေးဖို့ အရေးကြီးပါတယ်။ ဒီဆေးတွေကို တစ်လခြားစီ သုံးကြိမ်ထိုးပေးရမှာ ဖြစ်ပါတယ်။ ကြက်ညှာ၊ ချောင်းဆိုး ကာကွယ်ဆေးတွေကို အသက်တစ်နှစ်ကျော်မှ ထိုးပေးရင် သားသားမီးမီးတို့အတွက် အန္တရာယ်ရှိလို့ ဒီ သုံးမျိုးစပ်ဆေးတွေကို တစ်နှစ်အောက်မှာပဲ ထိုးသင့်တယ်လို့ သိရပါတယ်။ တစ်နှစ်အောက် သားသားမီးမီးတွေမှာ ဒီရောဂါဖြစ်ပွားခဲ့ရင် အသေအပျောက်များတတ်လို့ ကာကွယ်ဆေး ထိုးပေးထားဖို့ အထူးလိုအပ်ပါတယ်။ တီဘီကာကွယ်ဆေးကို တစ်လခွဲအရွယ်၊ မေးခိုင်နဲ့ ပိုလီယိုကို တစ်လခွဲ၊ နှစ်လခွဲ၊ သုံးလခွဲအရွယ်မှာ ထိုးပြီး ဝက်သက် ကာကွယ်ဆေးကိုတော့ ကိုးလ၊ ဆယ်လအရွယ်မှာ ထိုးပေးရပါမယ်။

ဦးနှောက် အမြှေးရောင်ရောဂါ ကာကွယ်ဆေးက နှစ်လသားအရွယ်မှာ စထိုးလို့ရပြီး ၂ လခြားစီ သုံးကြိမ်ထိုးရပါမည်။ ကာကွယ်ဆေးတွေကို အကြိမ်ပြည့်မထိုးရင် ထိရောက်တဲ့ ကာကွယ်မှု မရတော့ဘဲ ဆေးထိုးနေတဲ့ကြားက ရောဂါဖြစ်တတ်ပါတယ်။ ကာကွယ်ဆေးထိုးဖို့ နောက်ကျခဲ့ရင် ရောဂါဖြစ်ပွားတတ်ပါတယ်။
တီဘီ ကာကွယ်ဆေးကလွဲလျှင် ကျန်ကာကွယ်ဆေး အားလုံးကို (ဆေးထိုးပြီးပြီးချင်း) ဖိချေပေးသင့်ပါတယ်။ အသားထဲအပ်ထိုးတာမို့ သွေးထွက်တတ်ပါတယ်။ သွေးတိတ်အောင် ဖိထားဖို့လိုပါတယ်။ တစ်ခါတစ်ရံ ထိုးတဲ့နေရာကနေ ဖုလုံးဖြစ်တတ်ပါတယ်။

ဘာကြောင့်လဲဆိုတော့ ဆေးထိုးနေချိန်မှာ ကလေးငိုတော့ မိဘတွေကသနားပြီး သိပ်မချေပေးဖြစ်တော့ သွေးထွက်ပြီး သွေးခြည်ဥ သွားလို့ပါပဲ။ မသန့်ရှင်းတဲ့ လက်တွေနဲ့ ချေပေးရင်လည်း ပိုးဝင်တတ်ပါတယ်။ အခုတော့ တစ်ခါသုံးအပ်တွေပဲ သုံးတဲ့အတွက် ဆေးထိုးတဲ့ နေရာပိုးဝင်မှု ဖြစ်ခဲပါတယ်။ မတော်တဆ ပိုးဝင်ခဲ့ရင်တော့ နီရဲလာပြီး မထိမခံနိုင်ဘဲ ပူတတ်၊ ဖျားတတ်ပါတယ်။  အဖုဖြစ်တာကိုတော့ ဘာမှလုပ်စရာ မလိုပါဘူး။ ရေနွေးဝတ်ကပ်ပေးပြီး ကလေးခံနိုင်သလောက် တစ်နေ့ သုံးလေးကြိမ် ချေပေးရင်ရပါပြီ။ ပိုးဝင်လို့ နီရဲပြီး အဖုဖြစ်ရင်တော့ ဆရာဝန်နဲ့ ပြန်ပြသင့်ပါတယ်။ ကံမကောင်းလို့ ပြည်တည်နာ ဖြစ်သွားခဲ့ရင် ပိုးသတ်ဆေးသောက်ပြီး ခွဲရတဲ့အဆင့် ရောက်သွားတတ်ပါတယ်။ အဲဒီလိုဖြစ်ရင် ကာကွယ်မှုလည်း မရနိုင်တော့ဘူး။

 

 

Source : ဒေါက်တာအိအိခင် (ကလေး)

From Kalay with