ကလေးတို့အတွက်ပုံပြင် – စာရွက်ဟောင်းကလေးတစ်ရွက်

ကလေးတို့အတွက်ပုံပြင် – စာရွက်ဟောင်းကလေးတစ်ရွက်

ကလေးတို့ရေ …

လွန်ခဲ့တဲ့နှစ်ပေါင်းများစွာကအနောက်နိုင်ငံကကျောင်းတစ်ခုရဲ့စာသင်ခန်းအတွင်းမှာရှိတဲ့ကလေးတွေဟာအငြင်းအခုံတွေအသဲအသန်ဖြစ်နေခဲ့ကြသတဲ့။ ကလေးတွေဟာတစ်ယောက်ကိုတစ်ယောက်အရမ်းစိတ်ဆိုးနေကြတာများမကြာခင်အတွင်းမှာရန်ဖြစ်ကြတော့မဲ့အခြေအနေ မှာရှိပါတယ်။ အဲဒီအချိန်မှာအတန်းပိုင်ဆရာမရောက်လာပြီးအတန်းသားတွေ အကုန်လုံးကိုထိုင်ခိုင်းပြီးငြိမ်ငြိမ်နေဘို့အမိန့်ထုတ်လိုက်ပါတယ်ကွယ်။ “Order” ဆိုတဲ့ “စည်းကမ်းတစ်ပြေးတည်းလိုက်နာမှု” ပေါ့ကွယ်။ တစ်ချို့ကလည်း “ငြိမ်-ဝပ်-ပိ-ပြား-မှု” လို့အရမ်းဘာသာပြန်ကြတာရှိသေးတယ်ကွဲ့။ ဒါတွေထားပါတော့။

အတန်းငြိမ်သွားတဲ့အခါဆရာမကကျောင်းသားတိုင်းကိုစာရွက်ဖြူကြီးတစ်ရွက်ထုတ်ပေးပြီးအလည်တည့်တည့်ကနေအပေါ်အောက်လိုင်းတစ်ကြောင်းတားခိုင်းပါတယ်။ နောက်တော့ဆရာ မကဒီလိုဆက်ပြောပါတယ်။ “အတန်းထဲမှာမင်းတို့မုန်းတဲ့၊ မင်းတို့မကြိုက်တဲ့ကျောင်းသား/သူတစ်ယောက်ကိုရွေး။ ပြီးယင်စာရွက်ထိပ်မှာသူ့နာမယ်ရေး။ လိုင်းတားထားတဲ့ဘယ်ဘက်ခြမ်းမှာသူ့ကိုမကြိုက်တာတွေ၊ သူတို့အပြစ်တွေအားလုံးချရေး” လို့ပြောလိုက်ပါတယ်ကွယ်။ ကလေးတွေဟာအလွယ်တကူချရေးနိုင်ခဲ့ကြပါတယ်။ ခုလေးတင်ဘဲသူတို့အငြင်းအခုံတွေဖြစ်ထားကြတယ်မဟုတ်လား။

သူတို့အားလုံးရေးပြီးတဲ့အခါဆရာမက “ကဲ..အခုညာဘက်ခြမ်းမှာသူ့ရဲ့ကောင်းတဲ့အချက်တွေနဲ့သူ့ကိုဘာကြောင့်ခင်ရတယ်ဆိုတာတွေချရေးကြ” .. လို့အမိန့်ပေးလိုက်ပါတယ်ကွယ်။

ညာဘက်ခြမ်းကိုရေးရတာကနည်းနည်းပိုကြာခဲ့ပါတယ်ကလေးတို့ရေ။ ဒါပေမဲ့စရေးလိုက်တာနဲ့ ‘သူတို့ရန်သူရဲ့ကြိုက်စရာအချက်တွေကိုသူတို့တစ်ဖြည်းဖြည်းရေးနိုင်လာခဲ့ကြပါတယ်။

အားလုံးရေးပြီးသွားတဲ့အခါမှာ “အခုအားလုံးအဲဒီစက္ကူကိုအလည်ကနေဂရုတစ်စိုက်နဲ့လိုင်းကြောင်းအတိုင်းဆွဲဖြဲလိုက်” .. လို့ဆရာမကခိုင်းခဲ့ပါတယ်ကွယ်။ ပြီးတော့ဘယ်ဘက်ခြမ်းကအပိုင်းကိုတစ်စစီဆွဲဖြဲပြီးဆရာမစားပွဲဘေးကအမှိုက်ခြင်းထဲကိုလာပစ်ခိုင်းပါတယ်။ ပြီးတော့ညာဘက်ခြမ်းကိုစာ ရွက်ပေါ်ကကျောင်းသား/ကျောင်းသူနာမယ်ရှင်ကိုသွားပေးခိုင်းပါတယ်။

အဲဒီမကျေနပ်မှုကြီးရပ်တန့်သွားခဲ့ပါတယ်ခလေးတို့ရေ။ ရပ်တန့်မှုထက်မကပိုပြီး ထိရောက်ခဲ့ပါတယ်။

နောက်နှစ်ပေါင်းများစွာအကြာမှာအဲဒီအတန်းထဲကကျောင်းသားလေးတစ်ဦးလူကြီးအရွယ်မှာကွယ်လွန်သွားခဲ့ပါတယ်။ (ကလေးတို့ဗဟုသုတရအောင်ဒီနေရာမှာကြားဖြတ်ပြောပြချင်တာလေးနည်းနည်းရှိပါတယ်။ အနောက်နိုင်ငံတွေရဲ့အသုဘအခန်းအနားမှာကွယ်လွန်သူရဲ့ခင်ပွန်း၊ ဇနီး၊ သား၊ သမီး၊ အရင်းနှီးဆုံးမိတ်ဆွေတို့ကကွယ်လွန်သူရဲ့ဂုဏ်ယူစရာအချက်တွေကိုတိုတိုပြောတတ်တဲ့ထုံးစံရှိပါတယ်ကွယ်။ အဲဒါကို Eulogy လို့ခေါ်ပါတယ်။ Eulogy ဆိုတာဘ၀သမိုင်း နဲ့ကိုယ်ရေးရာဇ၀င်မဟုတ်ဘူးနော်။ ကျန်ရစ်သူ အတွက်တော့အင်မတန်ကြီးမားတဲ့ကွယ်လွန်သူရဲ့ချစ်စရာအသေး အမွှားလေးအချက်ကလေးတွေ၊ ဂုဏ်ယူစရာတွေပေ့ါကွယ်။ များသောအားဖြင့် Eulogy ကိုကဗျာအဖြစ်ရေးထား တတ်ပါတယ်။ အင်မတန်ကောင်းတဲ့ဓလေ့လေးတွေ၊ အချက်ကလေးတွေပါ။ လိုက်ပို့တဲ့မိတ်ဆွေတွေထဲကလည်းကွယ်လွန်သူရဲ့ကောင်းကြောင်းတစ်ခုခု၊ ကျေးဇူးတစ်ခုခုကိုအသုဘမှာပြောလေ့ရှိပါတယ်။ တော်ရိလျော်ရိအသေးအမွှားလေးတွေမဟုတ်ပါဘူးကွယ်။ အင်မတန်လှပတဲ့အကြောင်းလေးတစ်ခုခုကိုတိုတိုပြောတာပါ။ ကွယ်လွန်သူဟာဂီတ ပညာရှင်/၀ါသနာရှင်ဖြစ်ခဲ့ယင်ဂီတပညာရှင်မိတ်ဆွေတွေကလည်း သီချင်းလေးတစ်ပုဒ်နဲ့ဂုဏ်ပြုတတ်ပါတယ်။ ကွယ်လွန်သူသီဆိုခဲ့တဲ့သီချင်းတို့၊ သူ့အကြိုက်ဆုံးသီချင်းတို့ပေါ့ကွယ်။ အသုဘလိုက်ပို့တဲ့လူတွေကလည်းကွယ်လွန်သူနဲ့သူ့မိသားစုကိုလေးစားသောအားဖြင့်ကုတ်အင်္ကျီတို့၊ နက်တိုင်အနက်တို့ဝတ်လာတတ်ကြပါတယ်။ စကားမပြောဘဲ တိတ်တိတ်ဆိတ်ဆိတ်နေတတ်ကြပါတယ်။ ကွယ်လွန်သူရဲ့ခေါင်းကို Funeral parlor ထဲတွန်းလာတဲ့အခါလိုက်ပို့သူအားလုံးကမတ်တတ်ရပ်ပေးလေ့ရှိပါတယ်။ အနောက်နိုင်ငံတွေမှာအိမ်တို့၊ ရုံးခန်းတို့၊ ဘုရားကျောင်းအဆောက်အဦတို့ထဲဝင်လိုက်တာနဲ့ဦးထုပ်ချွတ်လေ့ရှိပါတယ်။ ကွယ်လွန်သူကိုကျင်းထဲချတဲ့အချိန်တို့၊ ကိုယ့်ရှေ့ကနေလူသေပါတဲ့ခေါင်းတစ်ခုဖြတ်သွားတဲ့ အခါတို့မှာလည်းဦးထုပ်ချွတ်တတ်ပါတယ်။ အရိုအသေပေးတဲ့သဘောပေါ့ကွယ်။ အသုဘဆိုတာညဈေးတန်းမှာကတဲ့ပွဲမဟုတ်ဘူးနော်။ ဣနြေ္ဒရရနဲ့ တိတ်တိတ်ဆိတ်ဆိတ်နေသင့်ပါတယ်။ အခုဆိုယင်အရင်ခေတ်ကလို “လူတစ်ကာအကုန်လိုက်” မဟုတ်တော့ဘဲဧည့်သည်တွေကို funeral parlor ထဲမှာဘဲကော်ဖီတို့၊ မုန့်တို့နဲ့ဧည့်ခံနေတုန်းနောက်ပေါက်ကနေကွယ်လွန်သူရဲ့သားသမီးနဲ့ဆွေမျိုးလက်တစ်ဆုပ်စာဘဲတိတ်တိတ်လေးသုသာန်ကိုထွက်သွားပြီးခေါင်းကိုကျင်းထဲချယင်ချ၊ မချယင်မီးသဂြိုလ်စက်ထဲထည့်လေ့ရှိပါတယ်။ နောက်တစ်ခုကအနောက်နိုင်ငံတွေမှာအသက်ရှိရှိမရှိရှိ၊ ခွင့်မတောင်းဘဲနဲ့ဓါတ်ပုံမရိုက်ရပါဘူးကွယ်။ အခုခေတ်မှာတော့ FB ပေါ်မှာလူသေဓါတ်ပုံတွေပိုးစိုးပက်စက်တင်ထားကြတာသေသူကိုတောင်ရိုသေလေးစားမှုမရှိတော့ပါဘူးကွယ်။ ကိုယ့်ပုံတင်ယင်ကြိုက်မလားစဉ်းစားကြည့်ကလေးတို့ရေ။ လေးစားမှုဆိုတာသေသွားတာတောင်ပြရပါတယ်။ လူဟာတိရစ္ဆာန်ထက်မြင့်မြတ်တာ၊ သာတာမမေ့နဲ့နော်)

ကဲစောစောကအကြောင်းပြန်ဆက်ရအောင်။ အဲဒီကျောင်းသားလေးတစ်ဖြစ်လဲလူကြီးရဲ့အသုဘမှာကျန်ရစ်သူသူ့ဇနီးက Eulogy စကားပြောပါတယ်။ သူမဟာဟောင်းနွမ်းဆွေးမြေ့နေတဲ့စက္ကူတစ်ရွက်ဆွဲထုတ်လိုက်ပါတယ်။ အဲဒီစက္ကူဟာသူငယ်ငယ်ကသူ့ရန်ဘက်တော်ကသူ့ကောင်းကြောင်းတွေရေးခဲ့တုန်းကကျန်ခဲ့တဲ့တစ် ခြမ်းသောစက္ကူကလေးပါဘဲကွယ်။

ကျန်ရစ်သူဇနီး အမျိုးသမီးကြီးကပြောပါတယ်။ “ဒီစက္ကူပိုင်းကလေးကိုကျွန်မယောင်္ကျားဟာသူငယ်ငယ်ကျောင်းသားလေးအရွယ်ကစလို့ပိုက်ဆံအိတ်ထဲထည့်ပြီးအမြဲဘဲသွားလေရာကိုယူသွားလေ့ရှိပါတယ်။ ဒီစာရွက်ကလေးပေါ်မှာရေးထားတာတွေက ‘သူ့ရန်သူတစ်ယောက်ကသူ့ကိုဘာကြောင့်နှစ်သက်ရတယ်’ ဆိုတာတွေရေးထားတာပါ။ သူ့ခင်ပွန်း စိတ်တိုနေတဲ့အခါတွေနဲ့စိတ်ဓါတ်ကျနေတဲ့အခါတွေတိုင်းမှာဒီစာရွက်ကလေးကိုထုတ်ထုတ်ပြီးဖတ်တတ်ပါတယ်။ ဒီစာရွက်ကလေးကသူ့ကိုအမြဲဘဲမျှော်လင့်မှုတွေရှိစေခဲ့ပါတယ်။ ဒီစာရွက်ကလေးကသူ့ကိုလောကဒါဏ်ဝေဒနာတွေကနေနာကျင်မှုတွေကိုလျော့ပါးစေခဲ့ပါတယ်။ ဒီစာရွက်ကလေးဟာသူ့ရန်သူကတောင်တန်ဘိုးထား၊ အသိအမှတ်ပြုခဲ့၊၊ လေးစားခဲ့ရတဲ့၊ ကျွန်မခင်ပွန်းအတွက်တော့အဓိပ္ပါယ်အရမ်းရှိ၊ တန်ဘိုးရှိတဲ့စာရွက်ကလေးပါ” … လို့ပြောခဲ့ပါတယ်။

အဲဒီအချိန်မှာအမျိုးသားသုံးလေးဦးကတစ်ပြိုင်နက်ထဲထရပ်လိုက်ကြပါတယ်။ သူတို့ရဲ့ပိုက်ဆံအိတ်တွေဆွဲထုတ်ပြီး အထဲကနေစာရွက်ခေါက်ကလေးတစ်ခုစီဆွဲထုတ်ခဲ့ကြပါတယ်ကွယ်။ သူတို့ဟာအဲဒီအတန်းထဲကကျောင်းသားလေးတွေဖြစ်ခဲ့ကြပြီးသူတို့ရဲ့သူငယ်ချင်းကိုနောက်ဆုံးနှုတ်ဆက်ဘို့လာခဲ့ကြတာပါဘဲ။ ဒီစာရွက်ကလေးတွေကသူတို့အတွက်အဓိပ္ပါယ်နဲ့တန်ဘိုးရှိလွန်းလို့သူတို့လည်းတစ်ချိန်လုံးဒီစာရွက်ကလေးတွေကိုကိုယ်နဲ့မကွာသယ်ထား ခဲ့ကြပါတယ်ကလေးတို့ရေ။ သူတို့လည်း ‘ရန်သူကတောင်အသိအမှတ်ပြုရတဲ့’ သူတို့ရဲ့ကောင်းချက်ကလေးတွေပါတဲ့ စာရွက်ကလေးတွေကိုဒီနှစ်တွေထဲမှာသိမ်းထားခဲ့ကြပါတယ်ကွယ်

ကွယ်လွန်သူရဲ့ဇနီးဟာဒီအမျိုးသားတွေအားလုံးရဲ့လျှို့ဝှက်ချက်တစ်ခုကိုဖွင့်ဟပြခဲ့ပါတယ်။ အဲဒီလျှို့ဝှက်ချက်ကတော့‘သူတို့အားလုံးဒီဆယ်စုနှစ်ပေါင်းများစွာကိုစိတ်ဓါတ်မကျဘဲကျော်ဖြတ်သွားနိုင်အောင်ဒီစာရွက်ကလေးတွေကခွန်အားတွေပေးနေခဲ့တယ်’ ဆိုတာပါဘဲ။

ပုံပြင်ကလေးကတော့ဒါပါဘဲကွယ်

ချီးမွမ်းချက်သေးသေးလေးတစ်ခု၊ ချီးမွမ်းချက်ကလေးအနည်းငယ်ဟာကြီးမားတဲ့ပျော်ရွှင်မှုတစ်ခု၊ များပြားတဲ့ပျော်ရွှင်မှုတို့ကိုဖြစ်စေနိုင်ပါတယ်ကလေးတို့ရေ။

ကလေးတို့လိမ္မာယဉ်ကျေးတဲ့မိကောင်းဖခင်သားသမီးတွေဖြစ်ကြပါစေကွယ်။

(လွတ်လပ်စွာ Share နိုင်ပါသည်)