ကလေးများနဲ့ Screen-time

ကလေးများနဲ့ Screen-time
========================
တီဗီ ဒီဗီဒီ ကွန်ပြူတာ smart ဖုန်း iPad tablet စသည်တို့သုံးစွဲတဲ့ အချိန်ကို screen-time လို့ခေါ်ပါတယ်။*၂ နှစ်အောက် ကလေးမှာ screen time လွန်လွန်ကဲကဲများရင် စကားပြောနောက်ကျခြင်း၊ တွားသွား၊ ထိုင်ထ၊ လမ်းလျှောက်နောက်ကျခြင်:တို့ ဖြစ်နိုင်ပါတယ်။

*၂ နှစ်နဲ့ ၁၀နှစ်ကြား ကလေးများ screen time လိုတာထက်ပိုရင် အရိုးနဲ့ ကြွက်သားမှု ဖွံ့ဖြိုးမှု နည်းပြီး လူမှု ဆက်ဆံစကားပြောဆိုရာမှာ အားနည်းနိုင်ပါတယ်။

*ဆယ်ကျော်သက်များ screen time ကြာလွန်းရင် အထက်ပါ ဆိုးကျိုးများအပြင် ပညာရေးထိခိုက်ခြင်း၊ အပေါင်းအသင်းမှားခြင်း နဲ့ စိတ်ဓာတ်ပိုင်းဆိုင်ရာ ဖွံဖြိုးမှုကို အနှောင့်အယှက်ဖြစ်ခြင်းတို့ ရှိနိုင်ပါတယ်။

ကမ္ဘာကို ဦးဆောင်နေတယ့် ဗြိတိန်၊ အမေရိကန်နဲ့ သြစတြေးလျ နိုင်ငံများမှာ screen time နဲ့ ပတ်သက်ပြီး မိဘတွေကို အကြံပြုချက်က

-၁ နှစ်ခွဲ အောက် ကလေးများ screen time လုံးဝ မရှိသင့်ပါတဲ့။ ခြွင်းချက်ကတော့ ရေခြားမြေခြားရောက်နေတဲ့ မိဘများ ဆွေမျိုးများနဲ့ Video Chat လုပ်နိုင်ပါတယ်။

-၁နှစ်ခွဲ နဲ့ ၂ နှစ် ကြား ကလေးများကို အရည်အသွေးပြည့်မီတဲ့ ကာတွန်း နဲ့ ကလေး သီချင်းလေးများ ဖွင့်ပြနိုင်ပါတယ်။ မိဘတွေ ဘေးမှာ တူတူရှိပြီး ကလေးမြင်နေတာလေးတွေ ရှင်းပြခြင်းဖြင့် ကလေးစကားပြောမြန်အောင် သင်ပေးနိုင်ပါတယ်။

-၂နှစ် အထက် ကလေးများမှာ စကားပြောသင်ဖို့၊ ပညာရေး တိုးတက်ဖို့၊ ဉာဏ်ရည်မြင့်မားအောင် အထောက်အကူပြုမယ့် ကစားနည်းများ ကစားဖို့နဲ့ မိသားစု အပန်းဖြေရေးအတွက် screentime ရှိနိုင်ပါတယ်။ ၁ ရက်ကို ၁ နာရီ ထက်မပိုပါနဲ့။ ဆယ်ကျော်သက်များ တစ်ရက်ကို ၂ နာရီ ထက် ပိုမသုံးသင့်ပါ။

#နေနေမိုးဆွေ (Child Health Myanmar Page)
#naynaymoeswe