ကလေးတွေရဲ့အစာခြေစနစ်ပြဿနာတွေ ဘယ်လိုကာကွယ်မလဲ
မေမေရယ် ဗိုက်အောင့်တယ် လို့ မပြောတတ်သေးတဲ့ကလေးတွေအတွက်က မိဘတွေပိုပြီးဂရုစိုက်ပေးရပါတယ်။ အမူအရာလေးတွေ ဘာများထူးခြားနေလဲ၊ အရင်နဲ့မတူတာ ဘာများဖြစ်နေလဲ၊ အရိပ်ကြည့် အကဲခတ်နေရမှာပါ။ မဟုတ်ရင် ငိုတာတမျိုးပဲတတ်တဲ့ကလေးခမျာ ဘာကြောင့်ငိုနေမှန်းမသိ၊ ဘယ်လိုချော့ရမှန်းမသိနဲ့ ကုသမှုခံယူဖို့ မလိုအပ်ဘဲ အချိန်ကြာနေရင် ဘယ်ကောင်းပါ့မလဲ။
ကလေးတွေမှာ အဖြစ်များတဲ့ပြဿနာကတော့ အစာခြေစနစ်နဲ့ပတ်သက်တာတွေဖြစ်ပါတယ်။ မကြာခဏဖြစ်တတ်ပေမယ့် အစပိုင်းမှာ လက္ခဏာပေါ်လိုက်ပျောက်လိုက်ဆိုတော့ မေ့မေ့လျော့လျော့ဖြစ်သွားတတ်ပါတယ်။ ကလေးငိုရင် အလိုမကျတာရယ်၊ ဆာတာရယ်အပြင် အစာခြေစနစ်မှာ ပြဿနာရှိနေတာဖြစ်နိုင်တယ်လို့ မေမေတို့သိထားသင့်ပါတယ်။
အစာခြေစနစ် ပြဿနာရှိနေတာ ဘယ်လိုသိနိုင်မလဲ
ကလေးမှာ အစာခြေစနစ်ရဲ့လုပ်ဆောင်ချက်တွေနဲ့ပတ်သက်ပြီး ပြဿနာတစ်ခုခုရှိနေပြီဆိုရင် ဒီလက္ခဏာတွေကို တွေ့ရတတ်ပါတယ်။
ပျို့တက်တယ်
ကလေးတွေ ပြန်ပျို့တက်တာက အကြောင်းရင်းအမျိုးမျိုးရှိနိုင်ပါတယ်။ အစာမကြေတာ၊ မအီမသာဖြစ်တာ၊ အစားများတာ၊ ချောင်းဆိုးတာ၊ တအားငိုထားတာ၊ အစာအဆိပ်သင့်တာ အစရှိတဲ့ အကြောင်းရင်းတွေကြောင့် ပျို့တတ်၊ အန်တတ်ပါတယ်။ တစ်ခါတလေ ပျို့အန်ရင်းနဲ့ ဝမ်းလည်းပျက်၊ ဗိုက်အောင့်၊ ကိုယ်ပူတာတွေပါ ဖြစ်နေတတ်ပါတယ်။ ဒါပေမယ့် –
- ဆီးနည်းနေတာ
- နှုတ်ခမ်းတွေခြောက်နေတာ
- အားကုန်နွမ်းလျနေတာ
- ကလေးက လုံးဝစိတ်မကြည်တာ ဆိုရင် ဆရာဝန်ပြသင့်ပါတယ်။
ဗိုက်အောင့်တယ်
ဗိုက်အောင့်တယ်ဆိုတာ သေချာမပြောတတ်ပေမယ့် ဗိုက်ကိုနှိပ်ပြီး မျက်နှာလေးရှုံ့မဲ့နေရင်၊ စားနေကျ အစားအသောက်တွေကိုပါ ငြင်းဆန်ပြီး ငိုနေရင် သတိထားကြည့်ပါ။ ဗိုက်အောင့်တဲ့ဝေဒနာက ဒီအကြောင်းရင်းတွေကြောင့်လည်း အဖြစ်များပါတယ် –
- ဝမ်းချုပ်ခြင်း
- ဝမ်းလျှောခြင်း
- အစာအဆိပ်သင့်ခြင်း
- အစာအိမ် အူလမ်းကြောင်းရောင်ရမ်းခြင်း
- အစာအိမ်ရောင်ခြင်း
- အစားများလွန်းခြင်း တို့ကြောင့်ဖြစ်နိုင်ပါတယ်။
ဒီဝေဒနာမှာ လေပွခြင်း၊ ကိုက်ခဲခြင်း၊ မအီမသာဖြစ်ခြင်းတို့ပါဝင်နေပြီဆို ဒါတွေလည်းဖြစ်နိုင်ပါတယ် –
- အစားအစာဓာတ်မတည့်ခြင်း
- နာတာရှည်အစာခြေစနစ်ရောဂါစု (Irritable bowel syndrome)
- အူအတက်ရောင်ခြင်း
- အူတွင်းပိတ်ဆို့ခြင်း
- နမိုးနီးယားရောဂါ။
ဝမ်းချုပ်ခြင်းနဲ့ ဝမ်းလျှောခြင်း
ကလေးတွေကို ဝမ်းချုပ်စေတဲ့အကြောင်းရင်းကလည်း အများကြီးရှိပါတယ်။ အိမ်သာသွားဖို့ တည်မရတာ၊ အမျှင်ဓာတ် ရေဓာတ်နည်းတဲ့ စားသောက်မှုအာဟာရ၊ ကိုယ်လက်လှုပ်ရှားမှုနည်းခြင်း စတာတွေပါဝင်ပါတယ်။ ကလေးက တစ်နေ့တစ်ကြိမ်တောင် ပုံမှန်ဝမ်းမသွားဘူးဆိုရင် ဝမ်းမချုပ်စေဖို့ ဆရာဝန်အကြံပြုချက်ကိုတောင်းပါ။
ဝမ်းပျက်နေတဲ့ကလေးတွေက အရည်တွေသွားမယ်၊ ဝမ်းပျော့ပျော့တွေ မကြာခဏသွားမယ်။ဗိုက်အောင့်၊ဗိုက်နာတာ ရှိချင်မှလည်းရှိမယ်။ ဝမ်းအရည်တွေသွားတဲ့ ကလေးတွေအတွက်တော့ ရေဓာတ်ဆုံးရှုံးမှုများလွန်းတဲ့အခြေအနေ အမြန်ဖြစ်သွားနိုင်တာမို့မြန်မြန်ကုသဖို့ လိုပါတယ်။
လေနာဖြစ်တာက လသားအရွယ်လေးကနေ စပြီးအဖြစ်များတဲ့ ဝေဒနာတစ်ခုဖြစ်ပါတယ်။ ဒီလိုဖြစ်ပြီဆို တခြားလက္ခဏာတွေလို သက်သာလိုက်ပြန်ဖြစ်လိုက်မဟုတ်ဘဲ ကလေးက နာရီအတော်ကြာ မရပ်မနားငိုနေပါလိမ့်မယ်။ နေ့ရော ညပါ သူခံစားရတိုင်းအော်ငိုနေမှာဆိုတော့ ကလေးလည်းမသက်သာ၊ မိဘလည်း မနားရ အတော်ဒုက္ခရောက်ကြရပါတယ်။ ကလေးလေနာ အတွက် သက်သာစေမယ့် ဆေးတွေကို ဆရာဝန်ညွှန်ကြားချက်အရ ဆောင်ထားပါ။
အစာအိမ်အက်စစ်ပြန်ဆန်တက်ခြင်း
အစာအိမ်ထဲက အက်စစ်ရည်ပြန်ဆန်တက်တာ (စားချဥ့်ပြန်ရောဂါ) လို့ခေါ်တဲ့ GERD လက္ခဏာတွေက ကလေးတွေမှာလည်း အဖြစ်များပါတယ်။ အစားအစာဓာတ်မတည့်မှု၊ အစာပြွန်အောက်ခြေကြွက်သားမှာ ပြဿနာရှိနေခြင်း တို့ကြောင့်ဖြစ်တတ်ပါတယ်။ ကလေးက ဒါမျိုးဖြစ်တတ်တယ်ဆိုရင် ငရုတ်သီး၊ချောကလက်၊ အဆီများတဲ့ အစားအစာတွေကို မကျွေးပါနဲ့။
အစားရွေး၊ အစားကြေးများလာတယ်
ကလေးတွေ အရင်ကလောက် အစားသိပ်မစားတော့ဘူးဆိုတာ မိဘတွေအတွက် သတင်းဆိုးတစ်ခုပါပဲ။ ဒါဟာ အစာခြေစနစ်ပြဿနာရှိနေတဲ့ ခပ်ပါးပါးလက္ခဏာ တစ်ခုဖြစ်နေပါသေးတယ်။ GERD ကြောင့်လည်း ကလေးတွေက အစားကြေးများလာတယ်၊ အရင်ကြိုက်နေကျ စားစရာတစ်ခုခုရဲ့အနံ့၊ပုံစံတို့ကိုတောင် မကြိုက်တော့ဘူး ငြင်းဆန်လာတယ်ဆိုတာ ဗိုက်ထဲ နေလို့မကောင်းတာလည်းဖြစ်နိုင်လို့ပါ။
အစာခြေစနစ်ပြဿနာတွေကို ဘယ်လိုကာကွယ်မလဲ
(၁) အမျှင်ဓာတ်
ဂျုံပြောင်းနှံတွေ၊ အသီးအနှံတွေ၊ အသီးအရွက်တွေလိုမျိုး အမျှင်ဓာတ်ကြွယ်ဝတဲ့အစားအစာတွေက အစာခြေစနစ်အတွက် တကယ်ကောင်းပါတယ်။ ပန်းသီး၊ ဟင်းနုနွယ်၊ ပန်းဂေါ်ဖီစိမ်း၊ မုန်လာဥနီ စတာတွေကို တနေ့တာအာဟာရထဲ ပါအောင်ကျွေးပါ။
(၂) ကိုယ်လက်လှုပ်ရှားမှု
ကိုယ်လက်လှုပ်ရှားမှုက ကျန်းမာစေတယ်ဆိုတဲ့အပြင် ကလေးရဲ့အစာခြေစနစ်အတွက်လည်း အရမ်းကိုအရေးပါပါတယ်။ ကလေးတွေကို ထိန်းရလွယ်အောင် တီဗီရှေ့မှာ အကျင့်လုပ်ထားတာ ဒါမှမဟုတ် ဖုန်းပေးပြီးဆော့ခိုင်းတာတွေက အစာခြေစနစ်လုပ်ဆောင်ချက်တွေကို အနှောင့်အယှက်ဖြစ်စေပါတယ်။ ပေါ့ပေါ့ပါးပါး လှုပ်ရှားပျော်ရွှင်အောင် ထားပေးရမယ်၊ တက်ကြွလှုပ်ရှားမှုကို အားပေးရပါမယ်။
(၃) ရေဓာတ်ဖြည့်ပါ
ကလေးတွေက ချွေးထွက်တာ၊ ဆီးသွားတာ၊ ခန္ဓာကိုယ်အရည်တွေဆုံးရှုံးရတာတွေကြောင့် အပြင် လူကြီးတွေလောက် ရေဓာတ်ထိန်းသိမ်းနိုင်စွမ်းမရှိတာကြောင့် ရေလုံလောက်အောင် တိုက်ပါ။ အချိုရည်တွေချည်း မတိုက်ပါနဲ့။ ရေကို မကြာခဏ တိုက်ပေးပါ။
(၄) ပမာဏ နည်းနည်းနဲ့ ခွဲကျွေးပါ
ကလေးကို တစ်နေ့ ဘယ်နကြိမ် ကျွေးပါသလဲ။ တစ်နေ့ ထမင်းနှစ်ကြိမ်ကျွေးပြီး အများကြီးတွေ မပြင်ထားပါနဲ့။ ထမင်းစားချိန်ဆိုပြီး ပုံစံခွက်ချထားတဲ့ ထမင်းပန်းကန်ကြီးနဲ့ မကုန်မချင်း လိုက်ခွံ့မှာလား။ ကလေးစားနိုင်သလောက်ကို ထိုက်သင့်ရုံပမာဏနဲ့ အကြိမ်ခွဲကျွေးပါ။
(၅) အစားမလွန်ပါစေနဲ့
မနိုင်ဝန်ထမ်းရတဲ့ အစာအိမ်လေးက ကောင်းကောင်းအစာခြေနိုင်ဖို့ သိပ်မဖြစ်နိုင်တော့ပါဘူး။ အများကြီးစားမိရင် ကလေးက အစာမကြေ၊ ရင်ပြည့်ရင်ကယ်၊ လေထိုးလေအောင့် တွေနဲ့ အစာချေဖျက်မှုတွေ ကမောက်ကမဖြစ်လာပါလိမ့်မယ်။
(၆) အင်ဇိုင်းများများရအောင် ကျွေးပါ
အစားအစာတွေကို ချေဖျက်ဖို့ ခန္ဓာကိုယ်က အင်ဇိုင်းတွေထုတ်ပေးပါတယ်။ အဲဒီအင်ဇိုင်းတွေကို အားဖြည့်ထောက်ကူပေးဖို့ သင်္ဘောသီး၊ သရက်သီး၊ပျားရည်နဲ့ နာနတ်သီးတို့လို အစားအစာတွေကနေ သဘာဝကရတဲ့အင်ဇိုင်းတွေရရှိနိုင်ပါတယ်။
(၇) တချို့ဟာတွေ ရှောင်ပါ
စည်သွပ်ထားတဲ့အစားအစာတွေ၊ ပြုပြင်စီမံထားတဲ့ အစားအစာတွေ၊ အချိုများတဲ့သရေစာတွေက အာဟာရဓာတ်တွေ၊ အင်ဇိုင်းတွေ ပါလေ့မရှိပါဘူး။ ပြည့်ဝဆီတွေ၊ အသွင်ပြောင်းဆီနဲ့ တာရှည်ခံပစ္စည်းတွေသာ ပြည့်ဝနေတတ်လို့ ပုံမှန်လိုစားသုံးနေမိရင် ဝမ်းချုပ်ခြင်းနဲ့ အာဟာရချို့တဲ့ခြင်းတွေပါ ဖြစ်လာနိုင်ပါတယ်။
